Ri Soponiy 1:7 - Quiché Bible

⁷ ¡Xak ba' chixyinil chuwäch ri Ajawaxel, rumal rech chi ri u k'ij ri Ajawaxel nakaj c'o wi! ¡Ri Ajawaxel u suc'umam jun tabal tok'ob e u tasom c'u tak ri e rula'!

Ri Soponiy 1:7 Referans Kwoze

Ri Habacuc 2:20

Are c'u ri Ajawaxel c'o chupam ri tastalicalaj rachoch: ¡Chixyinil chuwäch are' ronojel ri uwächulew!

Ri Zacariy 2:13

¡Chi ronojel ri uwächulew chi yinil chuwäch ri Ajawaxel, cäpe c'ut ri are' kuc' quel ulok kas chupam ri tastalic c'olbal jawije' ri jekel wi!

Ri Soponiy 1:14

¡Nakaj chic c'o wi ri nimalaj u k'ij ri Ajawaxel! ¡Nakaj chic c'o wi, aninak petinak! Ri u tininem ri u k'ij ri Ajawaxel kas c'a na: ¡xukuje' c'u ne ri sibalaj e c'o na qui chuk'ab caquirak na qui chi'!

Ri Jeremiy 46:10

Are wa' ri u k'ij ri Ajawaxel ri c'o ronojel u cuinem, ri k'ij ri cuya' rajil u q'uexelal chque ri e u c'ulel. Ri ch'ich' re ch'o'j casocon na c'ä cak'abar na rumal ri quic'. Are c'u ri Ajawaxel ri c'o ronojel u cuinem cuban na jun cämisanic pa ri ulew re ri iquiak'ab, chunakaj ri Euprats.

Ri Isaiy 34:6

Ri u ch'ich' re ch'o'j ri Ajawaxel cäch'ukutaj na rij che quic' xukuje' che xepo, jacha' aretak quepil chij xukuje' q'uisic' che tabal tok'ob. Ri Ajawaxel cäcämisan na pa Bosra, cuban na jun nimalaj cämisanic pa Edom.

Ri Isaiy 13:6

Chirakala' i chi', rumal rech chi ri u k'ij ri Ajawaxel nakaj chic c'o wi, copan jacha' jun quek'enic ri c'o ronojel u cuinem.

Ri Matey 22:4

Xebutak chi bic niq'uiaj tako'n, xubij chque: ‘Chibij chque ri winak: Xepilitaj ri ama' tak wacax, xepilitaj ri awaj ri e nu k'obisam, ri wa utzirinak chic ronojel ri ula'bal c'o chic. Tisaj pa ri c'ulanem.’

Ri Joel 2:31

Ri k'ij cux na k'ekumalil, ri ic' cux na quic' c'ä majok chopan ri u k'ij ri Ajawaxel, nimalaj k'ij xukuje' xibibal.”

Ri Isaiy 2:12

pa ri k'ij aretak ri Ajawaxel ri c'o ronojel u cuinem cuyac rib chrij ronojel winak ri cuban nimal Xukuje' ri cunimarisaj rib, xukuje' chrij ronojel winak ri cuna' rib chi nim u banic, che u mach'irisaxic;

Nabe Samuel 16:5

“Je wa',” xcha' ri Samuel. “Xinpe che u chi'xic jun tabal tok'ob che ri Ajawaxel, chich'ajch'ojirisaj iwib chiniwachilaj che u chi'xic ri tabal tok'ob.” Ri Samuel xuch'ajch'ojisaj ri Isayi xukuje' ri e u c'ojol, xerula'j c'u che u tijic ri tabal tok'ob.

Ri Malaquiy 4:1

Ri Ajawaxel ri c'o ronojel u cuinem je cubij wa: “Canakajin ri k'ij, ri canicowic jacha' jun jorno, ri quenicow wi na conojel ri caquiban nimal xukuje' ri e banal tak etzelal jacha' ri pajo chupam jun poro'n. Ri k'ij ri' ri cäpe na quebujarisaj na, man c'o ta c'u cacanaj na chque.

Ri Amos 6:10

Sibalaj nim xibin ib chi, aretak c'o jachin cuwalijisaj ri cäminak rachalaxic che resaxic bic pa ri ja, cubij chi che jun rachalaxic ri cätajin cäbin chupam ri ja: “¿La c'o chi na jachin jun c'o awuc'?” “Jayi'”, cächa' ri jun chic. Cubij c'u na ri nabe: “¡Match'awic, mel ne ulok ri u bi' ri Ajawaxel pa a chi'!”

