Ri Malaquiy 4:6 - Quiché Bible

⁶ Cuban c'u na ri are' chi ri tataxelab xukuje' ri alc'ualaxelab quebutzir na, quequich'abela' na quib. We ta c'u mat jewa' quinpe na quinc'äjisaj c'u na u wäch ri culew, quinsachisaj c'u na u wäch chnimalaj ronojel.”

Ri Malaquiy 4:6 Referans Kwoze

Ri Isaiy 11:4

Cuk'at na tzij ruc' suq'uil paquiwi' ri tukarib, cuto' na qui wi' ri mebayib ri e c'o pa ri tinimit. Ri e u tzij are cäc'äjisan na u wäch ri man cuchomaj ta ri cubano, ruc' ri ruxlab cucämisaj na ri aj etzelal.

Ri Daniel 9:11

Ronojel Israel man xunimaj taj ri tijonic la, xuk'il c'u rib che qui nimaxic tak ri e takanic la; rumal ri' e kajinak pakawi' ri c'okobal xukuje' ri chi'nic ri kas cäban na ri e tz'ibatal chupam ri u pixab ri Moises, ri pataninel ech la rumal rech chi uj macuninak chwäch la.

Apocalipsis 19:15

Pa ri u chi' quel wi jun t'ist'icalaj ch'ich' re ch'o'j, che qui soquic ri nimak tak tinimit. Ri are' cätakan paquiwi' ruc' jun bara' re räx ch'ich'. Cutac'alej ri pitz'bal uva re ri u wa'l uva re ri royowal ri Dios aretak cuc'äjisaj qui wäch tak ri tinimit rumal ri Dios ri c'o ronojel cuinem ruc'.

Ri Lucax 1:76

Are c'u ri at alaj nu c'ojol, k'axal u tzij ri Dios aj chicaj catuchix na. Rumal rech chi catnabej na chuwäch ri Ajawaxel, che qui suc'umaxic ri u be.

Ri Isaiy 65:15

Ri e cha'tal wumal quequicoj na ri e i bi' che c'okonic xukuje' che u rayixic cämical paquiwi' niq'uiaj chic, are c'u ri e pataninelab tak wech quinq'uex na ri qui bi'.

Ri Isaiy 61:2

che u tzijoxic ri utzalaj junab rech ri Ajawaxel, ri k'ij aretak ri ka Dios cuya' na ri rajil c'axelal chque ri qui banom qui c'ulel chke. In u takom che u cu'bisaxic qui c'u'x conojel ri quebisonic,

Apocalipsis 22:3

Man c'o ta jun jasach chila' ri c'o ta chuxe' c'okobal. Ri u tem ri Dios re ajawibal, xukuje' ri re ri Alaj Chij, quec'oji' na chupam ri nimalaj tinimit. Ri e u pataninelab cäquiya' na k'ijilanic che.

Ri Zacariy 14:12

E are' tak c'ut ri nimak tak tinimit ri e qui tijom qui chuk'ab e ch'ojaninak c'ut ruc' ri Jerusalen, ri Ajawaxel co ri u c'äjisaxic qui wäch cuban na: ri e u winak quek'ay na ri qui ti'jal, quebek'ay c'u na tak ri qui bak'wäch chquipam tak ri qui julil xukuje' ri cak' pa qui chi'.

Ri Zacariy 14:2

Pa ri k'ij ri' ri Ajawaxel quebumulij na conojel tak ri nimak tak tinimit, rech quech'ojin ruc' ri Jerusalen. Cach'äc c'u na ri tinimit, catolobax na ri u pa tak cachoch, quek'oyi na ri achijab cuc' ri e ixokib, quec'am c'u na bic pa niq'uiaj chque conojel ri winak ri e c'o chupam ri tinimit. Xuwi ri quieb oxib quecanaj na canok chupam.

Ri Zacariy 13:8

Quecäm na quieb roxil ri winak ri e jekel chupam we ulew ri': xuwi cac'asi' canok ri jun roxil chque. Are c'ut we jun roxil ri' ri cacanajic quinban na che chi coc'ow chupam ri k'ak'; quinch'ajch'obirisaj na jacha' ri cäban che ri sak puak, quinpilimarisaj na jacha' ri cäban che ri k'an puak. C'äte c'u ri' ri e are' quetz'onon na chwe, are c'u ri in quinya' na ri caquitz'onoj chwe. ‘Nu tinimit’, quincha' c'u na chque, ri e are' caquitzelej na u bixic: ‘Ri Ajawaxel are' ka Dios.’ In, ri Ajawaxel, quinya' ri nu tzij.”

Ri Zacariy 5:3

Xubij c'u chwe: “Chupam tz'ibatal wi ri c'okobal ri curik ronojel ri ulew. Je jas ri tz'ibatal chupam ri caperajil, man c'o ta jun ri chuban ta eläk' o xak ta lok' chuban ri chi'nic ri kas cäban na ri ma ta chi c'äjisax u wäch.

Ri Isaiy 43:28

ri e a k'atal tak tzij xquitz'iloj ri wachoch, rumal ri' xinya' be chi ri Israel, ri u tinimit ri Jacob, chi cäyojixic xukuje' cäyok'ic.”

Ri Isaiy 24:6

U mac ri' jun c'okonic q'uisowinak tzij puwi' ri uwächulew, ri winak ri e c'o chuwäch caquicoch' ri c'äjisabal wächaj. Rumal ri' benak qui q'uisic ri winak re ri uwächulew, man e q'ui ta chic ri e canajinak.

Marcos 11:21

Xnataj c'u che ri Lu', xubij che ri Jesus: “Ajtij, chilampe la. Ri u che'al higo ri xc'okoj la, chaki'jaric chic.”

Ri Matey 22:7

Ri ajawinel, aretak xuto, xpe royowal. Xebutak bic ri rajch'ojab, xequicämisaj ri cämisanelab ri', xequiporoj ri qui tinimit.

Ri Zacariy 11:6

Je c'u quenbana' na, mawi in quel ta chi na nu c'u'x chque ri winak ri e jekel chupam we ulew ri', xane' quebenjacha' na chquijujunal pa u k'ab ri rajil u tz'akat xukuje' pa u k'ab ri rajawinel. We winak ri' caquisachisaj na u wäch ri ulew, man c'o ta c'u jun quinto'tajisaj ta na can pa qui k'ab. In, ri Ajawaxel quinjiquiba' u bixic.”

Hebreos 6:8

We c'u ri ulew cuya' q'uix xukuje' tzacam, ruc' ri u wächinic k'alaj chi man utz taj, c'o c'u chuxe' c'okonic. Chuq'uisbalil cäporox na.

Ri Isaiy 40:3

Jun cowilaj ch'abal xtatajic: “Chisuc'umaj jun be che ri Ajawaxel pa ri chaki'j uwo sak, chijuch'u' jun jicomalaj be ri quiya', che ri ka Dios, pa ri ulew ri man cäwächin taj.