Ri Soponiy 2:2 - Quiché Bible

² c'ä majok chixq'uiak bic jacha' ta ne ri pajo, ri xa' pa jun k'ij casach u wäch; c'ä majok chkaj ri nimalaj royowal ri Ajawaxel piwi' ri canicowic; c'ä majok chkaj piwi' ix ri k'ij re ri nimalaj royowal ri Ajawaxel.

Ri Soponiy 2:2 Referans Kwoze

Ri Nahum 1:6

¿Jachin ta lo ri cacuinic cätaq'ui' ta chuwäch ri royowal? ¿Jachin ta lo ri cach'ijow ri royowal? Ri u c'anal cätixtob na jacha' k'ak', quequiban c'u cacab ri nimak tak abaj.

Ri Osey 13:3

Rumal ri' quebux jacha' ri mayul re ak'abibal, jacha' ri räxk'ab re ri sakaribal, ri xak cäsakaric cäsachic, jacha' ri pajo ri cac'am bic rumal ri quiakik', jacha' ri sib ri quel chupam ri jul.

Juyuwem 4:11

Ri Ajawaxel xukasaj ronojel ri royowal xutzopij ri u c'amal ri u k'ak'al ri royowal; xut'ik k'ak' che ri Sion xusachisaj c'u u wäch c'ä chuxe'.

Ri Isaiy 17:13

Aretak c'ut quebokatax bic rumal ri Dios, naj quebetakal wi, jacha' ri pajo ri cäc'am bic rumal ri quiakik' pa tak ri juyub o jacha' ri quiäkwok' ri cäc'am bic rumal ri salc'um.

Salmib 1:4

Cuc' ri e banal tak etzelal, man je ta c'ulmatajic, e junam ruc' ri pajo ri quebuc'am bic ri quiakik'.

Ri Soponiy 3:8

Rumal ri', chiweyej ix ri k'ij aretak chinwalij che u bixic ri c'ax ri qui c'ulmaj na. In, ri Ajawaxel, quinjiquiba' u bixic: Xchomataj wumal qui mulixic ri nimak tak tinimit xukuje' tak ri ajawibal rech quinkasaj ri nicowelalaj woyowal paquiwi'. ¡Ronojel ri uwächulew cäsachisataj na u wäch rumal ri u k'ak'al ri nu c'anal!

Ri Soponiy 1:18

Pa ri k'ij re ri nimalaj royowal ri Ajawaxel, man cäto'tajisax ta na ri winak mawi rumal ri u sak puak mawi rumal ri u k'an puak, ri u k'ak'al c'ut ri royowal ri Ajawaxel cäjarisan na ronojel ri uwächulew. ¡Conojel ri winak ri e jekel cho ri uwächulew cäsachisataj na qui wäch xa' pa jun jok'otaj!

Ri Job 21:18

¿Jampa' ta e jabum jacha' ri pajo ri cac'am bic rumal ri sutinel quiakik'?

Ri Matey 24:35

Ri caj ulew casach na qui wäch. Are c'u ri nu tzij mawi jubik' casach u wäch.

Ri Ezequiel 12:25

Rumal rech chi ri in, ri Ajawaxel, quinch'aw na, are c'u ri chenbij na man cabeytaj ta ri u banic. Kas ix c'u quixilow na, tinimit ri man ch'abexic ta ri quiwaj; ri in quinch'aw na quinban c'u na chi quetz'akat na ri quinbij. In ri Ajawaxel, quinya' nu tzij.”

Ri Jeremiy 23:20

Ri royowal ri Ajawaxel man cätani' ta na c'ä quebuban tak na ri jastak ri e u chomam qui banic. Cäpe na ri k'ijol aretak ri ix quixchoman na quebich'ob c'u na we jastak ri'.

Salmib 50:22

Kas chich'obo' wa', ix ri sachinak ri Dios pa i jolom, minchaplej ne i muchic ri ma ta c'u c'o jachin quixesan pa nu k'ab:

Ri Jeremiy 4:4

Winak aj Juda xukuje' aj Jerusalen, chikopij ri u wi' ri qui tz'umal ri ix achijab wi jacha' jun etal, chiya' c'u nu k'ij chi in ri Ajawaxel, chicojo' ri retal ri c'ulwächinic chupam ri iwanima'; mac'ulmataj ne chi cumal ri itzel tak i banoj, cät'ikquen ri woyowal jacha' jun k'ak' canicow ta c'ut ri man c'o ta jun cäcuin ta che u chupic.”