Ri Nahum 1:6 - Quiché Bible

⁶ ¿Jachin ta lo ri cacuinic cätaq'ui' ta chuwäch ri royowal? ¿Jachin ta lo ri cach'ijow ri royowal? Ri u c'anal cätixtob na jacha' k'ak', quequiban c'u cacab ri nimak tak abaj.

Ri Nahum 1:6 Referans Kwoze

Ri Jeremiy 10:10

Ri Ajawaxel, are ri' ri kas Dios, ri c'aslic Dios, ri junalic ajawinel. Aretak coyowaric, cayicop ri uwächulew ri nimak tak tinimit man caquich'ij ta u coch'ic ri royowal.

Ri Malaquiy 3:2

¿Jachin ta c'u lo ri cacuinic cuk'i' ri k'ij re ri u petic? ¿Jachin ta c'u lo ri cacuinic cutac'aba' rib? Copan c'u na jacha' jun k'ak', che ka ch'ajch'ojirisaxic; cux na jacha' jun ch'ipak ri queresaj na tak ri e ka tz'ilol.

Ri Nahum 1:2

Ri Ajawaxel are' Dios achixomanel xukuje' ya'l rajil c'axelal: cuya' rajil c'axelal chque ri quec'ulelan che, cäpe c'u royowal chque ri qui banom qui c'ulel che.

Salmib 76:7

¡Ri lal lal xibibal! ¿Jachin ta ri cäcuinic cutac'aba' rib chwäch la aretak lal oyowarinak?

Ri Ezequiel 30:16

Quint'ik na k'ak' che ri Ejipt, ri Sin cubak'atila' na rib rumal ri k'oxomal; quebejaktaj na c'ob chque tak ri nimak u tapia ri Tebs, xukuje' ri Memps cakaj na pa qui k'ab ri ajch'ojab pa k'ij.

Juyuwem 4:11

Ri Ajawaxel xukasaj ronojel ri royowal xutzopij ri u c'amal ri u k'ak'al ri royowal; xut'ik k'ak' che ri Sion xusachisaj c'u u wäch c'ä chuxe'.

Juyuwem 2:4

Ri Ajawaxel, jacha' ta ne jun c'ulel, xutanij ri q'uiakbal ch'ab, xucoj u chuk'ab ri u k'ab; junam ruc' jun c'ulelanel, xuc'äjij ri sibalaj je'l quilic; jacha' jun k'ak', xuq'uiak ri royowal paquiwi' ri winak ri e c'o chupam ri je'lalaj Sion.

Ri Isaiy 27:4

Man woyowal ta che. We ta e q'uiyinak q'uix xukuje' itzel tak k'ayes chupam, quinch'ojin ta ri' ruc', quebenporoj ta ri' conojel ri k'ayes.

Ri Isaiy 10:16

Rumal ri' ri Ajawaxel quebutuktubisaj na we winak ri' ri cätiltat cakan qui k'ab, cuban na chi cänicow ri qui cuerp rumal ri u k'ak'al ri nimalaj k'ak'.

Salmib 90:11

¿Jachin ta ri retamam ri u tokinic ri oyowal la? ¿Jachin ta ri retamam ri c'anal la?

Nabe Ajawinelab 19:11

Ri Ajawaxel xubij c'u che: “Chatel ulok chisak, chatac'aba' c'u awib chnuwäch, puwi' ri juyub.” Coc'ow ri Ajawaxel, jun cowilaj quiakik' c'ut ri sibalaj c'o u chuk'ab xujak'ij ri c'ache'laj, xebupaxij ri nimak tak abaj chuwäch ri Ajawaxel; ri Ajawaxel man c'o ta chupam ri quiakik'. Chrij c'ut ri quiakik' xpe chi jun nimalaj cabrakan; ri Ajawaxel mawi c'o chupam ri nimalaj cabrakan.

Apocalipsis 16:8

Ri ucaj tako'n aj caj xuk'ij ri u lak puwi' ri k'ij. Xya' c'u che ri k'ij chi quebuc'atisaj ri winak ruc' k'ak'.

Apocalipsis 16:1

Xinta' jun cowilaj ch'abal ri xel ulok pa ri k'ijilabal, ri xubij chque ri wukub tako'nib aj caj: “Jix, chik'ija' puwi' ri uwächulew ri wukub lak re ri royowal ri Dios.”

