Ri Malaquiy 3:16 - Quiché Bible

¹⁶ (Ri nim caquil wi ri Dios xquitzijobela' c'u tak quib, are c'u ri Ajawaxel xoc il che u tatabexic ri caquibij. Chuwäch c'ut ri Ajawaxel xtz'ibax wi jun wuj, ri quenatax wi ri nim caquil wi ri Ajawaxel man c'u casach ta pa u jolom).

Ri Malaquiy 3:16 Referans Kwoze

Apocalipsis 20:12

Xebenwil ri cäminakib chi nimak chi ch'utik, ri e tac'atoj chuwäch ri tem re ajawibal. Xejaktaj c'u tak ri wuj. Xukuje' jun wuj chic xjakic, are wa' ri wuj re ri c'aslemal. Xk'at tzij paquiwi' ri cäminakib chquij ri jastak ri qui banom, jas ri e tz'ibatal pa tak ri wuj.

Salmib 56:8

Lal ajilam la ri wanimajic; lal quemol la ri e u wa'l tak nu wäch chquijujunal. ¿La ma ta e tz'ibam la chupam ri wuj la?

Ri Malaquiy 4:2

Are c'u ri ix ri nim quiniwil wi, ri nu suq'uilal cajuluw na chiwe jacha' ta ne ri chaj ri cuya' ri k'ij, ri quebuc'am ulok rutzil wächaj chquipam tak ri e u tun. Are c'u ri ix quixch'opin na che quicotemal e jacha' ri alaj tak ama'ib wacax ri quebel ulok chupam ri qui warabal.

Apocalipsis 15:4

¿Jachin ta lo ri ma ta cuxe'j rib chwäch la, Ajawaxel? ¿Jachin ta lo ri ma ta cunimarisaj u k'ij ri bi' la? Xuwi c'u ri lal tastalic man queban ta la etzelal. Quepe na conojel ri nimak tak tinimit, quek'ijilan na chwäch la. K'alajininak c'ut chi suc' ri k'atoj tzij ri cäban na la.”

Hebreos 10:24

Kas chkilila' kib, chkapixbela kib che ri lok'ok'ebal ka c'u'x xukuje' ri utzalaj tak chac.

1 Tesalonicenses 5:11

Rumal ri', chicu'bisala' i c'u'x, chiyala' i chuk'ab, jas ri cätajin quibano.

Ri Malaquiy 3:5

Ri Ajawaxel ri c'o ronojel u cuinem cubij. “In quinpe che u k'atic tzij piwi' ix. Xukuje' quinux c'u na k'alajisanel che qui c'ulelaxic tak ri quequiban tak itzinic, ri quekaj pa mac ruc' jun winak chic, ri xak lok' cäquiban ri chi'nic ri kas cäban na, ri quequiban c'ax chque ri ajchaquib, chque ri malca'nib xukuje' chque ri minorib, ri caquiban lawaloyil chque ri man e qui winakil taj xukuje' ri man nim ta quinquil wi.”

Hechos 9:31

Are c'u ri comon cojonelab pa ronojel Judey, pa Galiley xukuje' pa Samar e c'o pa jamaril, cätajin cäbin pa xe'n rib chuwäch ri Ajawaxel. Cäq'uiyiric, rumal rech chi cäcu'bisax u c'u'x rumal ri Ruxlabaxel.

Ri Isaiy 26:3

Ajawaxel, ri lal quebe chajij la pa jamaril ri co e c'olic, rumal rech chi qui cuban qui c'u'x chi'j la.

Hechos 10:2

Are' jun achi nimanel che ri Dios ri junam cuc' conojel ri e rachalaxic quek'ijilan che ri Dios. Xukuje' nim ri puak ri cuya' che qui to'ic ri aj judeyib. Cuban ch'awem ruc' Dios amak'el.

Ri Ezequiel 9:4

xubij c'u che: “Chabinibej ri tinimit Jerusalen, chacojo' jun etal che ri qui palaj ri winak ri caquina' bis xukuje' c'axc'obic qui mac quech ri e xojibalalaj tak jastak ri queban pa Jerusalen.”

Salmib 34:15

Ri Ajawaxel quebuchajij ri winak ri utz canima', cutatabej ri qui rakoj chi'aj.

Efesios 5:19

Chitzijobela' iwib cuc' tak salm, bix, xukuje' bixonic aj uxlabal. Chixbixonok, chinimarisaj u k'ij ri Ajawaxel ruc' ronojel iwanima'.

Hechos 1:13

Aretak xeboc bic, xepaki' pa ri cawik ja jawije' ri e c'olinak wi. E are' wa ri Lu', ri Xuan, ri Santiag, ri Trix, ri Pelip, ri Max, ri Bartolome, ri Matey, ri Santiag u c'ojol ri Alpey, ri Simon re ri Juk'at Selotib, xukuje' ri Juds rachalal ri Santiag.

