Ri Soponiy 1:3 - Quiché Bible

³ Quinsachisaj na qui wäch ri winak xukuje' tak ri awaj, quinsachisaj na qui wäch tak ri chicop ri c'o qui xic' xukuje' tak ri car, quink'atij na qui wäch ri e banal tak etzelal quinsachisaj na u wäch ri winak cho ri uwächulew.” Are' wa' cujiquiba' u bixic ri Ajawaxel:

Ri Soponiy 1:3 Referans Kwoze

Ri Osey 4:3

Rumal ri', cabisbob na ri ulew; quetuktub c'ut ri e jekel chupam; junam cuc' tak ri juyubal tak awaj xukuje' tak ri chicop ri e c'o qui xic' quecäm, xukuje' tak ri cär ri e c'o chupam ri plo.

Ri Ezequiel 7:19

Caquiq'uiak apan ri qui sak puak pa ri be; caq'uiak apan ri qui k'an puak je ta ne ri xa' mes. Mawi ri qui k'an puak mawi ri qui sak puak cacuin ta na che qui to'tajisaxic pa ri k'ij ri cäpe ri royowal ri Ajawaxel. Man quecuin taj caquesaj ri qui wi'jal mawi quecuinic caquinojisaj ri qui pam, are c'u ajchak'mac ri k'an puak chi xekaj chupam ri etzelal.

Apocalipsis 2:14

C'o c'u quieb oxib jastak quinna' chawij, rumal rech chi e c'o jujun chixo'l ri cäquiterenej ri u tijonic ri Balaam ri xuya' u no'j ri Balac che u banic macunic chquiwäch ri israelib, rech cäquitij ri jastak ri e yo'm chquiwäch tak ri diosib, xukuje' ri cuc'axic quib cuc' achijab ixokib che qui banic macunic.

Ri Matey 23:39

Quinbij chiwe chi man quiniwil ta chi na c'ä quibij na: ‘Tewichital ri petinak pa ri u bi' ri Ajawaxel.’ ”

Ri Zacariy 13:2

Pa ronojel we ulew ri' quinsachisaj na qui wäch xukuje' ri qui bi' tak ri diosib, rech man cätakex ta chic qui nataxic. Xukuje' quebenwesaj na chupam ri ulew ri e k'axal tzij xukuje' ronojel tz'ilalaj uxlabal. In, ri Ajawaxel, quinya' ri nu tzij.

Ri Osey 14:8

Ri Eprain cubij na: ‘¿Jas ta chi wech chque tak ri diosib?’ ¡In ri quinoc na il xukuje' quinchajin na ri nu tinimit! In in junam ruc' juwi' chäj ri amak'el räx wi, pa ri in c'ut curik wi na ri nu tinimit ri u wächinic.”

Ri Osey 14:3

Ri Asiriy man cacuintaj cujuto'tajisaj, mawi ta ne cujto'tajic we ta cujanimaj chquij tak quiej. Man cäkabij ta chi na' ‘Ka Dios’ che jun jasach ri xa uj uj banowinak, rumal rech chi xuwi uc' la, Ajawaxel, cäquirik wi na elebal c'uxaj ri minorib.”

Ri Jeremiy 12:4

¿C'ä jampa' cutakej chaki'jaric ri ulew quechaki'jar c'ut ri' ri k'ayes ri c'o pa tak ri juyub? Ri awaj xukuje' tak ri chicop ri e c'o qui xic' cätajin quecämic u mac quech ri quetzelal ri e u winakil cho ri ulew, are c'u pa qui c'u'x chi man cäil ta la ri caquibano.

Ri Isaiy 27:9

Cucuy c'u na ri u mac ri Jacob quebuchup na ri sachinak wi we je cubana' wa': we quebuc'äjij conojel tak ri e u porobal ri quebuk'ijilaj wi tak ri diosib jacha' ri cäban che u c'äjixic ri rabajil chun, mecanaj chi c'u tastalicalaj tak cuta'm, mawi e porobal c'oc' tak k'ol che u ya'ic qui k'ij ri diosib.

Ri Ezequiel 44:12

Ri e are' xec'oji' che qui patanixic ri aj israelib che u c'amic u be ri k'ijilanic chque tak ri e diosib, ruc' c'ut ri u banic wa' xquibano chi xemacun ri aj israelib. Rumal ri' caquitoj na ri macaj ri xquibano. In, ri Ajawaxel, quinjiquiba' u bixic.

Ri Matey 13:41

Ri Rija'l winak quebutak na ri aj cajalaj tak tako'nib che qui molic chupam ri rajawibal conojel ri quebanowic chi quemacun jule' chic, xukuje' ri qui nak'atisam quib che u banic ri etzelal.

Ri Isaiy 6:11

Ri in xinc'ot u chi': “¿Joropa' k'ijol cabeytaj wa', Ajawaxel?” Ri are' xubij chwe: “C'ä casach na qui wäch ri tinimit tak, man c'o ta jun u winakil cäcanajic, c'ä quecanaj na can ri ja qui tuquiel, ri ulew quejamajob canok,

Ri Isaiy 6:12

ri Ajawaxel queresaj na bic ri winak ruc' okatanic, cätoli' c'u can ri ulew.

Ri Jeremiy 9:10

Chebok'ok xukuje' chech'ikowok pa tak ri c'ache'laj, quik'uyuyej jun juyuwem pa tak ri yuk'bal, rumal c'u rech chi e porotajinak chic man c'o ta chi c'u jun coc'ow ta chi chila'; man c'o ta chi qui wunem ri wacax quetatajic, xukuje' tak ri chicop ri querapinic xukuje' ri juyubal tak awaj xebanimaj tak bic.

Ri Jeremiy 50:3

Rumal rech chi pa ri riquiak'ab elebal k'ij petinak jun nim tinimit chrij che u banic c'ax che ri cuq'uex na ri rulew pa jun chaki'j uwo sak. Man c'o ta jun, cajeki' ta chi na chila' mawi winak mawi awaj, conojel c'ut quebanimaj tak bic.”

Chapletajic 6:7

“Quinq'uis tzij paquiwi' ri winak cho ri uwächulew ri e nu winakirisam, xukuje' conojel ri awaj aj uwo tak ja, ri awaj ri cäquijururej tak quib, xukuje' ri chicop ri c'o qui xic'. ¡C'ax pa wanima' chi xebenbano!”

Ri Jeremiy 7:20

Rumal ri' in, ri Ajawaxel, quinjiquiba' u bixic chiwe chi quinkasaj na ronojel ri woyowal puwi' we c'olbal ri' paquiwi' c'u ri winak, xukuje' paquiwi' ri awaj, ri juwi' tak che' ri e c'o pa tak ri juyub xukuje' chque tak ri e qui wächinic tak ri ulew. Cäjunamataj ruc' jun c'atic ri man cachup taj.”