Ri Malaquiy 4:2 - Quiché Bible

² Are c'u ri ix ri nim quiniwil wi, ri nu suq'uilal cajuluw na chiwe jacha' ta ne ri chaj ri cuya' ri k'ij, ri quebuc'am ulok rutzil wächaj chquipam tak ri e u tun. Are c'u ri ix quixch'opin na che quicotemal e jacha' ri alaj tak ama'ib wacax ri quebel ulok chupam ri qui warabal.

Ri Malaquiy 4:2 Referans Kwoze

Ri Jeremiy 33:6

Quebencunaj c'u na, quinya' na ri rutzil qui wäch quinban c'u na chi ruc' nim ilic quec'oji' na pa jamaril xukuje' ruc' jiquiban c'uxaj.

Salmib 84:11

Rumal rech chi ri Dios ri Ajawaxel cujutunuj xukuje' cujuch'uku; ri Ajawaxel quebulok'ok'ej, xukuje' nim queril wi ri man c'o ta qui bach'uyal, man cuk'il ta qui ya'ic ri utzalaj tak jastak chque.

Ri Isaiy 30:26

Ri Ajawaxel cucunaj na xukuje' cubotz' na ri u socotajic ri u tinimit. Ri ic' xak junam cätunun chic ruc' ri k'ij, ri u tun ri k'ij cux na wukub mul ri u chuk'ab, jacha' ri qui tun wukub k'ij ri junam quetununic.

Ri Lucax 1:78

Je cuban ri ka Dios rumal rech chi sibalaj quel u c'u'x chke, rumal wa' cäpe na Jun chicaj je jas ri k'ij ri quel ulok nim a k'ab.

Ri Xuan 8:12

Ri Jesus xebutzijobej chi jumul ri winak, xubij: “In ri' ri u chäj ri uwächulew. Apachin ri quinuterenej, man cäbin ta pa k'eku'm, xane' cäc'oji' na ri chäj re c'aslemal ruc'.”

Ri Isaiy 53:5

Xsoc qui mac quech ri e ka c'ulelanic, xban c'ax che qui mac quech ri ketzelal ri c'äjisabal wächaj ri xuriko xuc'am ulok jamaril chke, cumal ri e u socotajic cakarik rutzil ka wäch.

Ri Malaquiy 3:16

(Ri nim caquil wi ri Dios xquitzijobela' c'u tak quib, are c'u ri Ajawaxel xoc il che u tatabexic ri caquibij. Chuwäch c'ut ri Ajawaxel xtz'ibax wi jun wuj, ri quenatax wi ri nim caquil wi ri Ajawaxel man c'u casach ta pa u jolom).

Apocalipsis 22:16

“Ri in Jesus nu takom bic ri nu tako'n aj caj che qui k'alajisaxic we jastak ri' chiwäch che qui ya'ic pa tak ri comon cojonelab. In ri' ri u xe'al xukuje' ri rija'l ri David. In ri' ri ch'imil ri cäjuluw pa ri sakaribal.”

Ri Xuan 1:4

Pa ri are' c'o wi ri c'aslemal, ri c'aslemal are ri u chäj ri winak.

Ucab Samuel 23:4

Cux na jacha' ri sak ri cäpe chuxe' ri caj, aretak cäpe u sakaric. Jacha' ri u sakil ri k'ij pa jun u sakaribal aretak man e c'o ta sutz', ri cubano chi caq'uiy ri k'ayes aretak coc'ow ri jäb.’

Apocalipsis 22:2

Pa u niq'uiajil c'ut ri u be ri nimalaj tinimit xukuje' che ri quieb u chi' ri nima' c'o wi ri che' re c'aslemal. Cuya' cablajuj u wäch, cäwächin chi ic'. Ri e u xak ri che' quecoj na che qui cunaxic ri nimak tak tinimit.

2 Pedro 1:19

Xukuje' c'o can ri qui tzij ri k'axal tak tzij kuc', ri sibalaj co tiquitoj, man cäq'uextaj taj. Are c'u utz we kas quitatabej ri tzij, ri je jas jun chäj ri cäjuluw pa jun k'ekumalaj c'olbal, c'ä aretak cäsakaric, c'ä quil na ulok ri ch'imil re u sakaric pa ri iwanima'.

