Ri Soponiy 3:3 - Quiché Bible

³ Ri e c'amal tak qui be xak e junam cuc' tak ri coj ri quewu'nic; ri e qui k'atal tzij xak e junam cuc' tak ri utiw ri e c'o pa ri chaki'j uwo sak ri man c'o ta jun bak ri caquiya' ta can che re chwek.

Ri Soponiy 3:3 Referans Kwoze

Ri Habacuc 1:8

Ri e qui quiej c'o na ri qui xiq'uinem chquiwäch tak ri leopard, c'o na ri qui ch'ujilal chquiwäch tak ri utiw ri e c'o pa ri chaki'j uwo sak. Ri e cajquiejab pa tak mulaj quepetic, naj c'u e c'o wi caquiq'uiak ulok quib che u banic ch'o'j, jacha' ri cuban ri cot cuq'uiak rib che u chapic ri u ti'.

Ri Jeremiy 5:6

Rumal c'u ri' quebel ulok coj pa ri c'ache'laj quecämisax c'u na cumal, ri utiw ri e c'o chupam ri chaki'j uwo sak quemuchuw na, ri balam quebequimajij na chquinakaj tak ri qui tinimit quech'akatix c'u na cumal aretak quebel ulok; rumal rech chi sibalaj e q'ui ri macaj ri e qui banom, xukuje' chi sibalaj man e nimanelab taj.

Ri Ezequiel 22:6

Chi' e c'o wi ri e a k'atal tak tzij ri caquik'attzij pa Israel, ri e jekel chixo'l quequiban c'u conojel ri il ri quecuin che qui banic.

Ri Jeremiy 22:17

Are c'u ri at xuwi catoc il che qui rikic tak ri ch'äcoj cumal tak eläk'anic; quebajach ri man c'o ta qui mac pa cämisaxic, quebaban c'u c'ax xukuje' quebat'orij ri a tinimit.”

Ri Isaiy 1:23

Ri e a takanelab man e tal ta tzij, e junam qui wäch cuc' ri eläk'omab. Conojel cäquic'ayij quib rumal puak xukuje' cäquitzucuj chi c'o cäsipax chque. Man cäquiban ta tok'ob che ri minor, mawi c'o cubij qui c'u'x che u to'ic ri malca'n ixok.

E C'ambal tak Tzij 28:15

Cajunamataj ruc' jun coj ri cawunic o jun os ri bik'onel ri banal etzelal ri cajawin puwi' jun meba'laj tinimit.

Ri Isaiy 5:29

Ri qui wunem je jas ri u wunem jun coj, ri cäjininic aretak cuchap ri u ti', cuc'am c'u bic man c'o ta jun cäcuinic cumaj ta che.

Ri Ezequiel 33:26

Cäbe iwanima' che ri tokinic cumal tak ri ch'ojibal, quebiban jastak ri itzel quebenwilo, iwonojel quixkaj pa mac cuc' jujun chic, ¿La are c'u pa i c'u'x chi quixux tak ajchak'e ri ulew?’

Ri Jeremiy 23:11

Ri Ajawaxel cujiquiba' u bixic: “Xukuje' c'u ne tak ri e k'axal tak tzij xukuje' tak ri e cojol tabal tok'ob man e nimanelab taj; kas chupam ri wachoch e nu rikom wi caquiban ri etzelal.