Ri Nahum 1:7 - Quiché Bible

⁷ Ri Ajawaxel utz; are' jun panibal pa ri k'ij rech ri rikoj c'ax: cuto' qui wi' ri caquijiquiba' qui c'u'x chrij.

Ri Nahum 1:7 Referans Kwoze

2 Timoteo 2:19

Pune' ba jewa' tajin caquibano, are c'u ri u tac'alibal ri Dios co tac'alic, keta'm chi kastzij rumal we tzij ri': “Ri Ajawaxel cuch'ob qui wäch ri e rech”, xukuje' ri jun tzij chic: “Ronojel winak ri cubij chi cojoninak che ri Ajawaxel, chutasa' rib chrij ri etzelal.”

Ri Xuan 10:27

Ri e nu chij cäquitatabej ri nu ch'abal. Ri in quinch'ob qui wäch, ri e are' queteri chwij.

Juyuwem 3:25

Ri Ajawaxel utz, cuc' ri caquicu'ba' qui c'u'x chrij, cuc' ri quenakajin che.

Ri Xuan 10:14

In ri' ri utzalaj ajyuk'. Quinch'ob c'u qui wäch ri nu chij, ri e wech cäquich'ob nu wäch, jacha' ri nu Tat cuch'ob nu wäch in, xukuje' jacha' ri in quinch'ob u wäch ri Tataxel. Quinya' c'u ri nu c'aslemal rumal quech ri chij.

Salmib 100:5

Utz c'ut ri Ajawaxel; ri u lok'ok'ebal c'u'x junalic, ri u jiquil man c'o ta u q'uisic.

Salmib 27:5

Aretak chepe ri lawalolaj tak k'ij, ri Ajawaxel quinuch'uk ruc' ri u mu'jal, quinuto' pa ri rachoch; quinuya' puwi jun nimalaj abaj che u to'ic wib.

E C'ambal tak Tzij 18:10

Ri u bi' ri Ajawaxel are' jun tac'atic ja ri sibalaj nim u cuinem, ruc' c'u quebopan wi ri e suc'ab che u tzucuxic to'bal ib.

Salmib 1:6

Ri Ajawaxel cuchajij ri qui be ri suc'ab, are c'u ri qui be ri e banal tak etzelal cäc'aman bic pa ri sachbal wächaj.

Gálatas 4:9

Camic c'ut, i ch'obom chi u wäch ri Dios, o ri kas suc' u bixic wa', chi ch'obom chi i wäch rumal ri Dios. ¿Jas c'u che quixtzelej chi jumul pa ri tijonic ri man c'o ta qui chuk'ab xukuje' ri man c'o ta quechbex che? ¿Jasche quiwaj quebipatanij chi jumul?

Ri Isaiy 25:4

Rumal rech chi ri lal lal uxinak u panibal ri meba', cux la ch'ukubal che ri c'o u rajawaxic pa ri u rikoj c'ax, to'bal ib pa ri quiakik' jäb, mu'jal ri cäk'atin ri k'ak'al. Ri cuxlab ri achijab ri man quel ta qui c'u'x e junam ruc' ri jun cakulja pa ri sak'ij,

Nabe Tzijobelil 16:34

Chiya' maltioxinic che ri Ajawaxel, rumal rech chi utz ri are', rumal rech chi junalic ri u lok'ok'ebal c'u'x.

Ri Jeremiy 33:11

waral quetataj chi na ri e tak bix quech tak nimak'ij xukuje' quicotemal, xukuje' ri qui bix tak ri caquibochi'j tak quib, cätataj c'u na u bixic: ‘Chiya' maltioxinic che ri Ajawaxel Dios ri c'o ronojel u cuinem, rumal rech chi utz ri Ajawaxel, junalic c'ut ri u lok'ok'ebal c'uxaj.’ Quequic'am c'u na ulok tak sipanic re maltioxinic chupam ri wachoch. Je quinq'uex na ri cutaklebej we ulew ri', rech je cux chi na jacha' pa ri chaplebal. In, ri Ajawaxel quinjiquiba' u bixic.”

Salmib 86:7

Aretak in c'o pa bis, quintz'onoj tok'ob che la, weta'm c'ut chi quinch'abej la ulok.

