Ri Rut 1:2 - Quiché Bible

² Xrachilaj ri Noemi ri rixokil xukuje' ri e quieb u c'ojol, ri Malon xukuje' ri Quelion. Conojel ri are' e aj eprateyib, quel cubij, e aj Belen xebopan pa Moab, xejeki' c'u can chila'.

Ri Rut 1:2 Referans Kwoze

Chapletajic 35:19

Je cämical wa' xurik ri Raquel, xmuk c'u can chuchi' ri be ri cäbe pa Eprat, ri cäbix Belen che camic.

Ri Miquey 5:2

Are c'u ri at Belen Eprat, man nim ta a k'ij chquixo'l ri nimak qui k'ij pa Juda, chawe at quel wi na jun takanel ri catakan na puwi' ri Israel ri petinak che jun ojer alaxic.”

Nabe Samuel 17:21

Ri aj israelib xukuje' ri aj pilisteyib xquicholajij quib xuc'ulaj tak rib qui wäch.

Nabe Samuel 1:1

Pa jun c'olbal pa tak ri juyub re Eprain ri cäbix Rama che, chila' jekel wi jun achi ri rachalaxic ri Zup, Elcan u bi'. Ri u tat ri Elcan are' ri Jeroham, ri u mam are' ri Eliu, ri xiquin u mam are' ri Tohu (ri u tat ri Tohu are' ri Zup), ri aj ramak' ri Eprain.

K'atal tak Tzij 3:30

Are jewa' xquiban ri aj israelib che u ch'äquic ri Moab. Pa tak ri u k'ijol ri Aod, jumuch' (80) junab xc'oji' jamaril pa Israel.

K'atal tak Tzij 17:7

C'o chupam ri tinimit Belen aj ramak' ri Juda jun ala ri xak cärokxanila' rib chila', aj Levi c'ut.

Ri Rut 1:3

Xc'ulmataj c'ut chi xcäm ri Elimelec, ri rachajil ri Noemi, xcanaj c'u can cuc' ri quieb ral.

Ri Rut 1:5

xecäm we quieb achijab ri' ri Malon xukuje' ri Quelion, xmalamob c'u can ri Noemi, man e c'o ta chi ral mawi rachajil.

Ri Rut 2:1

C'o jun rachalaxic ri Elimelec ri rachajil ri Noemi, ri Booz u bi', sibalaj c'u k'inom.

Ri Rut 4:9

Xubij c'u ri Booz chque ri nimak tak tatayib xukuje' ri e c'o apan chila': “Onojel alak camic cux alak k'alajisanelab chi quebenlok pa u k'ab ri Noemi ronojel ri rech ri Elimelec, ronojel ri rech ri Quelion xukuje' ronojel ri rech ri Malon.

Nabe Samuel 17:12

C'o jun achi pa Belen Isayi u bi', ri sibalaj nim winak chic pa tak ri u k'ij ri Saul. We achi ri' e c'o wajxakib u c'ojol, jun chque wa' are ri David.