Ri Daniel 7:10

jun nima' re k'ak' quel ulok, chuwäch ri are'. Mil chi mil quepatanij che, miyon chi miyon e tac'ätoj chuwäch. Ri k'atan tzij xchapletaj c'ut ri k'atan tzij, xejak c'u tak ri wuj.

Ri Lucax 2:38

Ri Na' xutac'abaxtaj rib kas pa ri jok'otaj ri', xuchaplej c'u u ya'ic maltioxinic che ri Dios xukuje' xuchaplej c'u u tzijoxic ri alaj Jesus chque conojel ri queyem ri u to'tajisaxic ri Jerusalen.

Ri Ester 6:1

Pa ri chak'ab ri', man coc ta u waram ri ajawinel, rumal c'u ri' xuya' takanic chi chac'am ulok ri wuj che ri etz'ibatal wi conojel ri jastak ri e c'ulmatajic pa ri tinimit ri nimak qui k'ij, rech quesiq'uix chuwäch.

Hechos 2:1

Aretak xopan ri nimak'ij re Cawinak Lajuj K'ij, conojel ri cojonelab junam qui wäch, qui mulin quib kas xa' pa jun c'olbal.

Ri Isaiy 65:6

Ronojel c'u wa' tz'ibatal chnuwäch, man xak ta quebenk'aluj ta ri nu k'ab quinya' na ri c'äjisabal qui wäch ri takal chque,

Ri Isaiy 50:10

Ix ri nim quiwil wi ri Ajawaxel xukuje' quitatabej ri u ch'abal ri pataninel rech: we quixbin pa ri k'eku'm, man c'o ta jubik' i chaj, chicu'ba' i c'u'x chrij ri Ajawaxel; chitok'ej iwib che ri i Dios.

Ri Isaiy 26:8

Ri uj xukuje' cäkana' kib chi co uj c'olic pa ri be ri u c'utum ri pixab la, Ajawaxel. Ri u rayinic ri kanima' are ri chomaxic la.

E C'ambal tak Tzij 13:20

Chawuc'aj awib cuc' ri ajno'jab cärik c'u na a no'j chawuc'aj awib cuc' ri man c'o ta qui no'j caquisachisaj c'u na a wäch.

Salmib 147:11

are nim queril wi ri queyo'w u k'ij; ri caquijiquiba' qui c'u'x chrij ri u lok'ok'ebal u c'u'x.

Salmib 139:4

C'ä majok ne chc'ol ri tzij puwi' ri wak', ri lal, Ajawaxel, etamam chi la.

Salmib 119:63

In e wachil ri' ri caquiya' k'ij la xukuje' cuc' ri quequitz'akatisaj tak ri pixab la ri e tz'ibatalic.

Salmib 111:10

Ri no'j ri nim na are ri nim rilic ri Ajawaxel; jachin tak ri nim caquil wi c'o utzalaj qui chomanic. Amak'el cäya' na u k'ij ri Dios.

Salmib 94:19

Aretak q'ui tak chomanic cäquiya' quib pa nu jolom, ri lal cacu'bisaj la nu c'u'x xukuje' cäya' la nu quicotemal.

Salmib 66:16

¡Tisaj iwonojel ix ri quixe'j iwib chuwäch ri Dios! ¡chitampe' quintzijoj chiwe ri u banom ri Dios wuc'!

Salmib 33:18

Ri Ajawaxel amak'el quebuchajij ri nim quil wi cumal xukuje' ri cu'l qui c'u'x chrij ri lok'ok'ebal u c'u'x,

Salmib 20:7

Jujun qui cuban qui c'u'x chrij ri qui carwaj re ch'o'j, jujun chic qui cuban qui c'u'x chquij ri qui quiej; are c'u ri uj ka cuban ka c'u'x chrij ri Ajawaxel ri ka Dios.

Salmib 16:3

Ri e diosib ri e c'o pa ri ulew c'o qui cuinem, jewa' caquibij ri quequicot cuc'.

Salmib 10:4

Ri e banal tak nimal caquibij: “Man c'o ta Dios. Man c'o ta jachin ta cäto'w chwe jas quinbano.” Are u chomanic wa' amak'el.

Ri Job 28:28

xubij c'ut ri Dios chque ri winak: ‘Ri jicalaj u patanixic ri Ajawaxel: are no'j wa'; ri u tasic ib chrij ri etzelal: are' c'oxomanic wa'.’ ”

Ri Ester 2:23

We jasach ri' xtzucux u ch'obic, aretak c'u xch'obotajic chi kastzij, ri quieb qui nimal ajch'ojab xtak qui jitz'axic. We c'ulmatajic ri' xtz'ibax canok, chuwäch ri ajawinel, chupam ri wuj ri quetz'ibax wi tak ri u tzijobelil ri nim tinimit.

Ucab Tzijobelil 6:7

Ri David, ri nu tat, xurayij u yaquic jun rachoch Dios che u ya'ic u k'ij ri Ajawaxel, ri u Dios ri Israel.

