Ri Malaquiy 2:16 - Quiché Bible

¹⁶ Ri Ajawaxel re Israel ri c'o ronojel u cuinem, je cubij wa': “¡Chichajij ba', ri iwuxlabal, mixux c'u ma ta ix jic; are c'u ri in quinwetzelaj u wäch ri cuban wuj che u jachic bic ri rixokil cuxok'olej c'u rib aretak cuban we etzelal ri'!”

Ri Malaquiy 2:16 Referans Kwoze

Ri Lucax 16:18

“Ronojel achi ri cujach bic ri rixokil, cäc'uli' chi c'u ruc' jun chic, ri are' cäkaj pa mac. Xukuje' ri achi ri cäc'uli' ruc' ri ixok ri jachom bic rumal ri rachajil, ri are' cäkaj pa mac.”

E C'ambal tak Tzij 28:13

Jachin ri quebusach u tza'm ri macaj man utz ta quel na; are' c'u ri quebuk'alajisaj cutanaba' c'u qui banic, cäsach na u mac.

Ri Isaiy 59:6

Man queban ta atz'iak chque tak we qui quem äm ri' man c'o ta jun cacuinic caratz'iakij ta rib ruc' ri caquiquemo. Ronojel ri cäquibano re banoj c'ax: ri qui k'ab quechacun che quibanic tokinic.

Ri Isaiy 50:1

Ri Ajawaxel cubij: “¡Michomaj chi xinjach can ri Israel ri i nan, jacha' ri cuban jun achi cujach can ri rixokil, o xixinc'ayij ta bic jacha' pataninelab ri que lok'ic u mac rech chi c'o ta nu c'as ruc' jachin jun! Ri ix xixc'ayix bic rumal rech chi xixmacunic; ri Israel ri i nan, xjachic rumal rech chi man xixniman taj.

Ri Isaiy 28:20

Je cäc'ulmataj na jacha' ri k'oyolem pa jun ch'utinalaj ch'at ri xa ch'akap ri u k'u' jun cuch'ukubej rib.

1 Corintios 7:10

Quintakan chque ri e c'ulanic, chi ri ixok cojonel mujach can ri rachajil. We takanic ri' man xa ta wech in, xane' rech ri Ajawaxel.

Salmib 73:6

Rumal ri' ri banoj nimal are' qui chachal, ri tokinic are' catz'iak;

E C'ambal tak Tzij 5:20

¿Jasche caputzcuyij awib ruc' ri ixok ri man awech taj?, nu c'ojol, ¿jasche caq'uiak awib pa u k'ab ri man aweta'm taj jachinok?