Apocalipsis 6:17

xopan c'ut ri nimalaj k'ij cäpe ri c'äjisabal wächaj. ¿Jachin ta lo ri cäcuinic cätaq'ui' ta chuwäch?”

Ri Job 40:11

Chebawila' conojel ri caquiban tak nimal: chatzokopij ri awoyowal paquiwi' chebamach'irisaj c'ut.

Salmib 130:3

Ajawaxel, Ajawaxel, we ta ma ta quesach la qui tza'm ri etzelal, ¿jachin ta lo ri' ri cäcuinic co cätaq'uic?

Ri Isaiy 13:13

Cäyicop c'u na ri caj, xukuje' ri uwächulew quel na pa ri u c'olbal rumal ri woyowal pa ri k'ij ri', rumal ri u k'ak'al ri woyowal.

Ri Isaiy 66:15

Rumal rech chi ri Ajawaxel c'o pa u niq'uiajil ri k'ak' aretak copanic, ri e u carwaj jeri' quepe sutinelalaj tak quiakik' cutzokopij c'ut ri u k'ak'al ri royowal xukuje' ri e rak' tak k'ak' ri quenicowic re ri c'äjisabal wächaj ri cuyao.

Ri Ezequiel 7:8

Kas camic, chanim ri', quinkasaj na ri woyowal pawi' c'ä coc'ow na ri woyowal, quinta' na chawe jas ri a banom pa ri a c'aslemal, quinc'äjisaj c'u na a wäch cumal conojel ri xojibalalaj tak e a banoj.

Ri Ezequiel 21:31

quinkasaj c'u na ri woyowal pawi' jacha' ri jun xibibalalaj c'atic; catinjach c'u na pa qui k'ab c'analaj tak winak ri quena'w che sachisam wächaj.

Ri Ezequiel 39:6

Quintak na k'ak' puwi' ri Magog xukuje' paquiwi' tak ri winak ri e jekel pa utzil pa tak ri ulew ri e c'o puwi' tak ri plo. C'äte ri' caquich'ob na chi in ri' ri Ajawaxel.

Ri Soponiy 2:2

c'ä majok chixq'uiak bic jacha' ta ne ri pajo, ri xa' pa jun k'ij casach u wäch; c'ä majok chkaj ri nimalaj royowal ri Ajawaxel piwi' ri canicowic; c'ä majok chkaj piwi' ix ri k'ij re ri nimalaj royowal ri Ajawaxel.

Ri Malaquiy 4:1

Ri Ajawaxel ri c'o ronojel u cuinem je cubij wa: “Canakajin ri k'ij, ri canicowic jacha' jun jorno, ri quenicow wi na conojel ri caquiban nimal xukuje' ri e banal tak etzelal jacha' ri pajo chupam jun poro'n. Ri k'ij ri' ri cäpe na quebujarisaj na, man c'o ta c'u cacanaj na chque.

Ri Job 9:5

Ri Dios, chupam ri royowal, quebuyicopisaj tak ri juyub; quebut'akij, man c'o ta c'u jachin cänabenic.

Ri Job 26:11

Aretak ri Dios cucoj xib, quebirbob tak ri juyub che xe'n ib ri e tok'eninak ri caj.

Salmib 76:8

Pa ri caj cäc'ut wi la ulok ri k'atan tzij la; ri uwächulew cuxe'j rib xak jun chi cac'oji' wi,

Ri Isaiy 33:14

Quebirbob ri ajmaquib pa ri Sion, ri man e nimanelab taj quenoj na che xe'n ib cäquibij c'ut: “¿Jachin ta chke cäcuinic cäc'asi pa jun k'ak' jarisanel, pa jun k'ak' aj chbe k'ij sak?”

Juyuwem 2:3

Aretak xnicow ri royowal, xa' jut'oy xuya' che ronojel ri u cuinem ri Israel. Xuk'il ri u to'banic ri u cuinem chke aretak xujbe che u c'ulaxic kib ruc' ri c'ulel; ¡u t'ikom jun k'ak' pa Jacob jun k'ak' ri cujarisaj ronojel ri curiko!