Ri Soponiy 3:10 - Quiché Bible

¹⁰ Ch'käp chque tak ri nima' re Etiopiy, ri nu tinimit ri jabutalic cäpe na ruc' bochi'nic quebuc'am na ulok tak sipanic chwe.

Ri Soponiy 3:10 Referans Kwoze

Ri Isaiy 11:11

Pa ri k'ijol ri' cuc'ut chi na jumul ri u cuinem ri Ajawaxel, quebumol chi na ri e u tz'akatil ri u tinimit ri e to'tajinak canok, quebutzelej ulok caquiya' can ri Asiriy xukuje' ri Ejipt, ri Patros, ri Etiopiy, ri Elam, ri Sinar, ri Hamat xukuje' tak ri tinimit ri e c'o chu chi' ri plo.

Salmib 68:31

Pa Ejipt quepe wi na ri chaconisan tak re k'an ch'ich'; ri Etiopiy cuyac na ri u k'ab chuwäch ri Dios.

Ri Isaiy 18:1

¡Tok'ob u wäch ri ulew ri cäxojlin wi cok'ebal alaj tak chicop, ri ulew ri c'o c'ä jela' chque tak ri nima' aj Etiopiy,

1 Pedro 1:1

Ri in Lu', in takom re ri Jesucrist, quintz'ibaj we wuj ri' chque ri e jabuninak pa Pont, pa Galas, pa Capados, pa Asiy, xukuje' pa Bitin, ri man chila' taj ri qui tinimit,

Romanos 15:16

chi quinux pataninel re ri Jesucrist chquixo'l ri man aj judeyib taj. Quinpatanin che u tzijoxic ri utzalaj tak u tzij ri Dios, rech ri man aj judeyib taj cäquijach quib che ri Dios che jun sipanic ri cäkaj chuwäch ri Dios, ri cäc'am rumal, e tasom rumal ri Ruxlabal ri Dios.

Hechos 24:17

E oc'owinak chi c'u q'ui junab, xinopan pa ri nu tinimit che u ya'ic cochinic xukuje' tak sipanic.

Hechos 8:27

Ri Pelip xwalij c'ut, xbec. Xurik c'u jun achi aj Etiopiy. We achi ri' banom che chi man cäcuin taj cac'uli'c. Yo'm takanic pa u k'ab rumal ri Candas ri chuchu' ajawinel puwi' ri Etiopiy. We achi ri' cojom puwi' ronojel ri u k'inomal. Ri are' xpe che k'ijilanic pa Jerusalen.

Ri Malaquiy 1:11

Pa conojel ri nimak tak tinimit re ri uwächulew nim quinil wi; pa ronojel c'olbal caporox c'oc' tak k'ol che u ya'ic nu k'ij queya' c'u tak sipanic chwe ri e takalic.

Ri Isaiy 18:7

Pa ri k'ijol ri' quec'am na ulok sipanic che ri Ajawaxel ri c'o ronojel u cuinem cumal ri winak ri sibalaj nimak cäkan ri cäjuluw ri qui tz'umal, nim tinimit ri sibalaj cäxex ib chuwäch pa ronojel c'olbal, cowilaj tinimit ri cuban rib chi nim u banic ri je'lic pa jun ulew ri atinisam cumal tak nima'. Cäquic'am na ulok puwi' ri juyub Sion jawije' ri cäk'ijilax wi ri Ajawaxel ri c'o ronojel u cuinem.

Ri Xuan 7:35

Xquitzijobela' c'u quib ri aj judeyib: “¿Jawije' ta lo cäbe wi, ri ma ta cäkarik na? ¿La cäbe ta lo cuc' ri ka winakil ri e jabuninak chquixo'l ri aj Gres? ¿La cäbe cuc' ri aj Gres che qui tijoxic?

Ri Isaiy 11:12

Cuwalijisaj na jun etal chque tak ri nimak tak tinimit, quebumulij na ri aj israelib ri e c'amom bic naj quebumulij na conojel ri qui jabum quib cho ronojel ri uwächulew, conojel ri aj Juda ri qui tuquin quib.