Ri Soponiy 2:7 - Quiché Bible

⁷ Ri queto'taj can che ri tinimit Juda queboc na che rechbexic we ulew ri' aretak chpe ri Ajawaxel ri qui Dios che qui to'ic cuq'uex c'u na ri qui taklebem. Chila' quequichajij wi na tak ri qui jumulajaj, quebuxlan c'u na chak'ab chquipam tak ri ja re Ascalon.

Ri Soponiy 2:7 Referans Kwoze

Ri Soponiy 3:20

Pa ri k'ijol ri' quixinc'am na ulok ix, quixinmulij na; quinban na chi caq'uextaj ri qui taklebej, quinya' c'u na utzalaj i tzijol xukuje' nim iwilic chquixo'l tak ri tinimit ri e c'o chuwäch ri uwächulew. In, ri Ajawaxel, nu bim.”

Ri Ezequiel 39:25

Rumal ri' in, ri Ajawaxel, quinbij: Camic quel na nu c'u'x che ronojel ri tinimit Israel, ri e rija'lil ri Jacob. Quenbana' chi cuq'uex ri cutaklebej, che u cojic chuk'ab chi chyok u k'ij ri tastalicalaj nu bi'.

Elem 4:31

Ri winak xcu'bi qui c'u'x aretak xquetamaj chi ri Ajawaxel oquinak il chque, xukuje' rilom ri c'ax ri cätajin cäquiriko, xexuquic, xek'ijilanic.

Ri Lucax 1:68

“Chnimarisax u k'ij ri Ajawaxel ri qui Dios ri aj Israel, rumal rech chi xebulusolij ri u winak, xebucolo.

Ri Miquey 2:12

Quenmulij ronojel ri u tinimit ri Jacob; quenmolo' ri ch'utinalaj quieb oxib aj israelib ri e canajinak. Quebenmulij na e jacha' chij chupam ri qui warabal, jacha' jumulaj chupam ri yuk'bal, quetilil c'u na e jacha' jumulaj winak.

Ri Abdiy 1:19

Ri aj israelib aj Negueb caquimajij na ri u c'ache'laj ulew ri Esau che quechbal, e are c'ut ri e aj lianic are caquimajij na ri culew ri aj pilisteyib che quechbal. Xukuje' quequimajij tak na ri e rulew ri Eprain che quechbal xukuje' ri rulew ri Samar, are c'u ri aj Benjamin caquimajij na ri Galaad che quechbal. We jumulaj aj israelib ri' ri xetzelej ulok pa jun ulew chic are' caquimajij na ri culew ri aj cananib che quechbal copan c'ä pa Sarepta, e are' tak c'ut ri aj Jerusalen ri e c'o pa Separad quequimajij na ri tinimit tak rech Negueb.

Ri Jeremiy 33:7

Quinq'uex na ri cutaklebej na ri Juda xukuje' ri rech ri Israel, quinban chi c'u na qui banic rech je quebuxic jacha' ri pa ri chaplebal.

Ri Jeremiy 29:14

Je, in quinya' c'u na c'olbal chiwe chi quiniriko, quinban c'u na chi quinq'uex ri qui taklebej: quixinwesaj na chquixo'l ri nimak tak tinimit xukuje' pa tak ri c'olbal jawije' tak ri xixinjabuj wi, quixinmulij c'u na quinban c'u na chi quixtzelej chupam we c'olbal ri' ri xixinwesaj wi bic. In, ri Ajawaxel, quinjiquiba' u bixic.’

Romanos 11:5

Je c'u wa' ri c'ulmatajinak, canajinak c'u can jubik' qui tz'akatil, are' c'u ri Dios, chupam ri rutzil, u cha'om.

Hechos 8:40

Are c'u ri Pelip c'äte xuna'o c'o chic pa ri tinimit Azot. Aretak xoc'owic, xutzijoj ri utzalaj tak tzij chque ri winak pa conojel ri tinimit, c'ä xopan na pa Sesarey.

Hechos 8:26

Are c'u ri tako'n aj caj re ri Ajawaxel xuch'abej ri Pelip, xubij che: “Chatwalijok, jät pa ri u mox k'ab ri elebal k'ij pa ri be ri cäbe pa Jerusalen, cäkaj pa Gaz.” We be ri' cak'ax chupam ri chaki'j uwo sak.

