Ri Malaquiy 4:3 - Quiché Bible

³ Pa ri k'ij ri' ri cätajin quinsuc'umaj, ri ix quebitac'alej na ri e banal tak etzelal jacha' ta ne chi e puc'uc' ulew.

Ri Malaquiy 4:3 Referans Kwoze

Ri Job 40:12

Je, chebakasaj pa ulew ruc' ri qui ca'yexic awumal, chebaxak'alej ri banal tak etzelal jawije' ri e c'o wi.

Romanos 16:20

Ri Dios aj jamaril, cuban na' chi cuxak'alej ri Satanas chuxe' ri iwakan. Ri u tok'ob ri Ajawaxel Jesus quixtewichinic.

Ri Malaquiy 3:17

Ri Ajawaxel ri c'o ronojel u cuinem je cubij wa': “Cätajin quincolomaj jun k'ij aretak ri e are quebux chi na nu tinimit. Jacha' jun tataxel ri quel u c'u'x che ri u cojol ri capatanix rumal, je u tok'obisaxic qui wäch wa' quinban na.

Ri Zacariy 10:5

Quebux na e jacha' ta ne ajch'ojab ri caquixak'alej ri t'ac xo'l tak ri ja; caquicoj na qui chuk'ab rumal rech chi c'o ri Ajawaxel cuc', caquesaj c'u na qui q'uixbal tak ri ajquiejab.

Ri Miquey 7:10

Cäril c'u na ri u banom u c'ulel chwe, are c'u wa' cach'ukuw na che q'uixbal. Ri are' ri u bim ulok chwe: “¿Jawije' c'o wi ri a Dios?”, are c'u ri camic quinrik na ri quicotemal che rilic xak'alem jacha' ri t'ac ri c'o xo'l tak ri ja.

Ri Miquey 5:8

Chquixo'l c'ut ri e q'ui nimak tak tinimit, ri e to'tajinak can che ri u tinimit ri Jacob cux na jacha' jun coj chquixo'l ri juyubal tak awaj, jacha' jun coj chquixo'l jumulaj chij, chi aretak queboc'owic quebujiso, quebut'okopij, man cuya' ta c'u c'olbal chi man c'o ta jun cäto'taj ta ri u c'aslemal.

Ri Isaiy 26:6

cäxak'alex c'u na pa ulew cumal ri mebayib xukuje' ri man nimak ta qui k'ij.”

Apocalipsis 14:20

Xepitz' c'u ri uva chrij ri tinimit. Xel c'u bic quic' pa ri pitz'bal uva ri xak'an c'ä pa ri jiq'uibal u pa qui chi' ri quiej, xetakal c'ä pa oxc'al quieb (62) legua.

Apocalipsis 11:15

Ri uwuk tako'n aj caj xrok'esaj ri u trompet. Xepe nimak tak ch'abal chicaj, ri xquibij: “Ri e ajawibal re ri uwächulew e rech chic ri Kajaw xukuje' e rech chic ri u Crist. Cajawin c'u na puwi' ronojel amak'el chbe k'ij sak.”

Ri Daniel 7:27

Ri ajawinic, ri cuinem xukuje' ri juluwem que conojel ri ajawibal ri e c'o cho ri uwächulew, queya' na che ri u tinimit ri Dios aj chicaj. Ri rajawinic cäjeki' na chbe k'ij sak, conojel c'u ri tinimit re ri uwächulew quepatanin na che xukuje' queniman na che.’

Ri Daniel 7:18

Chwi chi c'u wa' ri ajawibal pa u k'ab ri u tinimit ri Dios ri sibalaj aj chicaj, cux c'u na rech ronojel ri chbe k'ij sak.’

Ri Ezequiel 28:18

Sibalaj e q'ui ri macaj xebabano. Sibalaj c'u xatchuwir ruc' ri a c'ay, chi xebatz'iloj tak ri e cachoch tak ri e a dios. Xinban c'ut chi caq'uiy pa a niq'uiajil jun kak' ri catubik'o. Conojel cuya' queca'y chawe chi at pol cho ri ulew atuxinak chäj.

Ri Isaiy 25:10

Ri u k'ab ri Ajawaxel are cäto'w na ri juyub Sion, cuxak'alej c'u na ri Moab jacha' ri u xak'alexic ri pajo ri q'uiakom pa ri mes.

Salmib 91:13

Catcuinic catbin chquixo'l tak coj, chquixo'l jilijak tak awaj xukuje' tak cumätz'.

Ucab Samuel 22:43

¡Xebenque'j xebux c'u puc'uc' ulew! ¡Xeben xak'alej jacha' ri t'ac xo'l tak ri ja!

Chapletajic 3:15

Quinban na chi ri at xukuje' ri ixok, quic'ulelaj na iwib, junam xukuje' ri awija'lil ruc' ri rija'lil. Ri rija'lil cuwach' na ri a jolom, are c'u ri at cacatz na ri u xe' rakan.”

Ucab Samuel 22:39

¡Xinsachisaj qui wäch! ¡Xinban ch'akatak chque! Man xewalij ta chic: ¡xetzakic xebentac'alej!

Salmib 49:14

Chque we winak ri', ri cämical are ajyuk' ri quec'amow bic pa ri mukubal e je ta ne chij. Aretak cäpe ri ak'abibal, ri e utz quech'äcan na paquiwi'; ri qui chuk'ab cäbe na u q'uisic are c'u ri mukubal are qui jekelibal.

Juyuwem 1:15

Ri Ajawaxel naj xebuq'uiak wi chwe conojel tak ri e c'o qui chuk'ab ri caquito' nu wi'. Xuq'uiak juk'at ajch'ojab panuwi', che u q'uisic tzij paquiwi' ri cowilaj tak wachijab. ¡Ri Ajawaxel u xak'alem ri k'apojalaj Juda jacha' ri cäban che qui xak'alexic tak ri uva che resaxic ri u wa'l!

Salmib 147:6

Ri Ajawaxel cuya' qui k'ij ri e mach'amoj, quebuxucule'j c'ut ri e banal tak etzelal cho ri ulew.