Ri Rut 2:12

¡Are' ri Dios cäyo'w na rajil u c'axelal chawe! ¡Are' ba' ri Ajawaxel ri u Dios ri Israel ri a tzucum wi to'bal awib, chattojowok rumal ronojel ri a banom!”

Apocalipsis 2:28

Quinya' na ri ch'imil chque aj u sakaribal.

Salmib 147:3

Ri are' quebucunaj ri pak'pobinak canima', quebubotz' c'u ri qui socotajic.

Salmib 103:3

Are' ri quecuyuw conojel tak ri wetzelal; are' ri quecunan conojel tak ri e nu yabilal;

Ri Matey 11:5

Ri moyab, queca'yic chic. Ri ch'ocojib quebin chic. Ri c'o ch'a'c chquij quecunatajic. Ri man queta'm taj, queta'm chic. Ri cäminakib quec'astajic. Chque ri mebayib cätzijox wi ri utzalaj tzijol.

Ri Isaiy 35:6

ri man tz'akat ta cäkan qui k'ab quech'opin na jacha' ri masat, ri memab cäquirak na qui chi'. Chupam ri chaki'j uwo sak, chaki'j ulew, quel wi na ulok ja' jacha' nima'.

Hechos 26:18

rech quebajak ri qui bak'wäch; rech quebel pa ri k'ek'um, quek'ax pa ri sakil; rech quebel chuxe' ri u cuinem ri Satanas, quek'ax ruc' ri Dios; rech cäquic'am jun quechbal cuc' ri banom tastalic tak winak chque rumal cojonic chwe in.’ ”

Hechos 13:47

Are c'u wa' ri uj u takom wi ri Ajawaxel, xubij: At nu cojom che chäj chque ri nimak tak tinimit, rech catzijoj chque conojel ri winak cho ri uwächulew, pune' e c'o sibalaj naj, chi cuya' quecolotajic.”

Ri Xuan 9:4

Rajawaxic chi quinban ri u chac ri xintakow ulok, c'ä c'o ri k'ij. Cäpe ri ak'ab aretak man c'o ta jun cäcuinic cächacunic.

Ri Osey 6:3

¡Ka tija' ka k'ij che retamaxic u wäch ri Ajawaxel! Ri Ajawaxel cäpe na kuc', kastzij jacha' ri relic ulok ri k'ij, kastzij jacha' ri u ja'xic ri uwächulew rumal ri jäb pa ri u q'uisbal ri junab xukuje' pa ri u chaplebal ri junab.

Ri Osey 6:1

Tisaj iwonojel chujtzelej c'u ruc' ri Ajawaxel. Are' xujmuchuwic cujrutzirisaj c'u na xukuje'; xujusoco, cujucunaj c'u na xukuje'.

Ri Ezequiel 47:12

Che ri quieb u chi' ri nima' queq'uiy na ronojel qui wäch tak che' ri quequiya' qui wächinic. Ri e qui xak mawi jumul quepulpubic, mawi c'u quequitanaba' ta u ya'ic wächinic. Chujujun tak ic' quequiya' wächinic, rumal rech chi quejabux rumal ri ja' ri elinak ulok chupam ri Rachoch Dios. Ri e qui wächinic tak quebajwataj che k'obisabal e are tak c'ut ri qui xak quebajwataj che cunabal.”

Ri Isaiy 50:10

Ix ri nim quiwil wi ri Ajawaxel xukuje' quitatabej ri u ch'abal ri pataninel rech: we quixbin pa ri k'eku'm, man c'o ta jubik' i chaj, chicu'ba' i c'u'x chrij ri Ajawaxel; chitok'ej iwib che ri i Dios.

Ri Isaiy 9:2

Ri tinimit ri cäbin pa k'ekumal xril jun nimalaj sakil jun sakil xjuluwic chque ri e jekel pa k'ekumal.

E C'ambal tak Tzij 4:18

Ri qui be ri suc'alaj tak winak junam ruc' ri u sakaribal jun c'ac' k'ij: ri cäbe u q'uiyic c'ä cäjuluw na pa ronojel ri u juluwem.

Salmib 85:9

Kastzij, ri Dios sibalaj nakaj c'o wi, che qui colic ri queyo'w u k'ij; ri u juluwem cäjeki' pa ri ka tinimit.

