Ri Malaquiy 4:1 - Quiché Bible

¹ Ri Ajawaxel ri c'o ronojel u cuinem je cubij wa: “Canakajin ri k'ij, ri canicowic jacha' jun jorno, ri quenicow wi na conojel ri caquiban nimal xukuje' ri e banal tak etzelal jacha' ri pajo chupam jun poro'n. Ri k'ij ri' ri cäpe na quebujarisaj na, man c'o ta c'u cacanaj na chque.

Ri Malaquiy 4:1 Referans Kwoze

2 Tesalonicenses 1:8

cutoj na u q'uexel chque ri man queta'm ta u wäch ri Dios, ri man queniman ta che ri u tzij ri Kajaw Jesus re colobal ib.

2 Pedro 3:7

Are c'u ri caj ulew ri e c'o camic, e chajin rumal ri u tzij ri Dios c'ä pa ri k'ij re k'atoj tzij, queporox c'u na, aretak cäsach na qui wäch ri winak ri man cäquiya' ta u k'ij ri Dios.

Ri Malaquiy 3:2

¿Jachin ta c'u lo ri cacuinic cuk'i' ri k'ij re ri u petic? ¿Jachin ta c'u lo ri cacuinic cutac'aba' rib? Copan c'u na jacha' jun k'ak', che ka ch'ajch'ojirisaxic; cux na jacha' jun ch'ipak ri queresaj na tak ri e ka tz'ilol.

Ri Isaiy 47:14

Chebawila' c'ut, xak e junam ruc' ri pajo ri k'ak' quebik'owic, man quecuin ta cäquito' quib chuwäch ri rak' ri k'ak'. Rumal rech chi man k'ak' taj re rachak k'ak' ri cät'uyi jun chuwäch che u mik'ic rib.

Ri Isaiy 5:24

Rumal ri', jacha' ri k'ak' ri cuporoj ri pajo, xukuje' ri rak' k'ak' cuchajirisaj ri chaki'j tak u xak che', jewa' xukuje' ri u sachic i wäch, jacha' ri tico'n ri cäk'ay ri qui rab, cätuquin ri qui cotz'ijal jacha' ri puc'uc' ulew. Rumal rech chi man nim ta xiwil wi ri u tijonic xukuje' ri u takanic ri Ajawaxel ri c'o ronojel u cuinem, ri Tastalicalaj u Dios ri Israel.

Ri Abdiy 1:18

ri e rija'lil ri Jacob xukuje' ri e rech ri Jose quebux na k'ak' xukuje' rak' k'ak', e are tak c'ut ri e rija'lil ri Esau e chaki'j tak u xak che' ri quebujarisaj na we k'ak' ri'. ¡Mawi jun chque ri aj e Esau queto'taj ta na! In, ri Ajawaxel, nu bim.”

Ri Malaquiy 3:15

Ri uj kilom chi ri quequiban tak nimal sibalaj utz qui taklebem, xukuje' chi ri e banal tak etzelal utz quebel ri jastak chquiwäch, caquic'ambejej c'ut ri Dios man c'u c'o ta jun etzelal cäpe paquiwi'.’ ”

Ri Soponiy 1:18

Pa ri k'ij re ri nimalaj royowal ri Ajawaxel, man cäto'tajisax ta na ri winak mawi rumal ri u sak puak mawi rumal ri u k'an puak, ri u k'ak'al c'ut ri royowal ri Ajawaxel cäjarisan na ronojel ri uwächulew. ¡Conojel ri winak ri e jekel cho ri uwächulew cäsachisataj na qui wäch xa' pa jun jok'otaj!

Ri Job 18:16

Jacha' jun che' ri e chaki'jarinak tak ri u c'amal ri e yututurinak tak ri e u k'ab.

Ri Lucax 21:20

Aretak quiwil ri Jerusalen sutim rij cumal ajch'ojab, chich'obo' chi chanim cäsach na u wäch.

Ri Lucax 19:43

Quepe c'u na k'ij pawi', aretak ri e a c'ulel cäquiyac na jun k'atibal chawij, cäquisutij na awij, catquilatz'obisaj na pa ronojel c'olbal.

Ri Matey 3:12

C'o ri u jopibal pa u k'ab, ri trico xukuje' cutas che ri pajo. Cuc'ol c'u na ri u trico pa ri u c'uja, cuporoj c'u na ri pajo pa ri k'ak' ri mawi jubik' cächupic.”

Ri Malaquiy 4:5

Chiwila' ix: Quintak bic ri k'axal nu tzij chiwe ri Eliy, c'a majok chopan ri u k'ij ri Ajawaxel, ri cux na jun nimalaj k'ij xukuje' xibibal.

Ri Malaquiy 3:18

C'äte c'u ri' ri ix quich'ob chi na jumul ri jalbem ib ri c'o chuxo'l ri utz xukuje' ri lawaloyil, chuxo'l ri cak'ijilan che ri Dios xukuje' ri man cak'ijilan ta che.”

Ri Zacariy 14:1

Petem cuban ri u k'ij ri Ajawaxel, aretak ri quebatokij, Jerusalen, quejach na chawäch.

Ri Soponiy 1:14

¡Nakaj chic c'o wi ri nimalaj u k'ij ri Ajawaxel! ¡Nakaj chic c'o wi, aninak petinak! Ri u tininem ri u k'ij ri Ajawaxel kas c'a na: ¡xukuje' c'u ne ri sibalaj e c'o na qui chuk'ab caquirak na qui chi'!

