Ri Miquey 3:2 - Quiché Bible

² Man je ta c'u qui bano, quiwetzelaj u wäch ri utzil are c'u quilok'ok'ej ri lawaloyil; qui ch'ol ri u tz'umal ri nu tinimit kululem ri e u bakil quebiya' canok.

Ri Miquey 3:2 Referans Kwoze

Ri Ezequiel 22:27

Ri e c'amal tak u be we ulew ri' xak e junam cuc' ri utiw ri quequiban ch'akatak chque ri quekaj pa qui k'ab, ri xak e suc'umatal che u turuwisaxic quic' xukuje' qui cämisaxic winak rech quek'inomaric.

E C'ambal tak Tzij 28:4

Ri cäquitas quib caquiya' can ri pixab cäquiya' u k'ij ri banal etzelal; ri caquitz'akatisaj cäquic'ulelaj.

Salmib 53:4

Man c'o ta qui ch'obonic ri e banal tak etzelal, ri caquibik' ri nu tinimit jacha' ri cuban ri cubik' wa, ri man cäquinataj ta ri u bi' ri Dios.

Romanos 12:9

Kas chi lok'ok'ela' iwib, man ruc' ta quieb c'uxaj. Chiwetzelaj u wäch ri lawaloyil chitakej c'u u banic ri utzilal.

Ri Isaiy 3:15

¿Jachin ix takowinak chi quiban c'ax che ri nu tinimit, xukuje' chi quebich'ay ri mebayib?” Jewa' cujiquiba' u bixic ri Ajawaxel ri c'o ronojel u cuinem.

Ucab Tzijobelil 19:2

Are c'u ri Jehu, ri k'axal tzij, u c'ojol ri Hanani, xel ulok che u c'ulaxic xuc'ot c'u u chi': “¿Jasche cato' la ri lawalo cäban c'u la utz cuc' ri e u c'ulel ri Ajawaxel? rumal c'u rech wa', ri Ajawaxel oyowarinak uc' la.

Nabe Ajawinelab 21:20

Ri Acab xubij che ri Eliy: “¿La je ba' ri', at ri at nu c'ulel in a rikom?” “Je, xatinriko” xcha' ri Eliy. “Rech man quebatakej ta chic qui banic niq'uiaj itzel tak jastak chuwäch ri Ajawaxel.

2 Timoteo 3:3

man c'o ta lok'ok'ebal qui c'u'x, man e cuyenelab taj, e bil tak tzijtal, man cäquijic' ta quib, e c'analaj tak winak ri cäquiban qui c'ulel che ri utz,

Romanos 1:32

Queta'm chi c'ut ri u takanic ri Dios, chi conojel ri quebanow we jastak ri', takal chque chi quecämic. Pune' queta'm, cäquiban ri jastak ri'. Man xuwi ta cäquibano, xane' xukuje' utz cäquilo aretak niq'uiaj winak chic cäquibano.

Ri Xuan 18:40

Xquirak chi qui chi' jumul, xquibij: “Man are' ta wa', xane' are ri Barabas.” Ri Barabas c'ut are' jun nimalaj banal eläk'.

Ri Xuan 7:7

Ri e aj uwächulew man quecuin taj cäquetzelaj i wäch ix. Cäquetzelaj c'u nu wäch in, rumal rech chi quink'alajisaj jas ri qui banic, chi cäquiban etzelal.

Ri Lucax 19:14

E are c'u ri e aj u tinimit ri cäquetzelaj u wäch, xequitak bic tako'n chrij che u bixic: ‘Man cäkaj taj chi we achi ri' cux kajawinel.’

Ri Soponiy 3:3

Ri e c'amal tak qui be xak e junam cuc' tak ri coj ri quewu'nic; ri e qui k'atal tzij xak e junam cuc' tak ri utiw ri e c'o pa ri chaki'j uwo sak ri man c'o ta jun bak ri caquiya' ta can che re chwek.

Ri Ezequiel 34:3

Ri ix quikumuj ri leche, quicoj ri rismal ri chij che iwatz'iak quebipil tak c'ut ri chij ri e chomak na, man quiwilij ta c'ut ri jumulaj chij.

Salmib 15:4

ri cäretzelaj u wäch ri takal retzelaxic u wäch, nim c'u caril wi ri cuya' u k'ij ri Ajawaxel; ri quebutz'akatisaj ri e u chi'm pune' c'ax quelic;

Ri Isaiy 57:12

Quinwesaj c'u na u tzijol ri a c'aslemal, ri at cachomaj chi sibalaj at tz'akat.

Ri Ezequiel 11:7

Rumal ri' ri in, ri Ajawaxel quinjiquiba' u bixic chiwe: ri Jerusalen cux na junam ruc' jun t'uy, man ix ta c'ut ri ti'j, xane' e are' ri qui ti'jal winak ri xebicämisaj, ri ix quixinwesaj na chupam ri t'uy.

Ri Ezequiel 24:4

chebaya' ch'akatak tak ti'j chupam, utzalaj tak ch'akatak tak a'aj, ch'akatak tak u ti'jal uwo rachak xukuje' tak ri bak ri sibalaj e je'l na.

Ri Miquey 2:8

Ix iwalijisam iwib chrij ri nu tinimit. Quebitokij tak ri atz'iak chque ri e petinak pa ri ch'o'j ri pakal cajil qui chomaj c'ut chi man c'o ta chi jachin cäch'ojinic.

Ri Miquey 7:2

Man e c'o ta chic pa ri uwächulew winak ri e suc' mawi ri e jic ta che ri Dios; conojel xak queyem ri jok'otaj che u banic tokinic; quequicoj c'amibal chquibil tak quib.

Ri Miquey 7:3

E ajtijab che u banic ri lawaloyil; ri nimak qui k'ij quequitok'ij tak sipanic chque tak ri winak, ri k'atal tak tzij cäban na u pa qui k'ab che u banic k'atan tzij, ri e c'o qui cuinem caquibano jachique ri cäkaj chquiwäch caquetzelaj c'ut ri tinimit.

Ri Isaiy 5:20

¡Tok'ob i wäch ix ri quibij utz che ri man utz taj, man utz ta quixcha' c'u che ri utz; quijalwächij ri sakilal pa k'ekumalil, are c'u ri k'eku'm quiban sakilal che, ri quijalwächij ri c'ayil pa qui'al, ri quiban c'a che ri qui', are c'u ri qui' pa c'ayil!

Ri Amos 4:1

Chebitatabej tak wa': je'lalaj tak ixokib je ri quixpe ri e chomak tak ati'tab wacax re Basan pa ri juyub re Samar, ixokib ri quequiban c'ax chque tak ri mebayib quebic'axc'obisaj c'ut ri e c'o tak qui rajawaxic, ri quequitak ri cachajilal chi chequic'ama' ulok u wa'l uva rech cacuq'uiaj.

Ri Amos 5:15

¡Chiwetzelaj u wäch ri lawaloyil! ¡Are chilok'ok'ej ri u banic ri utzil! Kas chiwila' chi chban ri suq'uilal pa ri k'atbal tzij; craj ne chi' ri Ajawaxel, ri Dios ri c'o ronojel u cuinem, quel na u c'u'x chque ri quec'asi' na canok pa Israel.