Ri Miquey 1:3 - Quiché Bible

³ Ri Ajawaxel quel na chupam ri c'olbal ri jekel wi cäpe c'u na cäbin paquiwi' tak ri juyub.

Ri Miquey 1:3 Referans Kwoze

Ri Amos 4:13

Ri Ajawaxel, ri quebutzuk' tak ri juyub xukuje' cuq'uiyisaj ri quiakik', ri quebuya' retamaxic tak ri e u chomam u banic che ri winak, ri cujalwächij ri chäj pa k'ekumalil, ri quebubinibej tak ri ulew ri sibalaj naj e elinak chicaj, ri Ajawaxel, ri i Dios ri c'o ronojel u cuinem: are' wa' ri u bi'.

Ri Isaiy 26:21

Quel c'u ulok ri Ajawaxel jekel chupam ri nimalaj rachoch che u c'äjisaxic qui wäch qui mac ri qui mac ri e cho ri uwächulew, ri ulew man quebuc'u' ta chi na ri e u cäminakib, xane' queresaj ulok chisak ri etzelal ri e banom chuwäch.

U Camulixic ri Pixab 32:13

Xebuc'am bic ruc' ch'äcanic paquiwi' ri nimak tak juyub rech ri ulew, xebutzuk cuc' tak ri qui wächinic ri juyub; xuban chque chi xquikumuj juyubal räx cab che ri nim abaj xukuje' xuya' caseit ri xil che ri räx abaj;

Ri Habacuc 3:19

Quebuya' c'ut nu chuk'ab ri Ajawaxel, quebuya' chque ri nu ch'ec ri raninakil ri mazat quinuc'am c'u na bic pa tak chicajil jawije' ri quinto'taj wi na.

Salmib 115:3

Ri ka Dios c'o pa ri caj; ri are' u banom ronojel ri xraj.

Ri Ezequiel 3:12

Are' c'ut ri u cuinem ri Dios xinuwalijisaj, chwij c'ut xinta' jun cowilaj jininem jacha' ri re jun nimalaj cabrakan, aretak xwalij ri u juluwem ri Ajawaxel jawije' ri c'o wi'.

Ri Isaiy 25:10

Ri u k'ab ri Ajawaxel are cäto'w na ri juyub Sion, cuxak'alej c'u na ri Moab jacha' ri u xak'alexic ri pajo ri q'uiakom pa ri mes.

Ri Job 40:12

Je, chebakasaj pa ulew ruc' ri qui ca'yexic awumal, chebaxak'alej ri banal tak etzelal jawije' ri e c'o wi.

U Camulixic ri Pixab 33:29

Utz awech at Israel, ¿Jachin ta ri cujunamaj rib awuc'? Kas are' ri Ajawaxel at to'tajisanic; are' catc'uxlanic, catuto' c'ut, ¡are' ri a ch'ich' re ch'o'j ch'äcanel! Ri e a c'ulel cäquijach na quib pa ak'ab, ri at caxak'alej na ri nimal ri quec'amowic.”

Ri Zacariy 14:4

Pa ri k'ij ri' ri Ajawaxel quebutac'aba' na ri rakan puwi' ri qui Juyubal tak ri u Che'al Aseitun, ri c'o chuwäch ri Jerusalen, ri c'o chusuq'uil ri elebal k'ij. Jun c'u nimalaj beya', ri cataken pa ri elebal k'ij quetakal pa ri u kajebal k'ij, cuban na quieb che ri qui juyubal tak ri u Che'al Aseitun. Pa niq'uiaj che ri juyub cäk'ax na pa ri iquiak'ab ri jun pa niq'uiaj chic cak'ax na pa ri mox k'ab.

Ri Amos 9:5

Ri Ajawaxel, ri Dios ri c'o ronojel u cuinem, cuchap ri ulew, cäjar c'ut ri ulew quebok' c'u conojel ri e jekejoj chuwäch. Ri ulew capakic xukuje' cäkajic, jacha' ri qui pakalem xukuje' ri qui kajem tak ri e u ja'il ri Nil.