Ri Nahum 1:10

Ix jacha' q'uix ri qui quemom tak quib, jacha' ri chaki'j u xak k'ayes, kas quixporox na.

Ri Joel 2:1

Chiwok'isaj ri trompet chupam ri juyub Sion; chiya' ri u bixic chupam ri tastalic u juyub ri Ajawaxel. Chebirbot conojel ri e jekel pa Juda, rumal rech chi nakaj chic c'o wi ri u k'ij ri Ajawaxel;

Elem 15:7

Ruc' ri nimalaj chuk'ab la xebe xak'alej la ri xquiyac quib che c'ulelaxic la; xnicow ri oyowal la, xechajir c'ut jacha' ri pajo.

Ri Joel 2:31

Ri k'ij cux na k'ekumalil, ri ic' cux na quic' c'ä majok chopan ri u k'ij ri Ajawaxel, nimalaj k'ij xukuje' xibibal.”

Ri Amos 2:9

Are c'u ri in, che u jakic ri be chiwäch, xinsachisaj qui wäch ri aj amoreyib; xinsachisaj qui wäch chi nimalaj conojel, pune' sibalaj e jutak tac'aj e jacha' ri chacalte' e co e jacha' ri bakit.

Ri Ezequiel 7:10

¡C'o we k'ij ri'! ¡Ulinak chic! ¡Ulinak ri sachbal wächaj! Ri etzelal cäch'äcan pa conojel tak ri c'olbal sibalaj man ch'ijtajel ta chic ri etzelal ri cabanic.

Ri Isaiy 41:2

¿Jachin xbanowic chi xc'utun pa elebal k'ij we ajawinel ri' ri amak'el quel ulok ruc' ch'äcanem? ¿Jachin quejachow ri nimak tak tinimit pa u k'ab cuban c'ut chi ri ajawinelab caquimach' quib chuwäch, rech ruc' ri u ch'ich' re ch'o'j xukuje' ri u q'uiakbal ch'ab quebujabuj c'ut jacha' ri pajo?

Ri Isaiy 40:24

Xak e junam cuc' ri alibaj tak tico'n ri c'äte qui tiquic, ri c'äte jubik' benak ri qui rab pa ri ulew. We ri Dios cuxlab paquiwi' queyututiric, quec'am c'u bic rumal ri salc'um jacha' pajo.

Salmib 119:119

Ri e banal tak etzelal ri e c'o cho ri uwächulew xa e mes chwäch la; rumal ri' quebenlok'oj ri e takomal la.

Ri Lucax 6:23

Chixquicot pa ri k'ij ri', chixch'oplin ruc' quicotemal. Chiwilampe', nim na ri tojbal iwe pa ri caj. Je c'u c'ax wa' xquiban ri qui mam we winak ri' chque ri e k'axal tak tzij.

Ri Isaiy 9:18

Ri etzelal cuban nimak tak c'ax jacha' ri cuban jun k'ak' ri cusach u wäch ri q'uix xukuje' tak ri k'ayes, xukuje' man c'ax ta cuban che qui poroxic tak ri che' ri e c'o pa ri c'ache'laj, quebuq'uiak chicaj pa ri quiakik' pa ri u chuk'ab ri sutinel sib.

Ri Isaiy 9:19

Rumal ri royowal ri Ajawaxel ri c'o ronojel u cuinem ri tinimit cätajin cänicowic, ri k'ak' cusach u wäch ri tinimit cäquitij ri qui ti'jal ri calc'ual, man quel ta qui c'u'x chque ri cachalal. Waral c'o jun ri cubik'ila' ri u wa, cäcanaj c'u ruc' numic, c'o chi apan jun jela' ri cäwa'ic man cänoj ta c'ut.

Ri Ezequiel 20:38

Quebenwesaj na chixo'l ri man ch'abexic ta cäcaj ri ulew cätajin quebin wi; man queboc ta c'u na wa' pa ri rulew ri Israel. C'äte c'u ri' quich'ob na chi in ri' ri Ajawaxel.

Ri Ezequiel 21:32

Catporox na, catyojix na; ri a quiq'uel cäbin na pa ronojel ri ulew man c'o ta chi c'u jun catnatanic. In, ri Ajawaxel, nu bim.”

Ri Ezequiel 24:11

Chacojo' c'ut ri t'uy puwi' ri k'ak' man c'o ta u pam caya', c'ä caquiekar na ri q'uiak ch'ich' puwi' ri k'ak' chjosk'itaj c'ut ri e u tz'ilol; ¡C'ä cäsach na ri pus!

Ri Ezequiel 34:17

In, ri Ajawaxel quinbij: Chixtatabenok nu chij: Quenbana' na suq'uilal chquixo'l ri alaj tak chij cuc' ri alaj tak quisic'.

Ri Malaquiy 3:3

Ri Ajawaxel cut'uyuba' na rib che qui josk'ixic tak ri e cojol tabal tak tok'ob, ri e rija'lil ri Levi, jacha' ta ne ri cuban ri ch'ajal sak puak xukuje' k'an puak chupam ri k'ak'. Aretak c'u cabantaj wa' ri e are cuya' caquicoj ri qui sipanic chuwäch ri Ajawaxel, jacha' ri takal u banic cumal.

Salmib 37:9

Kastzij, ri e banal tak etzelal quebesax na bic pa ri ulew, e are c'ut ri qui cuban qui c'u'x chrij ri Ajawaxel cäquechbej na ri uwächulew.