Ri Lucax 7:16

Conojel xquimayij, xquinimarisaj u k'ij ri Dios, xquibij: “C'o jun k'axal tzij chkaxo'l ri nim u banic. Ri Dios xulusolij ri u winak.”

Ri Miquey 4:10

Chabak'atila' awib charak c'u a chi', u tinimit Sion, jacha' ta ne jun ixok ri e c'o u k'oxomal re alc'ualanem, rumal rech chi ri e a winak quebel bic awuc' quebejekel c'u na pa jun ulew jamalic, copan c'u na c'ä pa Babilon. Chila' c'ut cuto'tajisaj wi na ri Ajawaxel ri u tinimit; queresaj na ri u tinimit pa qui k'ab ri e u c'ulel.

Ri Jeremiy 32:44

Quelok' na quetz'ibax c'u na ri c'ulwächinic ri quequibano, ruc' t'ikbal xukuje' quequitz'ibaj tak ri qui bi' ri k'alajisanelab chuxe'. Queban c'u je tak wa' pa ri rulew ri Benjamin, pa tak u xcut ri Jerusalen xukuje' chquipam ri tinimit tak re Juda, je queban wa' pa tak ri ulew ri e c'o wi c'ache'laj jacha' xukuje' pa ri lianic, xukuje' chquipam ri tinimit tak ri e c'o pa ri Negueb, quinban c'u na chi cuq'uex ri cutaklebej ri nu tinimit. In, ri Ajawaxel, quinjiquiba' u bixic.”

Ri Jeremiy 31:7

Cächa ri Ajawaxel: “Chixbixon rumal quicotemal xukuje' jajatem rumal ri u tinimit ri Jacob, ri nim na u k'ij chquixo'l conojel ri nimak tak tinimit. Chibana' chi chtataj ri qui bixoj xukuje' chibij c'ut: ‘Ri Ajawaxel xucol ri u tinimit ri to'tajinak can che ri Israel.’

Ri Jeremiy 30:3

rumal rech chi cäpe na ri k'ij chi quinq'uex na ri cuc'ulmaj ri nu tinimit Israel xukuje' ri Juda. In, ri Ajawaxel, quinjiquiba' u bixic. In quinban na chque chi quetzelej chupam ri ulew ri xinya' chque ri e qui mam jacha' che quechbal.”

Ri Jeremiy 23:3

Kas in c'ut quebenc'am na ulok tak ri e nu chij ri e to'tajinak pa tak ri ulew ri xinban wi chque chi xebanimaj wi bic, quebenmulij na quinban c'u na chque chi quetzelej na ulok chquipam tak ri quecha', rech sibalaj queq'uiyir tak na ri cal.

Ri Jeremiy 3:18

Aretak chopan ri k'ij ri', ri Juda cujunaj na rib ruc' ri Israel, junam c'ut quetzelej na ulok caquiya' can ri ulew ri c'o pa ri riquiak'ab ri elebal k'ij, queboc chupam ri ulew ri xinya' jacha' che echbal chque ri e i mam ix.”

Ri Isaiy 11:11

Pa ri k'ijol ri' cuc'ut chi na jumul ri u cuinem ri Ajawaxel, quebumol chi na ri e u tz'akatil ri u tinimit ri e to'tajinak canok, quebutzelej ulok caquiya' can ri Asiriy xukuje' ri Ejipt, ri Patros, ri Etiopiy, ri Elam, ri Sinar, ri Hamat xukuje' tak ri tinimit ri e c'o chu chi' ri plo.

Salmib 85:1

Ajawaxel, lal sibalaj lal uxinak utz ruc' we ulew la ri'. Tzalim la ri u utzilal che ri Jacob;

Chapletajic 50:24

Xpe c'u jun k'ij aretak xubij ri Jose chque ri rachalal: “Xa quieb oxib k'ij chic in c'aslic, cäpe c'u na ri Dios che i to'ic, quixresaj c'u na bic chupam we ulew ri', che i c'amic bic chupam ri ulew ri xuchi'j chque ri Abraham, ri Isaac xukuje' ri Jacob.”

