Ri Malaquiy 3:5 - Quiché Bible

⁵ Ri Ajawaxel ri c'o ronojel u cuinem cubij. “In quinpe che u k'atic tzij piwi' ix. Xukuje' quinux c'u na k'alajisanel che qui c'ulelaxic tak ri quequiban tak itzinic, ri quekaj pa mac ruc' jun winak chic, ri xak lok' cäquiban ri chi'nic ri kas cäban na, ri quequiban c'ax chque ri ajchaquib, chque ri malca'nib xukuje' chque ri minorib, ri caquiban lawaloyil chque ri man e qui winakil taj xukuje' ri man nim ta quinquil wi.”

Ri Malaquiy 3:5 Referans Kwoze

Hebreos 13:4

Iwonojel nim chiwila' wi ri c'ulanem. Mitz'iloj ri c'ulanem, ri Dios cuk'ata' c'u na tzij paquiwi' ri quemacun cuc' ixokib achijab, xukuje' ri quekaj pa mac cuc' niq'uiaj chic.

U Camulixic ri Pixab 5:11

Itzel u cojic u bi' ri Ajawaxel ri a Dios mabano, ri are' man cuya' ta can ri winak chi ma ta cuc'äjisaj u wäch jachin ri itzel u cojic ri u bi' cubano.

Santiago 5:4

Chiwilampe', ri puak, ri man tz'akat taj ri i yo'm chque ri ajchaquib ri xeyicow qui wäch ri e iwulew. We puak ri' cätajin quixuc'okoj; are' c'u ri Ajawaxel ri c'o ronojel u cuinem u tom ri qui tzujunic we ajchaquib ri'.

Ri Malaquiy 2:14

¿La c'ä quixc'otow c'u chi'aj ix jasche? Rumal c'u rech chi ri Ajawaxel are' k'alajisanel chi ri at man a tz'akatisam taj ri chi'nic ri xaban che ri awixokil ri xat c'uli' ruc' aretak c'ä at ac'al. ¡Are' c'u awachil canok, a re c'u ri at xachi'j jiquil che!

U Camulixic ri Pixab 27:19

‘C'okotajinak ri winak ri cuban jun jasach ri man suc' ta che jun winak ri man u winakil taj, o che jun malca'n, o che jun minor.’ Conojel ri tinimit cäquibij na: ‘Je chelok.’

Apocalipsis 22:15

Chquij c'u ri u chi' quec'oji' wi can ri winak ri cäquiban tz'ilalaj tak jastak ri quequiban ri itzinic, ri xak cäcuc'aj quib cuc' achijab ixokib che qui banic macunic, ri cämisanelab, ri quequik'ijilaj tak diosib, xukuje' conojel ri cäkaj ri banoj tzij chquiwäch, ri cäquiban subunic.

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”

Aj Levitib 20:27

Ri achi ri ixok ri c'o jun uxlabal ruc' ri cuban ch'obonic, cäcämisax na; abaj cacämisabex rech, are' ajchak'mac che ri u cämical.”

Aj Levitib 20:6

We c'o c'u jachin jun que cuc' cacojon chque ri uxlabalib xukuje' tak ri ch'obonelab, cutz'iloj c'u rib rumal qui ternexic, quinkasaj na ri woyowal puwi' ri winak ri', xukuje' quinwesaj na ri u bi' chquixo'l ri u winakil.

Aj Levitib 19:13

Macoj ri tokinic che ri awajil a tz'akat, mawi c'o mawelk'aj che. Mäcanaj na jun ak'ab awuc' ri tojbal re ri awajchac.

Ri Malaquiy 2:17

Ri Ajawaxel cosinak chic che i tatabexic; c'ä qui ban c'ut ix ri c'otoj chi'aj: “¿Jas ri ka bim chi cosinak che ka tatabexic?” Are' c'u ri ix i bim chi ri Ajawaxel quekaj chuwäch chi quequiban tak ri etzelal, chi xukuje' caquicot cuc'. ¡Ri ix man quixcojon taj chi suc' ri Dios!

Ri Jeremiy 29:23

U mac rech chi xquiban etzelal pa Israel: xekaj pa tak mac cuc' tak ri quixokil ri cajil quitz'akat, xequibij c'u jastak pa ri nu bi' ri xa' e banoj tak tzij ri man xebentak ta che qui bixic. In, ri Ajawaxel, quinjiquiba' u bixic.’ ”

E C'ambal tak Tzij 16:6

Ruc' lok'ok'ebal c'uxaj, xukuje' kastzij, cäcuy ri macaj; we cäkaya' u k'ij ri Ajawaxel canajtin jun ri' che ri etzelal.