Salmib 67:1

Nu Dios, chel c'u'x la chke xukuje' chujtewichi'j la; utz kilic chbana' la,

Apocalipsis 11:18

E ch'ujarinak c'u ri nimak tak tinimit, petinak c'u ri oyowal la, xukuje' ri k'ij aretak cäk'at la tzij paquiwi' ri cäminakib, xukuje' aretak cäya' la ri tojbal que ri pataninelab ech la ri e k'axal tzij, que ri tastalic tak winak, xukuje' que ri nim cäquil wi ri bi' la, chi ch'utik chi nimak. Xopan ri k'ij aretak cäsach la qui wäch ri quesachow u wäch ri uwächulew.”

1 Juan 2:8

Are', c'u wa, ri quintz'ibaj bic chiwe are jun c'ac' takomal. Ri kastzij pa ri Crist xukuje' pa ri i c'aslemal ix, rumal rech chi oc'owem cuban ri k'eku'm, cäjuluw chi ri kas sakil.

2 Pedro 3:18

Chixq'uiy ba' pa ri u tok'ob xukuje' pa ri retamaxic u wäch ri Kajaw xukuje' ka Colonel Jesucrist xukuje' c'ä pa tak ri k'ij junab chbe k'ij sak. Je chbanok.

2 Tesalonicenses 1:3

Kachalal, rajawaxic chi amak'el cujmaltioxin che ri Dios rumal iwech. Rumal rech chi cätajin cäq'uiy ri i cojonic xukuje' cätajin cänimar ri lok'ok'ebal i c'u'x chbil tak iwib.

Ri Xuan 1:14

Ri Tzij xuc'am ri qui banic winak, xc'oji' chkaxo'l. Xkil ri u juluwem, jacha' ri u juluwem ri xa jun chi C'ojolaxel ri elinak ulok ruc' ri Tataxel, nojinak che tok'ob xukuje' kastzij.

Ri Xuan 1:8

Ri are' man are ta ri chäj, xane' c'o che u k'alajisaxic ri chäj.

Ri Lucax 2:32

Are je jas jun chäj che u k'alajisaxic ri tzij la chquiwäch ri man aj judeyib taj. Rumal c'u ri are' cänimarisax na qui k'ij ri winak aj israelib.”

Ri Lucax 1:50

Ri are' quel u c'u'x chbe k'ij sak chque conojel ri winak ri cäquixe'j quib chuwäch.

Ri Matey 23:37

“¡Jerusalen, Jerusalen, ri quebacämisaj ri k'axal tak tzij, ri xebabuc' che abaj ri quetak ulok awuc'! ¡Q'ui mul xinwaj xebenmulij ri awal, je jas ri ec' quebumulij ri alaj tak ral chuxe' ri u xic', man xawaj ta c'ut!

Ri Jeremiy 17:14

Chincunaj la, Ajawaxel, quincunataj c'u na; chincolo' la, quincolotaj c'u na, xuwi c'u ri lal quink'ijilan che la.

Ri Isaiy 49:6

jewa' cubij: “Man cuban ta wa' chi catux at pataninel wech xuwi rech quebawalijisaj ri e ramak' ri Jacob, xukuje' rech quebatzelej ulok ri aj israelib ri e to'tajinak canok; in quinban na chi catux chäj chque tak ri nimak tak tinimit, rech cac'am bic ri colobenic ri quinya'o c'ä pa tak ri c'olbal naj cho ri uwächulew.”

Hechos 13:26

“Wachalal, ix ri ix rija'l ri Abraham, xukuje' c'u ri ix, ri man ix ka winakil taj ri quixe'j iwib chuwäch ri Dios: we tijonic ri' re colobal ib iwech wa ix.

Ri Xuan 12:40

“Ri Dios xumoyirisaj ri qui bak'wäch, xuban co che ri canima' rech man cäquil ta ruc' ri qui bak'wäch, rech man cäquich'ob ta pa ri canima', mawi quetzelej ta wuc', mebencunaj c'ut.”

Salmib 61:5

Lal, nu Dios, e tatabem tak la ri e nu chi'nic, yo'm c'u la chwe ri quechbal ri nim caquil wi ri bi' la.

Ri Jeremiy 30:17

Quintzelej na ri rutzil a wäch, quebencunaj na ri e a socotajic, pune' ta c'u ne caquibij ri cäquiban qui c'ulel chawe: ‘Ri Sion malabam canok, man c'o ta jun coc ta il che.’ In, ri Ajawaxel quinjiquiba' u bixic.”