Ri Soponiy 2:11 - Quiché Bible

¹¹ Ri Ajawaxel cux na xibibal chque. Cusachisaj na qui wäch conojel ri e u diosib ri ulew, cäk'ijilax c'u na ri are pa ronojel c'olbal, xukuje' ne cumal ri winak ri e c'o chquipam ri ch'akatak tak ulew ri e c'o tak chupam ri plo.

Ri Soponiy 2:11 Referans Kwoze

Ri Zacariy 13:2

Pa ronojel we ulew ri' quinsachisaj na qui wäch xukuje' ri qui bi' tak ri diosib, rech man cätakex ta chic qui nataxic. Xukuje' quebenwesaj na chupam ri ulew ri e k'axal tzij xukuje' ronojel tz'ilalaj uxlabal. In, ri Ajawaxel, quinya' ri nu tzij.

Ri Malaquiy 1:11

Pa conojel ri nimak tak tinimit re ri uwächulew nim quinil wi; pa ronojel c'olbal caporox c'oc' tak k'ol che u ya'ic nu k'ij queya' c'u tak sipanic chwe ri e takalic.

Ri Zacariy 2:11

Aretak chec'ulmataj wa', e q'ui tak ri nimak tak tinimit ri caquijunaj na quib ruc' ri Ajawaxel. Ri are' cubij na: “Xukuje' we nimak tak tinimit ri' quebux na nu tinimit. Quinjeki' c'u na ri in chixo'l ix.” Je c'u ri' ri ix quich'ob na ix chi are' ri Ajawaxel ri c'o ronojel u cuinem are' in takowinak ulok.

Ri Osey 2:17

Quebenwesaj c'u na chquichi' ri e qui bi' tak ri e baal, mawi c'u jumul chenatax ta chi na.

Salmib 138:4

Conojel ri ajawinelab cho ri uwächulew cäquiya' na k'ij la aretak cäquita' ri tzij la.

Chapletajic 10:5

E are' tak wa' ri e rija'lil ri Japet ri xenojisan tak ri tak'aj, chquijujunal tak ri nimak tak tinimit xukuje' tak ri ija'lil chupam tak ri kas culew xukuje' ruc' tak ri kas qui ch'abal.

Apocalipsis 11:15

Ri uwuk tako'n aj caj xrok'esaj ri u trompet. Xepe nimak tak ch'abal chicaj, ri xquibij: “Ri e ajawibal re ri uwächulew e rech chic ri Kajaw xukuje' e rech chic ri u Crist. Cajawin c'u na puwi' ronojel amak'el chbe k'ij sak.”

1 Timoteo 2:8

Quinwaj c'ut chi ri winak pa conojel c'olbal cäquiban ch'awem ruc' Dios chequiwalijisaj ri qui k'ab ruc' jun ch'ajch'ojalaj canima', man c'o ta oyowal mawi c'ulelam tak ib.

Ri Zacariy 8:23

Chupam ri k'ijol ri' lajuj winak ri e quech jule' nimak tak tinimit chic caquichap na jun aj judey che ri ratz'iak, caquibij c'u na che: ‘¡Cakaj cujbe iwuc', ka tom c'ut chi c'o ri Dios iwuc'!’ ”

Ri Zacariy 8:20

Are wa' ri cubij ri Ajawaxel ri c'o ronojel u cuinem: “C'ä quepe chi c'u na winak, winak ri e jekel chquipam tak tinimit ri nimak qui k'ij.

Ri Soponiy 3:9

Aretak chopan wa', quinch'ajch'ojirisaj na ri qui tzij tak ri tinimit rech conojel quinquinataj, rech conojel xa' junam qui wäch che nu k'ijilaxic.

Ri Soponiy 1:4

“Quinyuk na ri nu k'ab che u banic c'ax che ri tinimit Juda xukuje' chque ri e jekejoj pa Jerusalen. Quinchupisaj na chupam we c'olbal ri' ronojel ri u nataxic ri dios Baal, xukuje' tak ne ri qui bi' tak ri e u cojol tabal tok'ob.

