Ri Soponiy 2:8 - Quiché Bible

^8-9 Are wa' cujiquiba' u bixic ri Ajawaxel ri c'o ronojel u cuinem, ri u Dios ri Israel: “Nu tom ri qui tzurunic ri aj moabib xukuje' tak ri qui yok'onic ri aj amonib rumal rech chi we winak ri' e qui tzurum ri e nu winak e uxinak c'u nimak qui k'ij rumal ri u chuk'ab ri culew. Rumal ri', quinban ri chi'nic ri kas cäban na quincha' rumal ri nu c'aslemal chi ri Moab je cuc'ulmaj na jacha' ri Sodom e are c'ut ri aj Amon quecanaj canok jacha' ri Gomor, quejalwächitaj pa u juyubal q'uix, pa u q'uiyibal atz'am, pa jun c'olbal ri xak catoli' na. Ri queto'taj can che ri nu tinimit quebe qui c'otij na quecanaj c'u na can cuc' tak ri culew.”

Ri Soponiy 2:8 Referans Kwoze

Ri Amos 1:13

Jewa' cubij ri Ajawaxel: “Ri e aj Amon e q'ui tak ri etzelal ri e qui banom ri man quebenya' ta canok chi ma ta chinc'äjisaj qui wäch; xa' c'u rumal rech chi quebel ch'u'j che u nimarisaxic u wäch ri culew, xequipoch'ola' tak ri ixokib ri e yawab tak winak pa ri ulew re Galaad.

Ri Jeremiy 49:1

Tzijol ri cuya' ri Ajawaxel che ri cuc'ulmaj na ri Amon: “¿Jawije' tak e c'o wi ri e ralc'ual ri Israel? ¿Jawije' tak e c'o wi ri e rechbenelab? ¿Jasche ri dios Milcom are' ajchak'e ri Gad camic? ¿Jasche e are' ri aj amonib e jekel chquipam ri qui tinimit tak?

Ri Ezequiel 36:2

In, ri Ajawaxel, quinbij: Ri e qui c'ulel ri aj israelib are pa qui c'u'x chi e are' chic e ajchak'e ri junalic tak juyub.

Ri Josue 5:9

Xubij c'ut ri Ajawaxel che ri Josue: “Rumal c'ut ri qui kopixic ri qui tz'umal ri achijab wi ri achijab, wesam ri qui yok'onic ri aj ejiptib piwi'.” Rumal ri', c'ä cäbix Jilgal che we c'olbal ri'.

Ri Isaiy 15:1

Cäya' u bixic ri cuc'ulmaj na ri Moab. Pa ri chak'ab aretak ri Ar xsach u wäch, are chi' xetzeletaj ri Moab pa ri chak'ab aretak xsach u wäch ri Kir, are chi' xetzeletaj ri Moab.

Ri Isaiy 16:6

Keta'm ri nimalaj nimal ri cuban ri Moab, cuban rib chi man c'o ta chi jun jas ri are', cunimarisaj rib, man cäkaj ta jubik' ri rij u wi', xukuje' conojel tak ri tzij ri cubij man c'o ta qui patan.

Ri Jeremiy 12:14

Jewa' cubij ri Ajawaxel chque ri e itzel tak tinimit, ri e u c'ulja ri Israel, ri quisachisam u wäch ri ulew ri xuya' are' jacha' che echbal che ri u tinimit Israel: “In quebenbok na chupam tak ri culew, quinwesaj c'u na ri Juda pa quiniq'uiajil wa'.

Juyuwem 3:61

Chetatabej la Ajawaxel, ri e qui il tzakoj xukuje' conojel tak ri qui chomanic che u banic c'ax chwe;

Ri Ezequiel 21:28

“At, winak, chatch'aw pa ri nu bi' chabij c'u chque ri aj amonib ri quetzurun che ri Israel, chi ri ch'ich' re ch'o'j josim chic pa ri c'olbal rech: suc'umatal chic che cämisanic jolk'irisam chi c'ut che u cojic xe'n ib xukuje' che u sachic wächaj.

Ri Amos 2:1

Jewa' cubij ri Ajawaxel: “Ri e aj Moab e q'ui tak ri etzelal ri e qui banom ri man quebenya' ta canok chi ma ta chinc'äjisaj qui wäch; xequiporoj c'ut ri e u bakil ri rajawinel ri Edom c'a xquichajirisaj na.

Ri Soponiy 2:10

Are tojbal wa' ri caquic'am na ri Moab xukuje' ri Amon u mac rech chi xquitzur ri u tinimit ri Ajawaxel, u mac rech chi e uxinak nimak qui k'ij rumal ri u chuk'ab ri u tinimit ri Ajawaxel ri c'o ronojel u cuinem.

Chapletajic 19:37

Xc'oji' c'u jun ral ri nabeal, xucoj Moab che u bi' are wa' ri qui tat ri aj moabib camic.

Chapletajic 19:38

Ri chak'axel xukuje' xc'oji' jun ral, xucoj Ben-ami che u bi' are wa' ri qui tat ri aj amonib camic.

Ri Jeremiy 48:1

Tzijol ri u yo'm ri Ajawaxel ri c'o ronojel u cuinem, ri u Dios ri Israel, che ri cuc'ulmaj na ri Moab: “¡Tok'ob a wäch tinimit Neb, yojyobinak chi c'ut! ¡Ri Quiriataim xmajixic xukuje' xmach'irisaxic! ¡Ri u chuk'ab xt'akix pa ulew!

Ri Ezequiel 25:1

Ri Ajawaxel xinuch'abej, xubij c'u chwe:

Ri Ezequiel 35:12

C'äte ri' cawil na chi in, ri Ajawaxel, xintatabej conojel ri yok'onic ri xebaq'uiak paquiwi' tak ri e u juyub ri Israel. Ri at xabij: ¡E jun chaki'j uwo sak; camic cujcuinic quekabik'o!