Ri Joel 2:11

Ri Ajawaxel, cänabej chquiwäch ri rajch'ojab cubano chi cätataj ri u ch'abal jacha' cakulja. Ri rajch'ojab man quebajilataj taj, ri queniman che ri u banic tak ri e u takanic. ¡Sibalaj nim xukuje' xibibal ri u k'ij ri Ajawaxel! Man c'o ta jachin ta cacoch'owic.

Ri Ezequiel 7:10

¡C'o we k'ij ri'! ¡Ulinak chic! ¡Ulinak ri sachbal wächaj! Ri etzelal cäch'äcan pa conojel tak ri c'olbal sibalaj man ch'ijtajel ta chic ri etzelal ri cabanic.

Ri Ezequiel 7:7

Copan ri sachbal wächaj, chiwe ri ix c'o pa ri ulew. Ri jok'otaj opaninak; canakajin ri k'ij ri xuwi tuquin ib c'olic caq'uis na ri quicotemal pa tak ri juyub.

Ri Isaiy 6:5

Xinchomaj c'ut: “¡Tok'ob nu wäch, quinecämok! Wilom ri Ajawinel cuc' ri nu bak'wäch, ri Ajawaxel ri c'o ronojel u cuinem; in, ri in jun winak ri e tz'il ri u chi', in c'o chquixo'l ri winak ri e tz'il ri e qui chi'.”

Colosenses 1:12

Ruc' quicotemal quinmaltioxin che ri Tataxel, rumal rech chi u yo'm chke chi cäkac'am ke ri echbal ri cuya' chque ri tastalic tak cojonelab ri e c'o pa ri sakil.

Filipenses 4:5

Ri i ch'uch'ujil chetamax cumal conojel ri winak. Ri Ajawaxel cänakajinic.

Romanos 9:20

Are c'u ri at, winak, ¿At jachinok, chi catc'ulelan che ri Dios? ¿La cubij lo ri lak che ri xbanowic: “Jasche je nu banic wa' xabano?”

Romanos 3:19

Keta'm chi ronojel ri cubij ri pixab, chque conojel ri e c'o chuxe' ri pixab cubij wi, rech conojel ri winak man cuya' taj cäquibij chi man c'o ta qui mac, rech conojel ri winak cho ri uwächulew quec'oji' chuxe' ri u k'atoj tzij ri Dios.

Salmib 46:10

“¡Mich'ujarisaj iwib! ¡Chich'obo' chi ri in in Dios! ¡In c'o paquiwi' ri nimak tak tinimit! ¡In c'o puwi' ronojel ri uwächulew!”

Nabe Samuel 20:26

Pa ri k'ij ri' ri Saul man c'o ta jas xubij, are pa u c'u'x chi craj xutaklebej jun tz'ilol man u ch'ajch'ojirisam ta c'u rib.

Ri Job 24:1

“¿Jasche ri c'o ronojel u cuinem man cuch'ic ta k'ijol che u banic ri cubana', rech ri e rachil quecuin che rilic?

Ri Isaiy 13:3

E nu siq'uim chic ri cowilaj tak nu wachijab, nu yo'm takanic chque ri wajch'ojab ri qui jachom quib che u banic ch'o'j, chque ri quejajat rumal ri nu ch'äcanic, cäquiya' c'u ri c'äjisabal wächaj ri nu chomam u ya'ic.”

Ri Isaiy 29:2

are c'u ri in quincoj na ri Ariel pa latz', e c'o c'u na juyuwem xukuje' ch'ikowem. Ri tinimit cux c'u na chwe in kas je jas ri Ariel.

Ri Isaiy 34:5

Je, ri u ch'ich' re ch'o'j ri Ajawaxel cäc'utun na chicaj, cäkaj c'u na puwi' ri Edom, tinimit ri k'atom chrij chi cäcämisaxic.

Ri Joel 1:15

¡Ay, cänakajin ri u k'ij ri Ajawaxel! ¡Xibibalalaj k'ij, ri cuc'am ulok sachoj wächaj pakawi' rumal ri c'o ronojel u cuinem!

Ri Amos 8:3

Pa ri k'ij ri' ri bix tak ri queban chupam ri rachoch ri ajawinel quejalwächitaj na pa bik'bitem. E q'uia winak quecäm na, xa c'u pa matzatzil querokilax apan tak ri cäminakib jela'. Ri Ajawaxel u jiquibam u bixic.”

Ri Zacariy 14:1

Petem cuban ri u k'ij ri Ajawaxel, aretak ri quebatokij, Jerusalen, quejach na chawäch.