Ri Miquey 4:2 - Quiché Bible

² q'uialaj tinimit quebopan na je caquibij wa': “Tisaj, chujpakal pa ri u juyub ri Ajawaxel, chupam ri rachoch ri u Dios ri Jacob, rech ri are' quebuc'ut tak ri e u be chkawäch chujcuin ta c'ut chujbin chquipam ri a laj tak u be.” Rumal rech chi pa Sion quel wi na ulok ri u tijonic ri Ajawaxel, pa Jerusalen cäpe wi na ri u tzij,

Ri Miquey 4:2 Referans Kwoze

Ri Isaiy 2:3

e q'uia tinimit winak quebopanic, cäquibij na: “Tisaj, chujpakal cho ri u juyub ri Ajawaxel, ri rachoch ri u Dios ri Jacob, rech are' quec'utuw tak ri u be chkawäch, cujcuin c'u che binem pa ri alaj tak u be.” Pa Sion quel wi na ulok ri u tijonic ri Ajawaxel, pa Jerusalen cäpe wi na ri u tzij.

Ri Jeremiy 31:6

Cäpe c'u na jun k'ij aretak ri yuxlenelab caquirak na qui chi' paquiwi' tak ri e u juyub ri Eprain: ‘Chixpetok ix, jo' pa Sion, jawije' c'o wi ri Ajawaxel ri ka Dios.’ ”

Hechos 1:8

Aretak c'u chpe ri Ruxlabal ri Dios piwi', quic'am na cuinem quixel c'u na bic che u ya'ic k'alajisanic chwij, pa Jerusalen pa ronojel ri ulew re Judey xukuje' pa Samar, xukuje' c'u pa tak ri tinimit ri sibalaj naj e c'o wi cho ronojel ri uwächulew.”

Ri Isaiy 54:13

In quebentijoj na ri awal, conojel cäquirik na nimalaj utzil.

Salmib 25:12

Ri winak ri nim caril wi ri Ajawaxel, ri are' cuc'ut ri be chuwäch ri takal u takexic rumal;

Ri Xuan 7:17

We c'o jachin cäraj cuban ri u rayibal ri xintakow ulok, cäretamaj na we ri nu tijonic cäpe ruc' ri Dios, we xak quintzijoj pa we wi.

Romanos 15:19

pa qui cuinem ri etal xukuje' mayibal, rumal ri u cuinem ri Uxlabaxel, nu tzijom ri utzalaj tak tzij re colobal ib rumal ri Crist pa Jerusalen xukuje' pa tak niq'uiaj c'olbal chic, c'ä pa Ilir.

Ri Lucax 24:47

Xukuje' xtz'ibax canok chi cätzijox na chque conojel ri winak, pa conojel nimak tak tinimit chi cäquiq'uex qui c'u'x pa ri u bi' ri Crist rech cäsachtaj ri qui mac, chi cächapletaj bic u tzijoxic wa' pa Jerusalen.

Marcos 16:20

Ri u tijoxelab xebel bic, xquitzijoj chque ri winak pa tak ronojel c'olbal jas u banom ri Jesus. Ri Ajawaxel xebuto'o xukuje' xubano chi xquibana etal che u k'alajisaxic chi rech ri Dios ri tzij ri cäquibij. Je chbanok.

Ri Zacariy 14:16

Chwi chi c'ut wa', ri xec'asi' can chque tak we tinimit ri' ri xquitij qui chuk'ab che u banic ch'o'j ruc' ri Jerusalen ronojel junab quepe na che u k'ijilaxic ri Ajawinel, ri Ajawaxel ri c'o ronojel u cuinem, cacoc'owisaj c'ut ri nimak'ij que tak ri cäbal.

Hechos 13:42

Aretak xebel bic ri Pawl xukuje' ri Bernabe pa ri ja ri quetijox wi ri aj judeyib che ri pixab, ri man aj judeyib taj xequibochi'j chi pa ri k'ij re uxlanem wukubix chequitzijoj chic we jastak ri' chque.

Ri Xuan 6:45

Tz'ibatal can pa tak ri qui wuj ri k'axal tak tzij: Conojel quetijox na rumal ri Dios. Conojel ri cäquitatabej ri Tataxel, cäquetamaj que ruc', e are ri' quepe wuc' in.

U Camulixic ri Pixab 6:1

“E are tak takomal wa', pixab xukuje' tak ri pixab ri e tz'ibatalic, ri in u takom ri Ajawaxel ri i Dios chi quixintijoj che, rech quichaplej qui banic pa ri ulew ri quixoc che rechbexic.

Ri Zacariy 2:11

Aretak chec'ulmataj wa', e q'ui tak ri nimak tak tinimit ri caquijunaj na quib ruc' ri Ajawaxel. Ri are' cubij na: “Xukuje' we nimak tak tinimit ri' quebux na nu tinimit. Quinjeki' c'u na ri in chixo'l ix.” Je c'u ri' ri ix quich'ob na ix chi are' ri Ajawaxel ri c'o ronojel u cuinem are' in takowinak ulok.

Ri Osey 6:3

¡Ka tija' ka k'ij che retamaxic u wäch ri Ajawaxel! Ri Ajawaxel cäpe na kuc', kastzij jacha' ri relic ulok ri k'ij, kastzij jacha' ri u ja'xic ri uwächulew rumal ri jäb pa ri u q'uisbal ri junab xukuje' pa ri u chaplebal ri junab.

Salmib 110:2

Kas puwi' ri Sion, ri Ajawaxel cujach wi ulok ri bara' pa k'ab la, che u q'uexwäch ri cuinem la; ¡chätakan ba la paquiwi' ri qui banom qui c'ulel che la!

Salmib 119:1

Utz quech ri man c'o ta macaj pa ri qui c'aslemal, quiterenem c'ut ri u tijonic ri Ajawaxel.

Salmib 119:171

Chq'uiy ulok ri k'ijilanic chi nu chi', in tijom c'u la chque tak ri pixab la.

Salmib 122:1

¡Nimalaj quicotemal aretak cäbix chwe: “Jo' chupam ri rachoch ri Ajawaxel!”

Ri Isaiy 56:7

ri in quebenc'am na ulok chupam ri tastalicalaj nu juyub, quinban na chque chi cäquirik utzil pa ri wachoch re ch'awem wuc'. In quebenc'amowaj na puwi' ri nu porobal ri e qui tabal tak tok'ob ri quechajisaxic xukuje' niq'uiaj tabal tak tok'ob chic, cäk'alajisax c'u na ri wachoch chi ja re ch'awem ruc' Dios chque conojel tak ri tinimit.

Ri Jeremiy 42:3

Chabochi'j ri Ajawaxel ri a Dios chi chuc'utu' ri be chkawäch ri rajawaxic u takexic kumal xukuje' ri rajawaxic u banic kumal.”

Ri Zacariy 9:10

Ri are' cusachisaj na qui wäch tak ri e u carwaj ri Eprain, ri e u quiej tak ri Jerusalen xukuje' tak ri q'uiakbal ch'ab re ch'o'j. Cuya' na u bixic jamaril chque ri nimak tak tinimit cajawin c'u na chuchi' ri jun plo c'a chuchi' ri jun plo chic, cachaptaj ruc' ri Euprats queq'uis na c'ä che ri u q'uisbal jutz' rech ri uwächulew.