E C'ambal tak Tzij 8:13

Ri u ya'ic u k'ij ri Ajawaxel are' ri retzelaxic u wäch ri lawaloyil. In quinwetzelaj u wäch ri banoj nimal xukuje' ri nimarisan ib, ri itzel be xukuje' ri banoj tzij.

Salmib 98:9

Chuwäch ri Ajawaxel, ri cäpe che u k'atic tzij puwi' ri uwächulew. Cätakan na paquiwi' tak ri tinimit cho ri uwächulew ruc' colomal xukuje' junamil.

Romanos 3:8

Che c'u wa', ¿jas c'u che man cäkabij: “Chkabana' etzelal rech cäpe utzil?” E c'o jujun winak ri cujquiyok'o, cäquibij chi are wa' ri ka tijonic. Takal c'u chque chi cäc'äjisax na qui wäch.

Ri Miquey 1:2

Tinimit tak iwonojel, chitatabej wa'; ri e u winakil conojel ri ulew, kas chixtatabenok: Ri Ajawaxel c'ä pa ri tastalicalaj rachoch, cuya' na k'alajisanic che i c'ulelaxic.

Salmib 96:13

¡Chuwäch ri Ajawaxel, ri cäpetic! ¡Je', cäpe che u k'atic tzij puwi' ri uwächulew! ¡Cätakan na paquiwi' tak ri tinimit cho ri uwächulew ruc' suq'uil xukuje' ruc' kastzij!

Salmib 81:8

Nu tinimit, chatatabej ri nu pixbenic; ¡c'o ta banom wi chi quinanimaj, Israel!

Ri Nehemiy 5:15

E are' tak c'u ri e takanelab ri xec'oji' can nabe chnuwäch, xebux jun eka'n che ri tinimit, k'ij chk'ij caquitok'ij cawinak rakan sak puak che ri rajil qui wa xukuje' che rajil u wa'l qui uva. Xak c'u u tz'akat chic ri e cajchaquib sibalaj c'ax caquiban che ri tinimit. Are c'u ri in man je ta xinbano, rumal rech chi nim quinwil ri Dios.

U Camulixic ri Pixab 24:17

Miban jun jasach ri man suc' ta che ri man e i winakil taj, mawi chque ri minorib, mawi mic'am ri catz'iak ri malca'nib che kajebal jalomal.

Aj Levitib 20:10

We c'o jachin jun achi cäkaj pa mac ruc' ri rixokil ri rajil u tz'akat, ri achi xukuje' ri ixok qui cabichal quec'okox na che cämical.

Elem 18:21

Chebacha' achijab chquixo'l ri winak ri c'o qui no'j, ri cäquina' quib chuwäch ri Dios, ri ch'ajch'oj canima', achijab ri man quequitzucuj taj chäcoj ruc' subunic, chaya' takanic pa qui k'ab paquiwi' jujun mil winak, jujun sient, cawinak lajuj, xukuje' lajujitak.

Elem 1:17

Are c'u ri iyomab xquixe'j quib chuwäch ri Dios, man xquinimaj taj ri u takanic ri ajawinel re Ejipt, xequic'asba' c'u ri alabom.

Chapletajic 42:18

Churox k'ij c'ut xubij ri Jose chque: “Ri in quina' wib chuwäch ri Dios. Chibana' wa' man c'o ta c'u quic'ulmaj na.

Santiago 5:12

Ri sibalaj rajawaxic, wachalal, micoj ri caj o micoj ri ulew pa i tzij che u bixic ri chi'nic ri kas cäban na. Micoj apachique jasach pa i tzij che u bixic ri chi'nic ri kas cäban na. Xane' aretak quibij “je'”, xuwi “je'” chibij. Aretak quibij “man je taj”, xuwi “man je taj” chibij. Chibana' wa' rech man cäk'at ta tzij piwi'.

1 Tesalonicenses 4:6

C'o jun muban c'ax mawi musub ri rachalal pa we jasach ri'. Are' c'u ri Ajawaxel cätojow u q'uexel ronojel wa' che, jas ri ka bim chi ulok, jas ri xkak'alajisaj chiwäch.

Ri Lucax 23:40

Xch'aw ri jun chic banal etzelal, xuyaj ri rachil, xubij che: “¿La mawi ne ri at caxe'j awib chuwäch ri Dios, at ri at c'o chuxe' ri junam c'äjisabal wächaj?

Salmib 36:1

Ri etzelal cuch'abej ri banal etzelal chupam ri ranima'. Mawi jubik' c'ul ta pa u jolom chi rajawaxic cuxe'j rib chuwäch ri Dios.

Chapletajic 20:11

ri Abraham xubij che: “Ri in xinchomaj chi ri winak waral man nim ta cäquil wi ri Dios, chi quinquicämisaj na che u majic ri wixokil.

