Ri Malaquiy 2:8 - Quiché Bible

⁸ Are c'u ri ix, ri ix cojol tabal tak tok'ob, i jaluch'um iwib i yo'm can ri utzalaj be; cumal tak ri e i tijonic i banom chque q'ui winak chi e tzakinak. Jeri' ri ix i q'uexom ri nu c'ulwächinic ri xinban ruc' ri Levi.

Ri Malaquiy 2:8 Referans Kwoze

Ri Nehemiy 13:29

¡Nu Dios: chnataj che la ri qui xk'olim ri u cojic ri cojol ri tabal tok'ob xukuje' ri c'ulwächinic aj cojol tabal tok'ob xukuje' aj levi!

Ri Jeremiy 18:15

Are c'u ri nu tinimit in sachinak pa u jolom, quebuchi'j c'u c'oc' k'ol chque ri xa' e subunelab tak diosib. U jaluch'um ri u be, ri ojer u be, e u takem c'u tak be ri man e etamatal taj.

Ri Malaquiy 2:5

“Ri nu c'ulwächinic c'aslemal xukuje' jamaril che ri Levi. Xebenya' che rech cuya' nu k'ij xukuje' chuna' ta rib chnuwäch, ri are' xuc'ut chnuwäch chi xuna' rib xukuje' chi nim xinril wi.

Ri Ezequiel 44:10

Ri e aj levitib, ri xenajtin chwe aretak ri aj israelib xquitas quib chque tak ri nu be xinquiya' c'u canok che qui k'ijilaxic tak ri diosib, rajawaxic caquitoj na tak ri macaj ri xequibano.

Ri Jeremiy 17:5

Ri Ajawaxel cubij: “C'okotajinak jachin ri cutas ri ranima' chwij are c'u cujiquiba' u c'u'x chquij tak ri winak cutzucuj c'u u tok'exic rib chquij.

Ri Isaiy 30:11

Chitasa' iwib che ri be, mitakej ri suc'alaj be, mujiya' chuwäch ri Tastalicalaj u Dios ri Israel.”

Nabe Samuel 2:17

Je c'u ri', sibalaj c'axalaj mac ri cäquiban we alabom ri' chuwäch ri Ajawaxel, man nim ta c'u quequil wi ri tabal tak tok'ob ri queya' che ri Ajawaxel.

Hebreos 3:12

Chiwila', wachalal, c'o jun chiwe mäc'oji' itzelalaj ranima' ri man cäcojon taj, ri cutas rib cuya' can ri Dios c'aslic.

Romanos 14:21

Are utz na ri man u tijic ta ti'j, mawi ruq'uiaxic u wa'l uva, mawi caban ta jun jasach ri cuchak'ij ta wi rib ri awachalal.

Ri Isaiy 59:13

Uj uxinak man ch'abexic ta cäkaj xukuje' man uj ta jic chuwäch ri Ajawaxel, man xkaj taj xkaterenej ri ka Dios, e ka tzijom tokinic xukuje' ri e jachanic ri quieb qui wäch, e ka banom ka chomanic che qui subic niq'uiaj chic.

Ri Isaiy 9:16

Ri e c'amal tak be qui quijalach'um we tinimit ri', e are' tak c'ut ri caquitzucuj jun c'amal qui be xesachic.

Salmib 119:102

Man nu tasom ta wib chquij tak ri pixab la ri e tz'ibatal umal la lal chi c'ut ri quintijon la.

Salmib 18:21

nu terenem c'ut ri u be ri Ajawaxel; mawi jubik' nu xutum can ta ri nu Dios.

Nabe Samuel 2:30

Rumal c'u ri' ri Ajawaxel, ri u Dios ri Israel, ri u bim ulok chi ri at xukuje' conojel ri e awachalaxic quepatanin na chuwäch amak'el, camic cuk'alajisaj: Mawi jubik' xak quinwilo chi je caban wa', xane' quinya' qui k'ij ri queyo'w nu k'ij, are c'u ri cäquetzelaj nu wäch queq'uis na pa yok'ic. In, ri Ajawaxel quinjiquiba' u bixic.

Nabe Samuel 2:24

Jayi', nu c'ojol tak, mawi jubik' man utz taj ri nu tom u tzijol, ri cutzijoj ri u tinimit ri Ajawaxel chiwij.

Aj Levitib 21:15

rech muyuj ri u quiq'uel cuc' apachique winak pa ri u tinimit; in c'ut ri Ajawaxel nu tasom che nu patanixic.”

