Ri Malaquiy 3:10 - Quiché Bible

¹⁰ Chebic'ama' ulok ri i lajujil chiliya' chupam ri u k'inomal ri wachoch, je c'u ri' c'o na ri cätij chupam ri wachoch. Chinitijtobej c'ut rumal wa', quiwil c'u na we ta ma ta quebenjak tak na chiwe ri wenta'n re ri caj che u k'ijic piwi' tewichibal ri ri man c'o ta c'o wi.

Ri Malaquiy 3:10 Referans Kwoze

Ri Matey 6:33

Rumal c'u ri' are chicojo' i chuk'ab che u rikic ri rajawibal ri Dios chibana' c'ut ri cutok'ij ri Dios, quebic'am c'u na xukuje' conojel tak we jastak ri'.

Salmib 37:3

Chacu'ba' a c'u'x chrij ri Ajawaxel, chabana' ri utzil, chatc'asal cho ri uwächulew, chätux c'u jic.

U Camulixic ri Pixab 28:12

Cujak na ri k'inomalaj u k'inomal chawe, are wa' ri caj, rech cuya' ri jäb ri cajwataj che ri awulew; utz c'u quel na ronojel ri a chac ri cabano. Winak re e q'uia nimak tak tinimit caya' na qui jalomal, are c'u ri at mawi jumul catjalan na ruc' jachin jun.

Aj Levitib 27:30

Ri u lajujil ri u wächinic ri ulew, jacha' xukuje' ri qui wächinic tak ri che', e rech ri Ajawaxel tastal c'u che.

Ri Nehemiy 12:44

Pa ri k'ijol ri' xecoj tak winak ri quechajin tak ri c'olbal ri quec'ol wi tak ri k'inomal, ri sipanic tak, ri nabe tak wächinic xukuje' tak ri lajujil, rech quec'ol chquipam jas ri cubij ri pixab ri quec'am ulok pa tak ri qui juyub ri tinimit ri quebejach chque tak ri e cojol tabal tok'ob xukuje' ri aj levitib; rumal rech chi ri aj Juda quequicot cuc' tak ri e cojol tabal tok'ob xukuje' cuc' tak ri aj levitib ri e c'o pa ri patanijic.

Ajilanic 18:21

Chque ri aj levitib quinya' wi jacha' che quechbal ri lajujil ri rajawaxic caquic'am ulok ri aj israelib ri caquesaj che ri qui ch'äcoj, che u tojic ri patanijic ri caquiban pa ri Lic'om Rachoch Dios re rikoj ib.

Aj Levitib 26:10

Quitij na ri junabir tak wächinic, xa c'u quebiq'uiak chi apanok aretak quepe chic ri c'ac' tak wächinic.

Ucab Ajawinelab 7:2

Ri to'l rech ri ajawinel xutzelej u bixic che ri k'axal tzij: “Pune' ta ne quebujak ta wenta'n ri Ajawaxel pa ri caj, man cuya' taj cac'ulmataj ri a bim.” Xutzelej c'ut u bixic ri Elisey che: “Ri at quebawil na cuc' tak ri a bak'wäch, man catij ta c'u na awe che.”

Ucab Ajawinelab 7:19

Ri ach k'atal tzij la u tzelem u bixic che ri k'axal tzij chi, pune' ta ne quebujak ta wenta'n ri Ajawaxel pa ri caj, man cac'ulmataj ta ri' ri cabij. Ri Elisey, u tzelem u bixic che chi cäril na cuc' tak ri kas u bak'wäch, man cutij ta c'u na rech che.

Ri Hajey 2:19

Utz ba ri', kas ba' chiwila' ix chi kas camic cachapletaj bic man queq'uec'ob ta ri trico chupam ri c'uja. C'ä maja' c'u ne caquiya' qui wäch tak ri u che'al uva, mawi tak ri u che'al higo, mawi tak ri u che'al crabaj, mawi ri u che'al aseitun; kas cächaptaj c'u camic, in quixintewichi'j na.’ ”

Ri Nehemiy 13:5

u yo'm jun nimalaj ja che ri quec'ol wi tak can ri sipanic nabe, ri c'oc' k'ol, ri e chaconisan tak xukuje' ri u lajujil rech ri trico, ri u lajujil ri u wa'l uva xukuje' ri u lajujil ri aseit ri cätak u ya'ic chque ri aj levitib, ri aj bixab xukuje' ri e chajil tak oquibal, c'o chi c'u wi na ri' ri cuchuj ri cäya' chque ri e cojol tabal tok'ob.