Ri Isaiy 32:2

Chquijujunal wa' quebux na jun to'bal ib chuwäch ri quiakik', xukuje' jun panibal chuwäch ri quiakik' jäb, jacha' u be tak ja' re jabal pa chaki'j ulew, jacha' ri u mu'jal jun nimalaj abaj pa ri chaki'j uwo sak.

Salmib 25:8

Ri Ajawaxel utz xukuje' suc'; quebupixbej ri ajmaquib pa ri qui c'aslemal,

Ri Daniel 3:28

Pa ri jok'otaj ri' ri Nabucodonosor xurak u chi' xubij: “¡Chyo'k u k'ij ri u Dios ri Sadrac, ri Mesac xukuje' ri Abed-neg, ri xutak ri u tako'n aj caj che qui to'ic ri jicalaj tak pataninel tak rech, ri man xquinimaj ta ri u takanic ri ajawinel, are' xquiya' qui tzij chi quecämic che u q'uexwäch ri quexuqui' ta che u k'ijilaxic jun dios chic ri ma ta are ri qui Dios!

Salmib 71:3

Chux la jun nimalaj abaj chwe ri quinch'uk wi wib, chux la to'bal wib re panibal xukuje' colobal ib. Lal ri' ri lal nimalaj abaj chwe xukuje' to'bal wib.

Salmib 91:15

Aretak quinusiq'uij, quintzelej na u wäch ri u tzij; ¡in quinc'oji' na ruc'! Quinwesaj na chupam ri c'ax quinya' na u k'ij;

Salmib 59:16

Are c'u ri in, quinbixon na che la ak'abil; ruc' rakoj chi'aj quinya' u bixic ri lok'ok'ebal c'u'x la xukuje' ri cuinem la. Lal c'ut ri lal uxinak to'bal wib, nu panibal pa tak ri jok'otaj re rikoj c'ax.

Salmib 50:15

Chinasiq'uij aretak at c'o chupam ri c'axc'olil; in catinwesaj na chupam ri c'axc'olil, ri at c'ut caya' na nu k'ij.

Ri Daniel 6:23

Sibalaj c'u xquicot ri ajawinel xuya' c'u takanic chi quesax ulok ri Daniel chupam ri c'olbal ri e c'o wi ri coj. Aretak xesataj ulok, man c'o ta jun socotajic xrik che, rumal rech chi xujiquiba' u c'u'x chrij ri u Dios.

Romanos 11:22

Chawila' ba' chi ri Dios ch'uch'uj, xukuje' c'a'n. Are c'a'n chque ri winak ri xetzakic. Ch'uch'uj c'u chawe at, we catjeki' pa ri utzil ri cuban chawe. Are c'u we caya' canok, xukuje' ri at catesax na apanok.

Ucab Tzijobelil 32:21

Are c'u ri Ajawaxel xutak jun tako'n aj caj ri xebucämisaj conojel ri ajch'ojab, xukuje' tak ri e qui nimakil ri ajch'ojab, ri quetakan paquiwi' ri rajch'ojab ri ajawinel re Asiriy, ri xtzelej na pa ri rulewal nojinak che q'uixbal. Aretak c'u xoc chupam ri rachoch ri u dios, kas chila' xcämisax wi cumal ri kas e u c'ojol.

Ri Matey 27:43

Ri are u cu'bisam u c'u'x chrij ri Dios. Chesax rumal ri Dios camic cho ri ripibal, we utz ruc'. ‘In u C'ojol ri Dios’, xcha' c'ut.”

Ri Matey 7:23

Ri in c'ut quinbij na chque: ‘Mawi jumul xinch'ob i wäch. Chixel chnuwäch, ix banal tak etzelal.’ ”

Ri Esdras 3:11

Jujun caquibixoj tak bix, jule' chi c'ut je u tzelexic u wäch wa' caquibano: “Chebiya' tak maltioxinic che ri Ajawaxel, rumal rech chi utz ri are', rumal rech chi junalic ri lok'ok'ebal u c'u'x che ri Israel.” Ronojel c'ut ri tinimit curak u chi' rumal quicotemal, cäk'ijilan c'u che ri Ajawaxel, chapletajinak chi c'u u banic u yaquic ri Rachoch ri Ajawaxel.