Ri Jeremiy 17:13

Ajawaxel lal ri' ri eyebal u c'u'x ri Israel. Ronojel ri catzakow la canok cacanaj pa q'uixbal. Ronojel ri cunajtajisaj rib che la cäsach na u wäch jacha' jun bi'aj ri tz'ibam pa ri puc'uc' ulew, rumal ri tzakic la canok, ri bulbux ja' ri cajororic.

Ajilanic 25:12

Chabij che, chi, ri in quinban jun c'ulwächinic ruc' re jamaril,

Ajilanic 25:13

rumal c'u rech wa' quinjächo, che are' xukuje' pa qui k'ab ri e rija'lil, chi quebux cojol tak tabal tok'ob re amak'el, rumal rech chi xachixom chwe je c'u ri' xurik ri sachbal macaj chque ri aj israelib.”

Ri Jeremiy 2:8

Ri e cojol tabal tok'ob man xinquitzucuj taj, ri e ya' tak qui no'j ri nu tinimit man xquich'ob ta nu wäch, ri e c'amal tak be xquiwalijisala' tak quib chwij, e are chi c'ut ri e k'axal nu tzij xech'aw pa u bi' ri Baal xukuje' xequiterenej tak ri diosib ri man c'o ta qui patan.”

Ri Osey 4:6

Ri nu tinimit man c'o ta retamanic, rumal ri' sachitajnak u wäch. Are' c'u ri at, cojol tabal tok'ob, ri xaq'uiak apan ri etamanic, in catinq'uiak apanok man at ta chic cojol tabal tok'ob chnuwäch. Xebasachisaj c'ut pa a jolom ri e u tijonic ri a Dios, ri in quebensachisaj na pa nu jolom ri e awija'lil.

Ri Soponiy 3:4

Ri e k'axal tak tzij ri e c'o cuc' e nimol tak quib, e jachinelab quieb qui wäch; ri e u cojol tabal tok'ob cäcawasij ri k'ijilabal man caquiya' ta u k'ij ri u pixab ri Ajawaxel.

Ucab Ajawinelab 16:11

xuban c'ut jun porobal ri Uriy are c'u xutakej ri u cholajil ri u banic ri xtak u bixic che rumal ri ajawinel Acaz aretak c'o pa Damasc, tz'akatinak chi c'ut aretak xtzelej ulok ri Acaz pa Damasc.

E C'ambal tak Tzij 12:8

Ri winak cäya' u k'ij jas ri u cholajil ri u c'oxomanic, are' c'u ri con xuwi takal ri etzelam wächaj che.

Ri Ezequiel 22:26

Ri e qui cojol tabal tok'ob we ulew ri' quequijech'obisaj tak ri quelcaquibij tak ri nu tijonic, quequixk'olij c'ut ri jastak ri weta'm chi e tastalic; man jalan ta caquil wi ri tastalic mawi ri tz'il, mawi quequitijoj jule' chic chi jalan chquila' wi ri ch'ajch'oj xukuje' ri k'olok'oj. Man queboc ta il chque tak ri nu k'ij quech uxlanem, mawi nim ta quinquil wi.

Ri Ezequiel 44:7

Ri ix qui wawasij ri wachoch quebiya' c'u c'olbal chi queboc ri man e i winakil taj chupam, winak ri man cuc'amtaj ri retal ri nu c'ulwächinic mawi pa ri qui chomanic mawi che ri qui cuerp; cäcawasij caquichi'j c'u chwe jacha' che k'obisabal ri xepo ri quic' quech tak ri tabal tok'ob, man are ta c'u caquibano jas ri cubij ri nu c'ulwächinic cumal ri qui banic tak we jastak ri' ri itzel quebenwilo.

Ri Ezequiel 44:12

Ri e are' xec'oji' che qui patanixic ri aj israelib che u c'amic u be ri k'ijilanic chque tak ri e diosib, ruc' c'ut ri u banic wa' xquibano chi xemacun ri aj israelib. Rumal ri' caquitoj na ri macaj ri xquibano. In, ri Ajawaxel, quinjiquiba' u bixic.

Ri Malaquiy 1:6

Ri Ajawaxel ri c'o ronojel u cuinem cubij chque ri e cojol tabal tok'ob: “Ri alc'ualaxelab nim chequila' ri qui tat qui nan, e are' c'u ri pataninelab nim chequila' wi ri e cajaw. We c'u ri in in i Tat, ¿Jas che ri ix man nim ta quiniwilo? We in Iwajaw, ¿Jasche man nim ta quiniwil wi? Ix quiwetzelaj nu wäch, c'ä quibij c'ut: ‘¿Jas ri ketzelam wi wäch la?’