Ri Soponiy 3:1 - Quiché Bible

¹ ¡Tok'ob u wäch ri Jerusalen, ri tinimit ri man ch'abexic ta cäraj, tz'ajtajinak xukuje' pak'alenel!

Ri Soponiy 3:1 Referans Kwoze

Ri Jeremiy 6:6

Ri Ajawaxel ri c'o ronojel u cuinem yowinak we takanic ri': “¡Chebikasaj tak che' chi woco' jun pakalibal che u banic ch'o'j ruc' ri Jerusalen! Ri tinimit c'okotajinak che u c'äjisaxic u wäch, rumal rech chi nojinak che u banic c'ax.

Ri Isaiy 59:13

Uj uxinak man ch'abexic ta cäkaj xukuje' man uj ta jic chuwäch ri Ajawaxel, man xkaj taj xkaterenej ri ka Dios, e ka tzijom tokinic xukuje' ri e jachanic ri quieb qui wäch, e ka banom ka chomanic che qui subic niq'uiaj chic.

Ri Isaiy 30:12

Rumal ri' ri Tastalicalaj u Dios ri Israel cubij: “Ri ix xa quixutuj we pixbenic ri', are quicu'ba' i c'u'x chrij ri tokinic xukuje' ri etzelal, are c'u quitobej iwib;

Ri Malaquiy 3:5

Ri Ajawaxel ri c'o ronojel u cuinem cubij. “In quinpe che u k'atic tzij piwi' ix. Xukuje' quinux c'u na k'alajisanel che qui c'ulelaxic tak ri quequiban tak itzinic, ri quekaj pa mac ruc' jun winak chic, ri xak lok' cäquiban ri chi'nic ri kas cäban na, ri quequiban c'ax chque ri ajchaquib, chque ri malca'nib xukuje' chque ri minorib, ri caquiban lawaloyil chque ri man e qui winakil taj xukuje' ri man nim ta quinquil wi.”

Ri Zacariy 7:10

Miwesaj canima' ri malca'nib, mawi ri minorib, mawi ri man e i winakil taj, mawi ri mebayib. Michomala' qui banic tak c'ax chbil tak iwib.”

Ri Ezequiel 22:7

Ri e a winak man nim ta quequil wi ri qui tat mawi ri qui nan, caquiban c'ax chque ri man e qui winakil taj, quequit'orij ri man c'o ta chic qui tat qui nan xukuje' ri malca'nib.

Ri Miquey 2:2

Quequirayij tak ulew, quequitokij c'ut; quequirayij tak ja, quequeläk'aj c'ut. Quequiban tak c'ax chque ri winak xukuje' tak ri e cachalaxic xukuje' tak ri jastak quech.

Ri Jeremiy 22:17

Are c'u ri at xuwi catoc il che qui rikic tak ri ch'äcoj cumal tak eläk'anic; quebajach ri man c'o ta qui mac pa cämisaxic, quebaban c'u c'ax xukuje' quebat'orij ri a tinimit.”

Ri Isaiy 5:7

Ri ticbal u uva ri Ajawaxel ri c'o ronojel u cuinem ri u tico'n ri sibalaj lok' chuwäch, are ri rulew ri Israel, u tinimit ri Juda. Ri Ajawaxel reye'm chi queniman che ri u pixab, xuwi c'u cämisanic curik cuc' reye'm suq'uilal, xuwi c'u cuta' rakoj tak chi'aj re k'oxom.

Aj Levitib 1:16

Cäresaj ri riximibal xukuje' ri c'o chupam, quebumulij pa u xcut ri porobal ri cäca'y pa elebal k'ij, pa ri c'olbal ri cäya' wi ri chaj:

Ri Amos 4:1

Chebitatabej tak wa': je'lalaj tak ixokib je ri quixpe ri e chomak tak ati'tab wacax re Basan pa ri juyub re Samar, ixokib ri quequiban c'ax chque tak ri mebayib quebic'axc'obisaj c'ut ri e c'o tak qui rajawaxic, ri quequitak ri cachajilal chi chequic'ama' ulok u wa'l uva rech cacuq'uiaj.

Ri Amos 3:9

Chebiya' qui bixic ix chquipam ri nimak tak ja ri e c'o pa Asdod xukuje' chquipam ri nimak tak ja ri c'o pa Ejipt: “Chixpet pa tak ri juyub re Samar; chebiwila' ri yojyobic xukuje' ri tokinic ri cäcoch' chila'.”

Ri Ezequiel 23:30

e are' ri e ajchak'mac che ri cac'ulmaj camic, xajach c'ut awib che cäquiban ri quech ri nim ch'utin cuc' nimak tak tinimit ri' xachuwisaj c'u awib rumal ri qui k'ijilaxic tak ri e diosib.

Ri Ezequiel 22:29

Ri e u winakil ri tinimit xuwi caquipatanij ri tokinic xukuje' ri eläk'; caquit'orij ri meba' xukuje' ri c'o u rajawaxic, quequiban tak tokinic xukuje' tak man suq'uilal taj cuc' ri man e qui winakil taj.

Ri Jeremiy 5:23

Ri ix c'o jun iwanima' täc xukuje' man nimanel taj; xinitzak canok xixbe c'ut.

Ri Isaiy 59:6

Man queban ta atz'iak chque tak we qui quem äm ri' man c'o ta jun cacuinic caratz'iakij ta rib ruc' ri caquiquemo. Ronojel ri cäquibano re banoj c'ax: ri qui k'ab quechacun che quibanic tokinic.

Ri Jeremiy 6:7

Che ri Jerusalen caq'uiy wi ulok ri etzelal jacha' jun c'ua' ri caq'uiy wi ulok ri ja'. Man c'o ta ri cätataj chupam xak xuwi ri tokinic xukuje' qui banic tak c'ax; man c'o ta jas quinwil chupam xuwi ri socotajic xukuje' k'oxomal.