Biblia Todo Logo
Bib sou entènèt

- Piblisite -




Ri Soponiy 1:12 - Quiché Bible

12 Pa ri k'ijol ri' quinc'am na jun chäj quintzucun c'u na chupam ri Jerusalen. Quinc'äjisaj c'u na u wäch ri winak ri xak cat'uyic ri man cubisoj taj jacha' ta ne ri u wa'l uva ri xak chemelic, ri cubij c'u chbil rib: ‘¡Ri Ajawaxel man c'o ta jas cubana', mawi utzilal mawi etzelal!’

Gade chapit la Kopi




Ri Soponiy 1:12
19 Referans Kwoze  

¡Tok'ob qui wäch ri cuc'am jun ch'uch'ujalaj c'aslemal pa Sion! ¡Tok'ob qui wäch ri e jekejoj ri qui cuban qui c'u'x chrij ri Samar, ri e c'amal tak u be ri nim tinimit ri nim na qui banic, ri quecuq'uij ri aj israelib!


Ri Moab amak'el c'olinak pa jamaril, mawi jumul c'amom bic pa jun ulew chic. Xak junam ruc' ri u wa'l uva ri cäya' c'olbal che cäkaj u xe', ri man cäjamix taj pa jun c'olbal chic, rumal ri' mawi jubik' cutzak ta ri u na'il mawi ri u c'oc'al.


Xubij c'u chwe: “¿La cawil ri caquiban ri nimak tak tatayib aj israelib chic'uyal, chquijujunal e c'o chquiwäch ri e dios? Are c'u pa qui c'u'x chi man quebenwiltaj, chi nu xutum can ri ulew ri'.”


Ri Ajawaxel xutzelej u bixic chwe: “Ri u mac ri tinimit Israel xukuje' ri rech ri Juda sibalaj nim. Ri ulew nojinak che q'ui u wäch il; ri tinimit nojinak che ri man suq'uil taj. Are pa qui c'u'x chi ri in nu xutum can ri tinimit chi ma ta quinwil ri caquibano.


Cäquibij chi ri Ajawaxel man cäril taj, chi ri u Dios ri Jacob man cunabej taj.


Quebencämisaj na ri e ral. Conojel c'u ri e comon cojonelab cäquich'ob na chi in ri' ri weta'm ronojel ri c'o pa ri qui chomanic xukuje' pa ri canima'. Quinya' c'u na chiwe chijujunal ri tojbal jacha' ri u cholajil ri e i chac.


cäquibij: “¿Jawije' c'o wi ri u petic ri Ajawaxel ri bim ulok? Bim chi ya' wa' aretak c'ä majok checäm ri e ka mam, conojel c'ut ri jastak xa' je wi qui wäch jas ri pa ri u tiquiritajic ulok ri uwächulew c'ä camic.”


¡Nim ri a k'ololexi bic Esau! ¡Q'uisom c'u reläk'axic bic ronojel ri a k'inomal!


Ri e diosib jeri' quebanataj poyib e xibil tak tun ch'oc pa jun ulew ri tiquil wi melon; man quecuin taj quech'awic, cajwataj c'u na qui telexic, rumal rech chi man quebin taj. Mixe'j iwib chquiwäch, man c'o ta c'u etzelal caquiban ta che jun winak mawi utzil.”


Ix ri quibij: “Chanim chubana' ri Dios ri jastak ri cubij, rech quekilo; chi ri Tastalicalaj u Dios ri Israel chutz'akatisaj chanim ri e u chomam qui banic rech cäketamaj qui wäch.”


Ri man c'o ta qui no'j cäquichomaj chi man c'o ta Dios: conojel quetzelam quib; qui banom xibibalalaj tak jastak; ¡man c'o ta chi jun cuban ta utzil!


¿Jachin ri' ri c'o ronojel u cuinem rech cakapatanij? ¿Jas cakach'äco chi cäkalok'ok'ej?’


xubij c'u che: “Chabinibej ri tinimit Jerusalen, chacojo' jun etal che ri qui palaj ri winak ri caquina' bis xukuje' c'axc'obic qui mac quech ri e xojibalalaj tak jastak ri queban pa Jerusalen.”


Ri Ajawaxel cosinak chic che i tatabexic; c'ä qui ban c'ut ix ri c'otoj chi'aj: “¿Jas ri ka bim chi cosinak che ka tatabexic?” Are' c'u ri ix i bim chi ri Ajawaxel quekaj chuwäch chi quequiban tak ri etzelal, chi xukuje' caquicot cuc'. ¡Ri ix man quixcojon taj chi suc' ri Dios!


Ri e banal tak nimal caquibij: “Man c'o ta Dios. Man c'o ta jachin ta cäto'w chwe jas quinbano.” Are u chomanic wa' amak'el.


Swiv nou:

Piblisite


Piblisite