Ri Soponiy 3:12 - Quiché Bible

¹² In quebenya' canok awuc' winak ri e mach'amoj ri man nim ta qui banic, ri caquijiquiba' na qui c'u'x chrij ri nu bi'.

Ri Soponiy 3:12 Referans Kwoze

Ri Isaiy 14:32

¿Jas ri cuya' cätzelex bic u bixic chque ri e qui takom we nim tinimit ri'? Chi ri Ajawaxel co u jekebam ri Sion e are' c'u ri e ch'ibatajinak che ri u tinimit caquito' na quib chila.

Ri Nahum 1:7

Ri Ajawaxel utz; are' jun panibal pa ri k'ij rech ri rikoj c'ax: cuto' qui wi' ri caquijiquiba' qui c'u'x chrij.

Ri Matey 5:3

“Utz que ri cäquich'obo chi cajwataj ri Dios chque, caquechbej c'ut ri rajawibal ri Dios.

Ri Isaiy 50:10

Ix ri nim quiwil wi ri Ajawaxel xukuje' quitatabej ri u ch'abal ri pataninel rech: we quixbin pa ri k'eku'm, man c'o ta jubik' i chaj, chicu'ba' i c'u'x chrij ri Ajawaxel; chitok'ej iwib che ri i Dios.

Santiago 2:5

Lok'alaj tak wachalal, chitatabej ri nu tzij: Ri Dios e u cha'om ri mebayib re we uwächulew ri', chi e are' ri k'inomab che cojonic, cäquechbej na ri ajawibal ri u bim ri Dios chi cuya' na chque ri winak ri cäquilok'ok'ej ri are'.

1 Pedro 1:21

Rumal ri Crist ri ix xixcojon che ri Dios, ri xuc'astajisaj ri Crist chquixo'l ri cäminakib xukuje' xunimarisaj u k'ij, rech quixcojon che ri Dios xukuje' quicu'ba' i c'u'x chrij.

Romanos 15:12

Xukuje' cubij ri Isaiy: “Cäq'uiy na jun u tux ri u xe'al ri Isayi. Cäwalij na che takanic paquiwi' ri nimak tak tinimit. Ri nimak tak tinimit cäcu'bi na qui c'u'x chrij.”

Ri Matey 12:21

E are tak c'ut ri nimak tak tinimit quebeyem na che.”

Ri Matey 11:5

Ri moyab, queca'yic chic. Ri ch'ocojib quebin chic. Ri c'o ch'a'c chquij quecunatajic. Ri man queta'm taj, queta'm chic. Ri cäminakib quec'astajic. Chque ri mebayib cätzijox wi ri utzalaj tzijol.

Ri Zacariy 11:11

Pa ri k'ij ri' man xk'ijin ta chic ri c'ulwächinic, e are tak c'ut ri e lok'ol tak chij, ri cätajin queca'y chwe, xquich'obo chi are' ri Ajawaxel cätajin cäch'aw rumal ri cätajin quinbano.

Salmib 37:40

Ri Ajawaxel quebuto' che quesaxic quib. Cuban chque chi caquesaj quib pa qui k'ab ri e banal tak etzelal, quebuto'tajisaj c'ut, rumal rech chi ruc' are' xquitzucuj wi ch'ukubal quib.

Ri Isaiy 14:30

Pa ri nu juyub cäq'uiy na k'ayes che quecha' ri qui chij, ri mebayib, ri winak ri man c'o ta c'o cuc', quebuxlan na pa utzil. Are c'u ri in quinban na chi ri winak quecäm na rumal wi'jal, quincämisaj na conojel ri queto'taj canok.

Ri Zacariy 11:7

Xinchaplej c'u quilixic ri chij ri pilic quij. Xinbij c'u chque ri quelok'ow ri chij chi chinquitojo' che u banic. Xebenban c'u quieb nu ch'amiy: che ri jun xincoj “Utzilal” che ri u bi', che chic ri jun “Junil” u bi'.

Ri Esdras 9:8

Xukuje' c'u ne ri camic, Ajawaxel xukuje' ka Dios, ri utzil la u banom chi uj to'tajinak can quieb oxib. Yo'm c'u la chke chi cakajekeba' ri kachoch pa tastalicalaj ulew; yo'm la c'ac' chäj chquiwäch ri ka bak'wäch, yo'm la chke chi cujuxlab jubik' pu niq'uiajil ri patanijic ri xujcoji' wi.

Ri Isaiy 6:13

We c'u ne queto'taj can quieb oxib chque ri winak, cäsach na qui wäch xukuje' jacha' aretak cäram jun bakit, o jun räx che', xuwi c'u cäcanaj can ri u cuta'mil.” (Che c'u we cuta'm ri' quel wi na ulok jun tastalicalaj tuxaj).

Ri Isaiy 29:19

Ri man nimak ta qui k'ij quequicot chi na pa ri Ajawaxel, ri sibalaj e mebayib na quequicot chi na pa ri Tastalicalaj u Dios ri Israel.

Ri Jeremiy 17:7

Utz re c'u ri winak ri cujiquiba' u c'u'x chwij, ri queyem chwe.

Ri Jeremiy 50:20

In, ri Ajawaxel, quinjiquiba' u bixic: Pa ri k'ijol ri', ri Israel xukuje' ri Juda man e c'o ta chic chak'maquil chquij, xukuje' macaj, rumal rech chi quinsach na qui mac ri quebenc'asba' canok.”

Ri Ezequiel 6:8

Quinban c'u na chi e c'o jujun chiwe queto'taj chuwäch ri cämical quec'asi' c'u canok, e jabutal chquixo'l ri nimak tak tinimit.

Ri Miquey 5:6

E are' quebajawin na puwi' ri Asir, ri rulew ri Nimrod, ruc' ch'ich' re ch'o'j ri cäjaw u pa u chi', cujquito'tajisaj c'u na pa qui k'ab ri aj asiriyab ri e qui xalk'atim tak ri e ka c'ulbat ri e qui majim tak ri kulew.