Ri Soponiy 1:1 - Quiché Bible

¹ Are tzijobelil wa' ri xuya' u bixic ri Ajawaxel che ri Soponiy pa ri k'ijol aretak ri Josiy ajawinel c'u wa' re Juda (ri u tat ri Josiy are' ri Amon). Ri u tat ri Soponiy are' ri Cusi, ri u tat ri Cusi are' ri Jedaliy, ri u tat ri Jedaliy are' ri Amariy, ri u tat ri Amariy are' ri Ezequiy.

Ri Soponiy 1:1 Referans Kwoze

Ri Jeremiy 1:2

Ri Ajawaxel xtzijon ruc' ri Jeremiy aretak ri Josiy, u c'ojol ri Amon, c'o chupam ri roxlajuj u junab ri rajawinic puwi' ri Juda.

2 Pedro 1:19

Xukuje' c'o can ri qui tzij ri k'axal tak tzij kuc', ri sibalaj co tiquitoj, man cäq'uextaj taj. Are c'u utz we kas quitatabej ri tzij, ri je jas jun chäj ri cäjuluw pa jun k'ekumalaj c'olbal, c'ä aretak cäsakaric, c'ä quil na ulok ri ch'imil re u sakaric pa ri iwanima'.

Ri Osey 1:1

Are tzijol wa' ri xuya' u bixic ri Ajawaxel che ri Osey (ri Beeri are' ri u tat ri Osey) pa tak ri u k'ijol ri Uziy, ri Jotam, ri Acaz xukuje' ri Ezequiy, ajawinelab tak re Juda, xukuje' pa tak ri u k'ijol ri Jeroboam rajawinel ri Israel (ri Joas are' ri u tat ri Jeroboam).

Ri Jeremiy 25:3

“Kas pa ri junab oxlajuj ri rajawinic ri Josiy, u c'ojol ri Amon, pa Juda, c'ä camic, ri u bixic, juwinak oxib junab wa', ri Ajawaxel xinuch'abej, are c'u ri in ix nuch'abem jumul xukuje' camul; are c'u ri ix man i yo'm ta i xiquin chwe.

2 Timoteo 3:16

Ronojel ri Tz'ibatalic petinak ruc' ri Dios: utz che tijonic, che pixbenic, che jic'onic, che nak'atisanic che ri suq'uilal.

Ucab Ajawinelab 21:18

Aretak xcämic, xmuk chupam ri ticbal cotz'i'j ri c'o nakaj che ri rachoch chupam ri ticbal u cotz'i'j ri Uza. Are chi c'u xajawin ri u c'ojol chupam ri u c'olbal, ri Amon u bi'.

Ucab Tzijobelil 33:20

Aretak xcämic, xmuk pa ri ticbal cotz'i'j re ri rachoch. Are c'u xajawin na ri u c'ojol pa ri u c'olbal ri Amon u bi'.

Ucab Ajawinelab 21:26

Xmuk chupam ri u mukubal ri c'o chupam ri u ticbal u cotz'i'j ri Uza. Are c'u xajawin na ri Josiy ri u c'ojol chupam ri u c'olbal ri Josiy u bi'.