Ri Soponiy 1:16 - Quiché Bible

¹⁶ cux na jun k'ij re trompet xukuje' re rakoj chi'aj che u banic c'ax chque ri tinimit tak ri e c'o tak tapia chquij xukuje' e tac'atak tak ja.

Ri Soponiy 1:16 Referans Kwoze

Ri Amos 3:6

we cok' ri trompet chupam ri tinimit, ri winak caquina' quib; we c'o jun lawaloyil cäc'ulmataj chupam ri tinimit, xa' are' ri Ajawaxel ri' takowinak.

Ri Osey 8:1

“Chawok'isaj ri trompet, jacha' yuxlenel ri cächajin puwi' ri u tinimit ri Ajawaxel. Rumal rech chi man qui tz'akatisam taj u banic ri nu c'ulwächinic quiwalijisam quib che u c'ulelaxic ri nu tijonic.

Ri Isaiy 32:14

Ri ja re k'atbal tzij cäwoni na canok; ri tinimit, ri e c'o wi q'uialaj winak, cäcanaj na chaki'j uwo sak; ri pimak tak tapia, xa jumul quewonobax na canok; chila' quequicot wi na ri juyubal tak bur, xukuje' cuya' cäquitij na qui k'ayes ri wacax chila'.

Ri Habacuc 3:6

Ri ulew cäyicopic aretak ri are' cätaqui'c; quebirbob ri nimak tak tinimit aretak quebuca'yej; ri e ojer tak juyub quewulijic queja'r c'ut ri ojer tak juyub; e are' tak c'ut ri e u be ri Dios e re chbe k'ij sak.

Ri Osey 5:8

¡Chiwok'isaj ri uc'a' re ch'o'j pa Gabaa xukuje' ri trompet pa Rama! ¡Chicojo' ri xe'n ib pa Bet-aben! ¡Chitica' ri tuquinibal ib pa Benjamin!

Ri Jeremiy 8:16

¡Petem cuban ri c'ulel! ¡Catataj chic ri ruxlabic u pa qui tza'm ri quiej kas pa Dan! Aretak quewojonic cäyicop ronojel ri ulew. Quepe che u sachisaxic u wäch ri ulew xukuje' ronojel ri e u k'inomal, ri tinimit tak xukuje' ri e jekel chquipam.”

Ri Jeremiy 6:1

Winak ri ix aj rulew ri Benjamin, ¡chitzucuj c'ubal iwib, chixanimaj chiya' can ri Jerusalen! Chiwok'esaj ri trompet pa Teco, chiwalijisaj jun etal pa Bet-aquerem, rumal rech chi jun u q'ueyowal, jun nimalaj c'axc'obic, caxibin ulok kas pa ri riquiak'ab ri relebal k'ij.

Ri Isaiy 59:10

Xak cujmakmat chuwäch jun tapia jacha' moyab, je ta ne ri man e c'o ta ri ka bak'wäch pa tiq'uil k'ij cäkapuq'uila' kib je ta ne ri chak'ab uj c'olic; utz ka wäch uj c'u jacha' cäminakib.

U Camulixic ri Pixab 28:52

Quebusutij na quij ri e a tinimit cäch'ojin na cuc' c'ä quebut'akij tak na ri e u tapia ri sibalaj naj e elinak chicaj ri xukuje' co e c'olic ri a jiquibam wi a c'u'x; je, cusutij na conojel ri e a tinimit pa ri ulew ri e u yo'm ri Ajawaxel ri a Dios chawe.

Ri Isaiy 27:13

Pa ri k'ijol ri' cok'isax na ri nimalaj trompet, che qui siq'uixic ri e sachinak pa Asiriy, xukuje' che qui siq'uixic ri e okatam bic pa Ejipt, quepe c'u na che u k'ijilaxic ri Ajawaxel pa Jerusalen, pa ri tastalicalaj juyub.

Ri Joel 2:1

Chiwok'isaj ri trompet chupam ri juyub Sion; chiya' ri u bixic chupam ri tastalic u juyub ri Ajawaxel. Chebirbot conojel ri e jekel pa Juda, rumal rech chi nakaj chic c'o wi ri u k'ij ri Ajawaxel;

Ri Josue 6:20

Ri winak xquirak qui chi' xukuje' ri trompet xebok'ic. Aretak ri aj israelib xquita' ri cok'ebal tak ri trompet, xquichaplej u rakic qui chi' ruc' ronojel ri qui chuk'ab, xtzak c'ut ri u tapia ri tinimit. Xekaj c'u puwi' ri tinimit, xquimajij c'ut.

Ri Ezequiel 7:7

Copan ri sachbal wächaj, chiwe ri ix c'o pa ri ulew. Ri jok'otaj opaninak; canakajin ri k'ij ri xuwi tuquin ib c'olic caq'uis na ri quicotemal pa tak ri juyub.