Ri Joel 2:11

Ri Ajawaxel, cänabej chquiwäch ri rajch'ojab cubano chi cätataj ri u ch'abal jacha' cakulja. Ri rajch'ojab man quebajilataj taj, ri queniman che ri u banic tak ri e u takanic. ¡Sibalaj nim xukuje' xibibal ri u k'ij ri Ajawaxel! Man c'o ta jachin ta cacoch'owic.

Ri Isaiy 49:1

Chinitatabej, ulew re ri plo, chitatabej ri quinbij, naj nimak tak tinimit: Ri Ajawaxel xinusiq'uij c'ä majok chinalaxok; xubij ri nu bi' aretak c'ä in c'o pa ri u c'u'x ri nu nan.

Ri Isaiy 42:10

Chibixoj che ri Ajawaxel jun c'ac' bix kas pa ri c'olbal ri sibalaj naj che ri ulew chek'ijilan che jachin tak ri quebin puwi' ri plo xukuje' ri chicop ri e jekel chupam, ri ulew tak ri e c'o chupam ri plo xukuje' ri e u winakil.

Ri Isaiy 42:4

Man cuxlan taj mawi cäq'uistaj u c'u'x, c'ä cujekeba' na ri suq'uil cho ri uwächulew. Ri ulew tak ri e c'o chupam ri plo cäquitatabej na ri e u tijonic.”

Salmib 86:9

Oh Ajawaxel, lal lal wocowinak conojel ri nimak tak tinimit, quepe c'u na uc' la che k'ijilaxic la xukuje' che u ya'ic u k'ij ri bi' la.

Salmib 72:17

¡Chjekel ri u bi' ri ajawinel amak'el; chbeytaj ri utzalaj u tzijol jacha' ri u beytajic ri k'ij! ¡Conojel ri nimak tak tinimit ri e c'o cho ri uwächulew, chquirika' tewichibal rumal are'! ¡Chi conojel ri nimak tak tinimit chquibij chi tewichitalic!

U Camulixic ri Pixab 32:38

ri quetijow tak ri qui xepoyil ri e i tabal tak tok'ob, quecuq'uiaj c'u ri u wa'l uva ri quichi'j chque? Chewalij che i to'ic. Chepet che iwesaxic pa qui k'ab ri i c'ulel.

Ri Jeremiy 10:11

(Ix, israelib, chibij chque tak ri e k'ijilal diosib: “Ri diosib ri man e are' taj xebanow ri caj mawi ri ulew casach na qui wäch cho ri uwächulew; mawi jun chque cacanaj ta can chuxe' ri caj.)”

Ri Jeremiy 46:25

Ri Ajawaxel ri c'o ronojel u cuinem, ri u Dios ri Israel, je cubij wa: “Quenc'äjisaj u wäch ri Amon, ri u dios ri Tebs, ri Ejipt e rachil tak ri e u diosib xukuje' tak ri e rajawinelab, xukuje' ri paraon xukuje' ri caquicu'ba' qui c'u'x chrij.

Ri Daniel 11:18

Cäbe chi c'u na che qui ch'äquic tak ri tinimit ri e c'o pa tak ri tak'aj, e q'ui chque wa' quech'äctaj na rumal; jun c'u qui nimal ajch'ojab cusach na u tza'm we q'uixbal ri', are c'u cuya' na ri ajawinel pa q'uixbal ri petinak pa riquiak'ab elebal k'ij.

Ri Malaquiy 1:14

¡C'okotajinak ri cojol c'amibal ri cuchi'j jun awaj ri man c'o ta u yab ri c'o chuxo'l ri u jumulaj cupil c'ut jun chwe ri c'o u yab! In ri' ri Ajawaxel ri nim nu k'ij, in c'u xibibal chquixo'l ri nimak tak tinimit.” Are wa' ri cubij ri Ajawaxel ri c'o ronojel u cuinem.

Ri Isaiy 2:18

cusach c'u na qui wäch conojel ri diosib.

Ri Isaiy 2:20

Pa ri k'ijol ri' ri winak quebuq'uiaka' na ri e u diosib chquiwäch tak ri ch'o xukuje' chquiwäch tak ri sotz', ri diosib ri e re k'an puak xukuje' e re sak puak, are' xebanowic che rech quebuk'ijilaj.