Ri Soponiy 2:10 - Quiché Bible

¹⁰ Are tojbal wa' ri caquic'am na ri Moab xukuje' ri Amon u mac rech chi xquitzur ri u tinimit ri Ajawaxel, u mac rech chi e uxinak nimak qui k'ij rumal ri u chuk'ab ri u tinimit ri Ajawaxel ri c'o ronojel u cuinem.

Ri Soponiy 2:10 Referans Kwoze

Ri Isaiy 16:6

Keta'm ri nimalaj nimal ri cuban ri Moab, cuban rib chi man c'o ta chi jun jas ri are', cunimarisaj rib, man cäkaj ta jubik' ri rij u wi', xukuje' conojel tak ri tzij ri cubij man c'o ta qui patan.

Ri Jeremiy 48:29

Keta'm ri nimalaj nimal ri cac'amow ri Moab: chi man c'o ta jun jacha' ri are man cakaj ta jubik.

Ri Soponiy 2:8

Are wa' cujiquiba' u bixic ri Ajawaxel ri c'o ronojel u cuinem, ri u Dios ri Israel: “Nu tom ri qui tzurunic ri aj moabib xukuje' tak ri qui yok'onic ri aj amonib rumal rech chi we winak ri' e qui tzurum ri e nu winak e uxinak c'u nimak qui k'ij rumal ri u chuk'ab ri culew. Rumal ri', quinban ri chi'nic ri kas cäban na quincha' rumal ri nu c'aslemal chi ri Moab je cuc'ulmaj na jacha' ri Sodom e are c'ut ri aj Amon quecanaj canok jacha' ri Gomor, quejalwächitaj pa u juyubal q'uix, pa u q'uiyibal atz'am, pa jun c'olbal ri xak catoli' na. Ri queto'taj can che ri nu tinimit quebe qui c'otij na quecanaj c'u na can cuc' tak ri culew.”

1 Pedro 5:5

Xukuje' ri ix ri c'ä ix ac'alab k'apoj, c'ojolab, chiya' iwib pa takic chque ri quetakan pa ri comon cojonelab. Iwonojel chipatanila' iwib, minimarisaj iwib. Rumal rech chi cubij: “Ri Dios quebuc'ulelaj ri winak ri nimak cäquina' quib, cuban c'u tok'ob chque ri e mach'amoj.”

Ri Abdiy 1:3

Ri nimal ri catc'amowic at subuwinak. At jekel chquipam ri paxinak tak abaj at c'o c'u c'ä chicaj, rumal c'u ri' oquinak pa a jolom chi man c'o ta jun cacuin ta che a kasexic.

Ri Daniel 4:37

Are c'u ri camic, in Nabucodonosor, quink'ijilaj, quinya' u k'ij xukuje' quinya' juluwem che ri Ajawinel re ri caj, rumal rech chi ronojel ri cubano are kastzij xukuje' suc', cäcuin c'u che qui mach'irisaxic ri cäquichomaj quib chi nimak qui k'ij.”

Elem 10:3

Ri Moises rachilam ri Aaron xebe che u ch'abexic ri ajawinel, xquibij c'u che: “jewa' cubij ri Ajawaxel ri qui Dios ri aj hebreyib: ‘¿C'ä jampa' ri camach' ta na awib chnuwäch? Chatzokopij bic ri nu tinimit rech cäbe che nu k'ijilaxic;

Elem 9:17

Pune' c'u jewa', ri at a takem u k'atixic ri nu tinimit man caya' ta c'u che chi cabec.

Juyuwem 1:9

Nojinak ri ratz'iak che ch'uluch'ujil; man xuchomaj taj ri quepe na puwi'. Man cojel taj ri u tzakic ri u rikom; man c'o ta jachin cacu'bisan u c'u'x. ¡Chila la, Ajawaxel, ri nu mach'irisaxic xukuje' ri nimal ri cac'amow ri c'ulel!

Ri Ezequiel 25:6

In, ri Ajawaxel, quinbij: Ix ri ix amonib xipak'apa ri e i k'ab, xixch'opin che quicotemal, iwetzelam c'ut u wäch ri Israel.

Nabe Tzijobelil 16:21

man xuya' ta ri Dios chi c'o ta jachin xbanow c'ax chque; xebupixbej c'u ne tak ri e ajawinelab:

Ri Jeremiy 12:14

Jewa' cubij ri Ajawaxel chque ri e itzel tak tinimit, ri e u c'ulja ri Israel, ri quisachisam u wäch ri ulew ri xuya' are' jacha' che echbal che ri u tinimit Israel: “In quebenbok na chupam tak ri culew, quinwesaj c'u na ri Juda pa quiniq'uiajil wa'.

Ri Jeremiy 48:14

Mubij ri Moab: ‘sibalaj uj cowilaj tak winak, ajch'ojab ri sibalaj c'o qui chuk'ab.’

Ri Abdiy 1:11

Aretak ri c'ulel xereläk'aj tak ri e u k'inomal ri tinimit, aretak ri ajch'ojab ri naj quepe wi xequipaxij tak ri e u chi' ri oquibal pa Jerusalen, ¡at xaya' apan awib jela'! Aretak xequijachala' ri jastak chquiwäch ri xequitokij xequic'am c'u tak bic ri u k'inomal, ¡at xajunaj awib cuc'!