Ucab Tzijobelil 32:11

We ri Ezequiy cubij chiwe chi ri Ajawaxel ri u Dios quixuto' na pa nu k'ab, xa cätajin quixusubu cätajin c'u quixuya' pa ri cämical re wi'jal xukuje' chaki'j chi'.

Ucab Tzijobelil 32:8

Ri Senaquerib are' u cuban u c'u'x chquij ri qui chuk'ab ri achijab, c'o c'ut ri Ajawaxel ri ka Dios kuc' rech cujuto' che qui banic tak ri ka ch'o'j.” Aretak xtataj ri xubij ri ajawinel Ezequiy, ri tinimit xuna' chajin anima'.

Nabe Tzijobelil 5:20

xeto' c'ut rumal ri Dios, xekaj c'ut ri aj agareyib pa qui k'ab xukuje' ri quinimom quib che qui to'ic, pa u niq'uiajil c'ut ri ch'o'j ri cätajin cäquibano xquitz'onoj che ri Dios chi chebuto'. Ri Dios xebuto' rumal rech chi xquicu'ba' qui c'u'x chrij.

Salmib 20:1

Chutatabej ri a ch'awem ri Ajawaxel aretak at c'o pa bis, are' ri u Dios ri Jacob chuya' to'banic chawe.

Salmib 37:39

Ri to'bal quib ri e utzalaj tak winak cäpe ruc' ri Ajawaxel, are c'u qui panibal pa ri c'axalaj tak k'ijol.

Salmib 37:40

Ri Ajawaxel quebuto' che quesaxic quib. Cuban chque chi caquesaj quib pa qui k'ab ri e banal tak etzelal, quebuto'tajisaj c'ut, rumal rech chi ruc' are' xquitzucuj wi ch'ukubal quib.

Ri Jeremiy 16:19

Ajawaxel, chuk'ab xukuje' to'bal wib, nu panibal pa ri jok'otaj aretak xak quieb cubij panuwi'; uc' la quepe wi na ri nimak tak tinimit ri c'o tzam tak ri uwächulew, caquibij c'u na che la: “Xuwi e subunelab tak diosib, man c'o ta qui patan mawi c'o ta jas quecuin ta che qui banic xequic'am ri e ka mam che quechbal.

Ri Jeremiy 17:17

Mux la jun xibriquil chwe, lal c'ut ri nu panibal pa ri jok'otaj re c'axc'olil.

Ri Jeremiy 24:5

“In, ri Ajawaxel, ri u Dios ri Israel, je quinbij wa': E jacha' ri quilic ri e utzalaj tak higo je quilic ri tinimit Juda quinwil na, ri xintakanic chi chc'am bic pa ri culew ri aj caldeyib. Quebenwil na ruc' tok'obisam wächaj,

Ri Joel 3:16

Ri Ajawaxel aretak chubano chi chatataj ri u ch'abal re cakulja c'ä pa ri juyub Sion, pa Jerusalen, ri caj xukuje' ri ulew caquichaplej birbitem. Are c'u ri Ajawaxel are jun panibal to'balib chque ri aj israelib, ri e u tinimit.

Ri Soponiy 3:12

In quebenya' canok awuc' winak ri e mach'amoj ri man nim ta qui banic, ri caquijiquiba' na qui c'u'x chrij ri nu bi'.

Ucab Tzijobelil 13:18

Jeri' ri aj israelib xemach'irisax pa ri k'ijol ri', e are' tak c'ut ri aj Juda xquic'ut quib chi c'o qui chuk'ab, rumal rech chi xquicu'ba' quib chrij ri Ajawaxel, ri qui Dios ri e qui mam.

Salmib 9:10

Ajawaxel, ri queta'm wäch la cäquicu'ba' qui c'u'x chij la, mawi jumul quebexutuj la canok ri que tzucum che la.

Salmib 46:2

Rumal ri' man cäkaxe'j ta kib, pune' capuc'pub ri uwächulew, pune' quebik'taj bic ri juyub pa ri u choil ri plo,

Ri Isaiy 50:10

Ix ri nim quiwil wi ri Ajawaxel xukuje' quitatabej ri u ch'abal ri pataninel rech: we quixbin pa ri k'eku'm, man c'o ta jubik' i chaj, chicu'ba' i c'u'x chrij ri Ajawaxel; chitok'ej iwib che ri i Dios.