Ri Miquey 1:1 - Quiché Bible

¹ Are tzijol wa' ri xuya' u bixic ri Ajawaxel che ri Miquey aj Moreset xukuje' ri rumal c'utwächinic xuk'alajisaj chuwäch che ri cuc'ulmaj na ri Samar xukuje' ri Jerusalen, pa ri k'ijol aretak ri Jotam, ri Acaz xukuje' ri Ezequiy xebajawin pa Juda.

Ri Miquey 1:1 Referans Kwoze

Ri Jeremiy 26:18

“Pa tak ri u k'ijol ri Ezequiy, ajawinel re Juda, ri Miquey aj Moreset xutzijobej ronojel ri tinimit Juda pa ri u bi' ri Ajawaxel, je xubij wa' che: ‘Ri Ajawaxel ri c'o ronojel u cuinem je cubij wa': Ri Sion caq'uextaj pa jun ulew c'upum, Ri Jerusalen cux na jumulaj etzeletajic, ri u wi' ri juyub ri c'o wi ri rachoch Dios cänoj na che patzapak tak k'ayes.’

Ri Isaiy 1:1

E are' tak wa' ri xya' u bixic che ri Isaiy, u c'ojol ri Amoz, ri xuc'am rumal ri c'utwächinic ri cäril na ri Juda xukuje' ri Jerusalen: ri Uziy, Jotam, Acaz xukuje' ri Ezequiy pa Juda.

Ri Osey 1:1

Are tzijol wa' ri xuya' u bixic ri Ajawaxel che ri Osey (ri Beeri are' ri u tat ri Osey) pa tak ri u k'ijol ri Uziy, ri Jotam, ri Acaz xukuje' ri Ezequiy, ajawinelab tak re Juda, xukuje' pa tak ri u k'ijol ri Jeroboam rajawinel ri Israel (ri Joas are' ri u tat ri Jeroboam).

Ri Amos 1:1

Are tzijol wa' ri xuya' ri Amos jun yuk'ul chij pa ri tinimit Teco ri xya' u bixic che rumal ri Dios ri cuc'ulmaj na ri Israel, quieb junab majok ri nimalaj cabrakan, pa tak ri u k'ijol ri Uziy, ajawinel re Juda xukuje' pa ri u k'ijol ri Jeroboam ajawinel re Israel (ri Joas are' ri u tat ri Jeroboam).

Ri Miquey 1:5

Ronojel wa' rumal rech ri man u nimanic taj ri u tinimit ri Jacob, xukuje' cumal quech tak ri qui mac ri aj Israel. ¿Jawije' c'o wi ri man u nimanic taj ri Jacob? ¡Chupam ri tinimit Samar! ¿Jawije' tak e c'o wi ri e subunelab tak u k'ijilabal ri Jacob? ¡Kas pa ri Jerusalen!

Ri Amos 6:1

¡Tok'ob qui wäch ri cuc'am jun ch'uch'ujalaj c'aslemal pa Sion! ¡Tok'ob qui wäch ri e jekejoj ri qui cuban qui c'u'x chrij ri Samar, ri e c'amal tak u be ri nim tinimit ri nim na qui banic, ri quecuq'uij ri aj israelib!

Ri Osey 8:14

Ri Israel quebuyac nimak tak ja cäsach c'ut ri u winakirisanel pa u jolom. Ri Juda q'ui tak tinimit quebuyaco ri e c'o nimak tak tapia chrij, quinban c'u na in chque chi quenicow pa jun k'ak' ri quebuchajirisaj na ri nimak tak rachoch.”

Ri Osey 4:15

We ri at, Israel, catux jun quech ri nim ch'utin, ma ta c'u ne chmacun ri Juda. ¡Mixbe ix pa Jilgal mawi mixpaki pa Bet-aben mawi quiban ri chi'nic ri kas cäban na, mixcha' rumal ri u c'aslemal ri Ajawaxel!

Ri Habacuc 1:1

Are tzijol wa' ri xuk'alajisaj ri Ajawaxel chuwäch ri Habacuc, ri k'axal tzij.

2 Pedro 1:21

Ri qui tzij c'ut ri k'axal tak tzij man xpe ta ojer xa' rumal ri u rayibal jun winak, xane' e winak ri xquiya' quib pa u k'ab ri Dios ri xetzijonic, xya' qui no'j rumal ri Ruxlabal ri Dios.

Ucab Ajawinelab 15:5

Ri Ajawaxel xuc'äjisaj u wäch ri ajawinel ruc' ch'a'c c'ä pa ri k'ij aretak xcämic, jeri' ri ajawinel xak u tuquiel xjeki' chupam ri rachoch, man c'o ta rech che ri u chac, are' c'u ri Jotam ri u c'ojol are' ri xk'atan tzij puwi' ri nim tinimit.

Ucab Ajawinelab 15:32

Chupam ri ucab junab ri rajawinic ri Pek, u c'ojol ri Remaliy, ri Jotam u c'ojol ri Uziy, xuchaplej ajawinic pa Juda.

Ucab Ajawinelab 16:1

Pa ri uwuklajuj (17) junab ri rajawinic ri Pek, u c'ojol ri Remaliy, xuchaplej ajawinic ri Acaz, u c'ojol ri Jotam, ajawinel pa Juda.

Ucab Ajawinelab 18:1

Pa ri urox junab re ri rajawinic ri Osey, u c'ojol ri Ela, ajawinel re Israel, ri Ezequiy, u c'ojol ri Acaz, ajawinel re Juda, xuchaplej ajawinic.

Ucab Tzijobelil 28:1

Juwinak u junab ri Acaz aretak xuchaplej ajawinic, waklajuj junab c'ut xajawin pa Jerusalen; man e suc' ta c'ut ri e u banoj chuwäch ri Ajawaxel, jacha' ri xequiban ri e u mam ri David,

Ucab Tzijobelil 29:1

Juwinak job (25) u junab chic ri Ezequiy aretak xuchaplej ajawinic, juwinak belejeb (29) junab c'ut xajawin pa Jerusalen. Abi, u bi' ri u nan, u mia'l c'ut ri Zacariy.

Ri Isaiy 7:1

Ri Rezin ajawinel re Siriy, xukuje' ri Pek ajawinel re Israel, u c'ojol ri Remaliy, xech'ojin ruc' ri Jerusalen, are ta xcaj xquich'äco, man c'u xecuin taj. Xc'ulmataj wa' aretak pa tak ri k'ij aretak ri Acaz, u c'ojol ri Jotam, ri' u mam c'ut ri Uziy, are' ajawinel pa Juda.

Ri Miquey 3:9

Chitatabej c'u wa' camic, k'atal tak tzij xukuje' e c'amal tak be pa Israel, ix ri itzel quiwil wi ri suq'uilal quijech'obisaj c'ut ronojel ri colom c'olic.

Ri Isaiy 1:2

Caj xukuje' ulew, chitampe' ri cubij ri Ajawaxel: “Xebenq'uiyisaj alc'ualxelab c'ä xenimar na, xa c'u xquiyac quib chwij.