Ri Hajey 2:2

Xuya' c'u takanic che chi chubij che ri Zorobabel, che ri Jexu xukuje' che ri qui tz'akatil ri winak:

Ri Hajey 1:12

Ri Zorobabel, ri Jexu xukuje' ri e qui tz'akatil ri winak xquina' xe'n ib aretak xquita' ri xubij ri Ajawaxel chque rumal ri Hajey, ri k'axal u tzij, are wa' ri u chilibem u bixic ri Dios ri Ajawaxel chi chubij.

Ri Isaiy 14:1

Je, ri Ajawaxel quel na u c'u'x che ri Jacob. Cuc'am chi na ri Israel jumul jas ri nabe, cuban na chi ri aj israelib quetzelej chi na pa ri culew. Ri man aj israelib ta quepe na cuc', caquijunaj na quib ruc' ri u tinimit ri Jacob.

Ri Rut 1:6

C'o jun k'ij xopan u bixic ruc' ri Noemi pa Moab chi ri Ajawaxel xel u c'u'x che ri u tinimit, xusachisaj c'ut u tza'm ri k'ijol re ri wi'jal.

Salmib 80:14

Dios ri c'o ronojel u cuinem, bana' la tok'ob tzelej la ulok; kas chca'y la ulok chicaj chel c'u c'u'x la che we juwi' uva ri'.

Ri Isaiy 11:16

Aretak quetzelej ulok ri e u tz'akatil ri u tinimit ri Ajawaxel pa Asiriy, cäquirik na jun be nim u wäch, jacha' ri be ri xurik ri Israel aretak xel ulok pa Ejipt.

Ri Isaiy 32:14

Ri ja re k'atbal tzij cäwoni na canok; ri tinimit, ri e c'o wi q'uialaj winak, cäcanaj na chaki'j uwo sak; ri pimak tak tapia, xa jumul quewonobax na canok; chila' quequicot wi na ri juyubal tak bur, xukuje' cuya' cäquitij na qui k'ayes ri wacax chila'.

Ri Jeremiy 29:10

Ri Ajawaxel cubij: ‘Aretak chetz'akat ri oxc'al lajuj (70) junab che ri Babilon, quinya' na ri to'banic chiwe ix quintz'akatisaj c'u na ri nu chi'nic chiwe ri sibalaj man c'o ta c'o wi chi quinban chiwe chi quixtzelej chupam we c'olbal ri'.

Ri Jeremiy 33:12

Cächa ri Ajawaxel ri c'o ronojel u cuinem: “Chupam we ulew ri' ri uxinak chaki'j uwo sak, ri man e c'o ta wi winak mawi awaj xukuje' pa conojel ri u tinimit tak, queq'uiy chi na echa' ri quequic'am wi na bic tak ri ajyuk'ab ri e qui jumulaj.

Ri Jeremiy 47:5

Ri winak re Gaz caquiban na tol che ri qui jolom, ri winak aj Ascalon quememer na. Q'uisbal qui tz'akatil tak ri ojer tac'atak tak achijab, ¿C'ä jampa' lo ri quebasoc ri a ti'jal che u c'utic ri k'oxomal?

Ri Osey 6:11

Xukuje' c'u ne chawe at, Juda, c'ututajinak chic ri k'ij che u c'äjisaxic a wäch.” “Aretak quinwaj quinq'uex ri cutaklebej ri nu tinimit Israel,

Ri Soponiy 3:13

Ri queto'taj can che ri tinimit Israel man caquiban ta chi c'ut ri man suq'uilal taj, mawi quequibij chic banoj tak tzij, mawi quequinojisaj ta chic ri qui chi' chque tak jech'balil. Cuya' qui tzuktzubej iwib xukuje' quixuxlanic man c'o ta chi jun xe'n ib.”

Ri Isaiy 11:14

E quieb quebe na pa ri u kajebal k'ij che u banic ch'o'j cuc' ri aj pilisteyib, man c'o ta cäquinabej quekaj paquiwi'. Junam cäquesaj na ri qui k'inomal tak ri tinimit aj elebal k'ij. Ri qui tzijol copan na c'ä pa Edom xukuje' pa Moab, quetakan na paquiwi' ri aj amon.