Ri Nehemiy 12:47

Je c'u ri', pa ri u k'ijol ri Zorobabel xukuje' ri e re ri Nehemiy, ronojel Israel cujach k'ij chi k'ij ri jastak ri quequitij ri bixonelab xukuje' ri e chajil tak oquibal; xukuje' quequiya' chque ri aj levitib ri ya'tal u ya'ic chque, xukuje' wa' je caquiban chque ri e rija'lil ri Aaron.

Chapletajic 7:11

Pa ri uwuklajuj (17) rajilabal ri ucab ic'. Ri Noe c'o chic wakib sient (600) u junab. Kas pa ri k'ij ri', xetorotaj ulok ri plo pa ri ulew, xukuje' xetortaj ulok ri ja' pa ri caj.

Ri Tzijonel 11:3

We e k'ekarinak ri sutz', cäkaj na ri jäb puwi' ri ulew. Cäkaj ri che' pa u wiquiak'ab ri elebal k'ij o cäkaj ri che' pa ri u mox elebal k'ij, pa ri c'olbal jawije' ri cakaj wi chi' cäcanaj wi na.

Nabe Tzijobelil 26:20

E c'o chi c'u niq'uiaj aj levitib e cojom che qui chajixic ri e u k'inomal ri rachoch Dios xukuje' ri e c'olom wi ri tastalic tak sipanic.

Aj Levitib 26:3

We quebitakej ri e nu pixab, we quebinimaj ri e nu takomal, quiban c'ut jas ri cäquibij,

U Camulixic ri Pixab 12:6

Chila' quebipil wi na awaj, quebiporoj c'u na che u ya'ic u k'ij, chila' quebic'am c'u na bic ri e i lajujil, ri i cuchuj, ri i chi'm u ya'ic, xukuje' ri i sipanic ri cäpe pa iwanima', ri nabe tak cal ri e i wacax xukuje' ri nabe tak cal ri e i chij.

U Camulixic ri Pixab 14:22

“Chi junab, mel i k'ij, ri ix rajawaxic quitas ri u lajujil ri u wächinic ronojel ri i tico'n.

U Camulixic ri Pixab 14:29

rech aretak quepe ri aj levitib ri man c'o ta ri xya' ta culew, o ri man e i winakil ta ri e jekel chixo'l, o ri minorib xukuje' ri malca'nib, utz qui tzukic quiban bic. We je quiban wa' ri Ajawaxel ri i Dios quixutewichi'j na pa ronojel ri quibano.”

Salmib 78:23

Pune' c'u jewa', ri Dios xuya' takanic chque ri sutz', xebujak ri u chi' ri caj;

Ri Ezequiel 34:26

In quebenya' na ri nu chij chrij ronojel ri tastalicalaj nu juyub, quebentewichi'j c'u na; quebenjabij na ulok tewichibal paquiwi', pa ri k'ijol ri takalic.

Ri Ezequiel 44:30

Ri e cojol tabal tok'ob caquic'am na xukuje' ri nabe utzalaj tak qui wächinic tak ri ulew xukuje' conojel tak ri sipanic ri quebelyokok. Aretak c'u ri ix quisuc'umaj ri k'or che ri wa, ri sibalaj utz na are cäya' chque. Jeri' ri nu tewichibal cajeki' na paquiwi' tak ri iwachoch.

Ri Osey 2:21

In, ri Ajawaxel, quinjiquiba' u bixic: Pa ri k'ijol ri' ri in quintzelej na u bixic che ri caj, are c'u ri caj cutzelej u bixic che ri ulew;

Ri Joel 2:19

xubij c'ut: “Quintak na ulok trico, u wa'l uva xukuje' aseit, c'a quenoj na; man quinya' ta chi c'u c'olbal chi ri e k'ijilal tak diosib caquitze'j ta chi na i wäch.

Ri Joel 2:24

Cäpe na utzalaj u wächinic ri trico xukuje' tz'ebem u wa'l uva xukuje' aseit.

Chapletajic 28:22

We abaj ri' ri nu cojom jacha' che jun akan, cux na rachoch Dios; quinya' c'u na amak'el che la, nu Dios, ri lajujil che ronojel ri cäya' la chwe.”