Ri Malaquiy 2:2 - Quiché Bible

² Ri ix quixniman na chwe rajawaxic c'ut chi quixoc na il chi nim quiniwil wi na, we man quibano, in quixinc'okoj na. U mac c'u rech chi man ix oquinak ta il chi man nim ta quiniwil wi in quinban na chiwe chi quixux c'okobal xukuje' ne ri utzil ri quiriko chi ix cojol tabal tok'ob.” Are' cäbin ri Ajawaxel ri c'o ronojel u cuinem.

Ri Malaquiy 2:2 Referans Kwoze

Apocalipsis 14:7

Xubij ruc' chuk'ab: “Chixe'j iwib chuwäch ri Dios. Chinimarisaj u k'ij, rumal rech chi xopan ri jok'otaj aretak cuk'at tzij. Chik'ijilaj ba ri xbanow ri caj, ri ulew, ri plo xukuje' ri e u q'uiyibal tak ja'.”

Ri Lucax 17:18

¿La ma ta c'o jun chic ri xtzelej ta ulok che u nimarisaxic u k'ij ri Dios, xane' xuwi we jun achi ri' ri man ka winakil taj?”

Salmib 69:22

¡Ri qui wa re nimak'ij puwi' ri qui mexa chux jun c'amibal chque!

1 Pedro 4:11

We c'o jun cätzijonic, je chtzijonok jas ri e u tzij ri Dios. We c'o jun cäpataninic, chpataninok je jas ruc' ri cuinem ri cuya' ri Dios. Jeri' pa ronojel cänimarisax u k'ij ri Dios rumal ri Jesucrist, ri nim u k'ij xukuje' ri c'o u cuinem amak'el chbe k'ij sak. Je chbanok.

Ri Malaquiy 3:9

Je', ronojel ri nim tinimit, iwonojel ix, cätajin quiban t'orinic chwe, rumal c'u ri' quixinc'okoj na. In, ri Ajawaxel ri c'o ronojel u cuinem, quinbij chiwe:

Ri Ezequiel 3:7

Are' c'u ri tinimit Israel, man cunimaj ta na ri cabij che, rumal rech chi man caraj taj caniman chwe. Ronojel ri tinimit Israel co ri u jolom, co ri ranima'.

Apocalipsis 16:9

Xec'at c'u ri winak ruc' nimalaj k'ak'. Man xquiq'uex ta c'u qui c'u'x, man xquinimarisaj ta u k'ij ri Dios. Xane' xiquiyok' ri u bi' ri Dios, ri c'o u takanic paquiwi' ri c'axc'olil ri'.

Ri Hajey 1:9

Ri ix sibalaj q'ui ri quitzucuj xa' c'u jubik' ri quiriko; are c'ut ri quic'ol chupam ri iwachoch, xa' juwup quiya' bic che. ¿Jasche? Rumal rech chi yojyobinak ri wachoch, are c'u ri ix xak xuwi quixoc il che quilixic tak ri kas e iwachoch. In, ri Ajawaxel quinjiquiba' u bixic.

Ri Hajey 1:6

Ri ix, q'ui ri tico'n quibano, xa' c'u jubik' ri wächinic ri quiyaco; quixwa'ic, quixuq'uianic, man c'u quixnoj taj, quixcanaj c'u ruc' chaki'j chi'; quipisisej iwib, man c'u quixoc ta pa mik'inal; are c'u ri cachacun chk'ij, cuya' ri cuch'äco chupam jun c'olbal ri tek'elic.

Ri Jeremiy 34:17

Je c'u ri', in, ri Ajawaxel, quinbij: Ix man xixniman ta chwe, man c'u xebitzokopila' taj ri e i winakil ri e i cojom che pataninelab; rumal ri', camic in quebentzokopij ri ch'o'j ri cämisanel yabil xukuje' ri wi'jal rech quequiban jun jasach chiwe ri cuya' xibin ib chque conojel ri ajawibal cho ri uwächulew. In, ri Ajawaxel, quinjiquiba' u bixic.

Ri Isaiy 57:11

¿Jachin tak ri' ri diosib ri xana' awib chquiwäch xukuje' xaya' qui k'ij, rumal c'u quech wa' xinaya' canok xukuje' man quinnataj ta chi chawe? Aretak ri at man nim ta chic xinawil wi, xinban wib chi man xinnabej taj.

Ri Isaiy 47:7

Xabij: ‘Man c'o ta jun quinesan che ajawinel ixok;’ man xul ta c'u wa' we jastak ri' pa jolom, mawi xachomaj apan ri qui q'uisbal.

Ri Isaiy 42:25

Rumal ri' xpe royowal chquij xuc'äjisaj c'u qui wäch ruc' jun ch'o'j ri xak c'ätetal xpe paquiwi' ri xebunicowisaj pa k'ak' pune' c'u je xquic'ulmaj wa' man xcaj ta xech'obonic.

Ri Josue 7:19

Xubij c'ut ri Josue che ri Acan: “Nu c'ojol, chaya' u k'ij xukuje' chak'ijilaj ri Ajawaxel ri xukuje' u Dios ri Israel, chabij ba' chwe jas ri a banom. ¡Mach'uk chnuwäch!”

E C'ambal tak Tzij 3:33

Ri Ajawaxel cuc'okoj ri rachoch ri itzel winak, cutewichi'j c'ut ri u jekelibal ri winak ri cuban suq'uilal.

Ri Malaquiy 2:1

“Camic, ix cojol tabal tak tok'ob, are iwech wa':