Nabe Ajawinelab 18:12

Ri quec'ulmatajok chi, aretak quintas wib chwäch la, ri ruxlabal ri Ajawaxel cac'am la bic rumal pa jun c'olbal chic ri man weta'm taj. Aretak quinya' u bixic che ri Acab, man c'u cärik ta la rumal, quinucämisaj c'u na. We pataninel ech la ri', c'ä pa ri rac'alal ulok, amak'el u yo'm u k'ij ri Ajawaxel.

Ucab Samuel 7:1

Aretak ri ajawinel David xjeki' chupam ri rachoch ajawinel, u yo'm chi c'ut ri Ajawaxel, ri jamaril che man c'o ta chi c'ulel ri e c'o ta che u nakaj ri quewalij ta na chi chrij,

Hebreos 12:15

Chiwila' c'o jun chiwe muya' can ri tok'ob ri cäban chiwe rumal ri Dios, o muban je ta ne jun c'ayalaj k'ayes ri cuban c'ax chque ri niq'uiaj chic xukuje' quebuchuwirisaj,

Hebreos 3:13

Xane' chipixbela' iwib ronojel k'ij, aretak c'ä c'o ri k'ij camic, rech c'o jun chiwe mucowirisaj ri ranima' rumal ri u subunic ri mac.

1 Tesalonicenses 5:14

Quixkabochi'j, kachalal, chi chiya' qui no'j ri man cäcaj taj quechacunic. Chicu'bisaj qui c'u'x ri cuban quieb qui c'u'x. Chebito' ri man c'o ta qui chuk'ab. Mäq'uistaj i c'u'x che qui to'ic conojel.

Salmib 104:33

Joropa' k'ij ri quinc'asi'c xukuje' c'o nu c'aslemal, quebenbixoj na bix che ri Ajawaxel, ri nu Dios.

Nabe Ajawinelab 18:3

Ri Acab xusiq'uij ri Abdiy ri chajil re ri jastak rech, ri cäk'ijilan che ri Ajawaxel ruc' nim ilic

Chapletajic 22:12

Ri tako'n aj caj xubij: “Maban jun c'ax che ri ala, xinwetamaj c'ut chi caxe'j awib chuwäch ri Dios, man xak'il ta c'u awib che u ya'ic ri a c'ojol chwe, ri xa jun.”

Elem 32:32

Quintz'onoj tok'ob che la chi cäsach la qui mac, we c'u man caj la cäsach la qui mac, chesaj la ri nu bi' chupam ri wuj ri tz'ibam la.”

Ri Isaiy 4:3

Ri quec'asi' na can pa Sion, ri queto'taj na can pa Jerusalen, ri cäya' chque chi quecanaj chila', quebinax na: “E tastal che u patanixic ri Ajawaxel.”

Ri Jeremiy 8:6

In oquinak il che a tatabexic, man nu tom ta c'u jachin jun ri cuq'uex ta u c'u'x cutanaba' ta u banic ri etzelal cuchajij ta c'u anima' cubij ta c'ut: ¿Jas ri nu banom? Conojel qui takem ri qui be ruc' aninakil e jacha' ri quiej ri caquiq'uiak quib ruc' ronojel qui chuk'ab pa ri ch'o'j.

Ri Jeremiy 31:18

Xinto chi ri tinimit Eprain cäch'ach'at ruc' c'ayil: ‘In in jacha' can jun wacax ri man tijotajinak taj, in tijotajinak c'ut umal la; chabana' la chi quintzelej uc' la, lal c'ut ri Ajawaxel, nu Dios.

Ri Daniel 12:1

“ ‘Pa we jok'otaj ri' cätac'atob na ri Miquel, ri tako'n aj caj to'banel ri sibalaj nim u banic ri to'banel ri cuto' na ri a tinimit. Cux na jun jok'otaj re c'axc'ol, jun jok'otaj ri man c'o ta chi jun ri junam ta ruc' tzä aretak e c'olinak ulok ri nimak tak tinimit. Aretak chupam we jok'otaj ri' quecolotaj na conojel ri winak ri e re ri a tinimit ri tz'ibatal ri qui bi' chupam ri wuj.

Ri Nehemiy 1:11

Quinbochi'n ba' che la, Ajawaxel, chtatabej la ri nu ch'awem ri quinban che bochi'xic la xukuje' tak ri qui bochi'nic tak ri e pataninelab la, ri ka rayinic c'ut xuwi ri u ya'ic u k'ij ri bi' la. Quintz'onoj che la xukuje' chi chya' la ri ch'äcanic la chwe, chbana' c'u la chwe chi chel u c'u'x ri ajawinel chwe.”

Salmib 56:9

Ri e nu c'ulel quebanimaj na aretak quintz'onoj ri to'banic la. In kas weta'm chi ri Dios c'o che nu to'ic.

Salmib 115:13

Quebutewichi'j na ri queyo'w u k'ij, chi nimak chi ch'utik.