Ri Miquey 2:3 - Quiché Bible

³ Rumal ri' cubij ri Ajawaxel: “Xukuje' ri in e c'o tak nu chomanic chiwe. Quentaka ulok jun quiäkasakil piwi' ri man quixcuin ta wi quito'tajisaj ta ri i kul, man quixcuin ta c'ut quixbin ta chi na ruc' banoj nimal rumal rech chi e k'ijol tak wa' rech c'axc'olil.

Ri Miquey 2:3 Referans Kwoze

Ri Amos 5:13

Rumal ri' ri c'o u no'j man cäch'aw taj, rumal rech chi ri k'ijol lawalo.

Ri Jeremiy 8:3

Ri quec'asi' can chque we itzel tak winak ri', pa apachique ta c'u ne c'olbal ri querik taj wi aretak e nu jabum chic, are caquirayij na quecämic chuwäch chi quec'asi'c. In, ri Ajawaxel Dios ri c'o ronojel nu cuinem, quinjiquiba' u bixic.”

Ri Jeremiy 18:11

Chabij, ba', chque ri winak aj Juda xukuje' chque ri winak ri e c'o pa Jerusalen chi ri in, ri Ajawaxel, quinbij chiwe: ‘Nu bin chi cäpe ri etzelal piwi'; cätajin quinchomaj u c'äjisaxic i wäch. Xopan ba' ri k'ij chiya' ba' canok ri itzel be; chiwutzirisaj ri i c'aslemal xukuje' tak ri e i banoj.’

Santiago 2:13

Ri jun ri man elinak ta u c'u'x chque niq'uiaj chic, ri Dios man quel ta u c'u'x che ri are' aretak cuk'at na tzij puwi'. Nim na ri elebal c'u'x chuwäch ri k'atoj tzij.

Juyuwem 5:5

Cojom jun eka'bal chrij ka wi'; cujcosic, man caya' ta c'u chke chi cujuxlanic.

Juyuwem 2:17

Ri Ajawaxel xuq'uis qui banic tak ri e u chomanic, xutz'akatisaj ri u tzij ri kas u bim ulok ojer; xsachisan wächaj ma xcuyun ta c'ut; xuya' c'olbal chi ri c'ulel cutze'j a wäch xuya' u chuk'ab ri catc'ulelanic.

Efesios 5:16

Chiwechbej tak ri k'ij che u banic ri utz, rumal rech chi itzel tak k'ij uj c'olic.

Romanos 16:4

Ri e are' rajxecämic rumal nu to'ic. Man xuwi ta ri in quinmaltioxin chque, xane' xukuje' conojel ri kachalal ri e c'o cuc' ri cojonelab ri man aj judeyib taj.

Ri Miquey 2:1

¡Tok'ob qui wäch ri winak ri xukuje' ne pa tak ri quichic' caquitakej qui chomaxic tak qui banic tak ri etzelal, aretak c'u cäsakaric caquichaplej u banic ri xquichomaj rumal rech chi c'o ri cuinem pa qui k'ab che u banic!

Ri Amos 2:14

Pune' c'u sibalaj quiq'uis iwib che animajem man quixto'taj ta na; ri sibalaj co na quebeq'uis ri e u chuk'ab, man cäto'taj ta c'u na ri sibalaj c'o u chuk'ab.

Ri Daniel 4:37

Are c'u ri camic, in Nabucodonosor, quink'ijilaj, quinya' u k'ij xukuje' quinya' juluwem che ri Ajawinel re ri caj, rumal rech chi ronojel ri cubano are kastzij xukuje' suc', cäcuin c'u che qui mach'irisaxic ri cäquichomaj quib chi nimak qui k'ij.”

Juyuwem 1:14

Ri e nu mac e rilom ri Ajawaxel; kas are' e ximowinak tak chwij jacha' jun eka'bal ri u tzakom ralal panuwi': ¡Quebuq'uis tak ri e nu chuk'ab! Ri Ajawaxel in u jachom pa qui k'ab winak ri man quinch'ij ta qui coch'ic.

Ri Jeremiy 43:2

ri Azariy, u c'ojol ri Osaiy, ri Joanan, u c'ojol ri Carey, xukuje' niq'uiaj achijab chic ri e banal tak nimal xquibij che ri Jeremiy: “¡Ri cabij xa' banoj tzij! Ri Ajawaxel ri ka Dios man u bim ta chawe chi mujejekel ta pa Ejipt.

Ri Jeremiy 36:23

Xuwi c'u quesiq'uitaj oxib o quiejeb ch'akatak rumal ri Jehudi ri ajawinel quebuk'at ruc' jun cuchilo quebuq'uiak pa ri u k'ak'al ri rachak k'ak'. Je xutakej u banic c'ä xuporoj na ronojel ri botobic wuj.

Ri Jeremiy 34:17

Je c'u ri', in, ri Ajawaxel, quinbij: Ix man xixniman ta chwe, man c'u xebitzokopila' taj ri e i winakil ri e i cojom che pataninelab; rumal ri', camic in quebentzokopij ri ch'o'j ri cämisanel yabil xukuje' ri wi'jal rech quequiban jun jasach chiwe ri cuya' xibin ib chque conojel ri ajawibal cho ri uwächulew. In, ri Ajawaxel, quinjiquiba' u bixic.

Ri Jeremiy 27:12

In, Jeremiy, xinbij ronojel wa' che ri Sedequiy, ajawinel re Juda, xinbij c'u che xukuje': “Chicojo' iwib chuxe' ri u cuinem ri ajawinel aj Babilon xukuje' che ri u tinimit, quixc'asi' c'u na.

Ri Isaiy 5:19

Ix ri quibij: “Chanim chubana' ri Dios ri jastak ri cubij, rech quekilo; chi ri Tastalicalaj u Dios ri Israel chutz'akatisaj chanim ri e u chomam qui banic rech cäketamaj qui wäch.”

Ri Isaiy 3:16

Cubij ri Ajawaxel xukuje': “Ri ixokib aj Sion, ri e banal tak nimal, ri man cäquipachba' ta jubik' ri qui jolom quebinic, ri man c'o ta qui q'uixbal chquipalaj, ri xak cocoj u xo'l tak cäkan cäquibano aretak quebinic, cäquichinicha' ri wikbal cakan;

U Camulixic ri Pixab 28:48

Quebapatanij c'u na ri c'ulel ri quebutak na ulok ri Ajawaxel chawij; cana' na wi'jal, chaki'j chi', cäquiynaj na ri awatz'iak chawij, cana' na ronojel u wäch mebayil. Ri Ajawaxel cuya' na be chque ri a c'ulel chi catquicoj pa jun c'axalaj chac c'ä catcäm na.

Ri Amos 3:1

Israelib, chitatabej ri cubij ri Ajawaxel che ri tinimit ri xuresaj ulok pa Ejipt:

Ri Amos 3:2

“Xuwi ri ix ix nucha'om chquixo'l tak conojel ri tinimit ri e c'o chuwäch ri uwächulew. Rumal ri' quinc'äjisaj na i wäch qui mac quech ri etzelal ri e i banom.”

Ri Isaiy 29:20

Cäsach na qui wäch ri man c'o ta qui q'uixbal, man quilitaj ta chi na qui wäch ri cäquinimarisaj quib, cäq'uis na tzij paquiwi' ri xuwi cäquichomaj u banic etzelal,