U Camulixic ri Pixab 18:10

C'o jun chiwe muya' ri u cojol che tabal tok'ob rech cäporox pa k'ak', mawi mutijoj rib che u banic ch'obonic, mäsubun che u bixic ri c'ä maja' cäc'ulmatajic, mawi mujach rib che u banic itzinic

Ri Isaiy 57:3

Chixkeb ulok ix ri ix ral ri itzinel, ix rija'l jun achi ri xak cäkaj pa mac cuc' ixokib, xukuje' ri i nan ri quech nim ch'utin:

Ri Jeremiy 5:2

E c'o jachin tak quequiban ri chi'nic ri kas cäban na rumal ri u c'aslemal ri Ajawaxel, xak c'u lok' quequiban ri chi'nic ri kas cäban na.”

Ri Jeremiy 5:29

¿La ma ta c'u chinc'äjisaj qui wäch cumal we jastak ri'? ¿La ma ta chinya' ri takalic che ri winak ri je cuban wa'? In ri Ajawaxel, quinjiquiba' u bixic.

Ri Jeremiy 23:10

Ri ulew nojinak chque tak winak ri xekaj pa mac ruc' jun winak chic, chque winak ri quexiq'uin che u banic ri etzelal ri quequicoj ri qui cuinem che qui banic tak ri man suq'uil taj. Rumal ri' ri Ajawaxel xuc'okoj ri ulew, xchaki'jar c'ut ri ulew, xec'at tak c'ut ri echa' chupam ri chaki'j uwo sak.

Ri Jeremiy 27:9

Rumal ri', minimaj ri caquibij we e k'axal tak tzij chiwe, ch'obonelab o e k'alajisal tak ichic', mawi chque tak ri itzinelab ri quesubun che u bixic ri c'ä maja' cäpetic ri cäcoj i c'u'x cumal chi man qui coj ta iwib chuxe' ri u takanic ri ajawinel re Babilon.

Ri Jeremiy 27:10

Wa' we cäbix chiwe xa' e banoj tzij, xuwi c'u wa' ri qui ch'äc na ix chi quixelesax bic chupam ri iwulew, chi qui xinjabuj c'ut in quixcäm c'u na.

Ri Jeremiy 42:5

Xquibij c'u che ri Jeremiy: “Are' ba' ri Ajawaxel ri a Dios are' chux kas jicalaj k'alajisanel chkij, we man cäkabano ri cubij chawe chi cabij chke.

Ri Habacuc 1:12

Ajawaxel, ¿la xa' pu ma ta lal jekel chbe k'ij sak, ri tastalicalaj nu Dios ri man cämel taj? Ajawaxel xukuje' to'l wech, lal lal yowinak qui chuk'ab ri aj caldeyib rech e are' quebanow ri suq'uilal la.

Ri Zacariy 11:12

Xinbij c'u chque: “We quiwilo chi takalic, chitojo' ri wajil; we c'u man je chiwe chiya' canok.” Juwinak lajuj rakan sak puak xquitojbej wech.

Elem 20:7

Itzel u cojic ri u bi' ri Ajawaxel ri a Dios mabano, ri are' c'ut man cuya' ta c'u can ri winak chi xak ta jeri' chi ma ta cuc'äjisaj u wäch ri itzel u cojic ri u bi' cubano.

Elem 22:20

Ri quebuya' tabal tak tok'ob chquiwäch jule' diosib chic ri xuwi ya'tal qui ya'ic chuwäch ri Ajawaxel, cäcämisaxic.

U Camulixic ri Pixab 15:13

Aretak catzokopij bic, xak matca'y che u k'alum ri quieb u k'ab quel bic,

Ri Job 7:2

Ruc' jun lok'om pataninel ri quel u c'u'x che u rikic ri mumu'j, ruc' ri jun ajchac ri cacäm che reyexic ri tojbal rech.

Ri Job 31:12

e jacha' jun c'atic ri cäsachisan wächaj cusachisaj c'u na u wäch ri c'o wuc'.

Ri Malaquiy 1:6

Ri Ajawaxel ri c'o ronojel u cuinem cubij chque ri e cojol tabal tok'ob: “Ri alc'ualaxelab nim chequila' ri qui tat qui nan, e are' c'u ri pataninelab nim chequila' wi ri e cajaw. We c'u ri in in i Tat, ¿Jas che ri ix man nim ta quiniwilo? We in Iwajaw, ¿Jasche man nim ta quiniwil wi? Ix quiwetzelaj nu wäch, c'ä quibij c'ut: ‘¿Jas ri ketzelam wi wäch la?’