Ri Malaquiy 2:12 - Quiché Bible

¹² ¡C'o ta banom wi chi ri Ajawaxel cusachisaj ta qui wäch ri je tak caquiban wa' pa ri nim ka tinimit, e apachin tak ta ne pune' ta c'u ne quequic'am ulok tak sipanic che ri Ajawaxel ri c'o ronojel u cuinem!

Ri Malaquiy 2:12 Referans Kwoze

Apocalipsis 19:20

Xchap c'u ri awaj, xukuje' xchap ri jun ri u jalum rib chi k'axal tzij, ri e u banom mayibal chuwäch ri itzel awaj, ri xukuje' rumal ri mayibal e u subum ri xec'amow ri retal ri itzel awaj xukuje' ri xek'ijilan ri u wächbal. We quieb ri' e c'asc'oj xeq'uiak bic pa ri cho re k'ak' ri cänicow ruc' asubre.

2 Timoteo 3:13

E are c'u ri e itzel tak winak, ri e subunelab, quenimataj na, cäquitakej na subunic, e subutajinak c'ut.

Ri Matey 15:14

Chebiya' canok. E moyab cäquic'am c'u qui be niq'uiaj moyab chic. We ri moy cuc'am u be ri moy, ri e quieb quetzak pa jun jul.”

Ri Malaquiy 2:10

¿La ma ta xa' jun ka Tat, ri are' ri Dios ri konojel uj u winakirisam? ¿Jas ta c'u che, cakasubula' tak kib, xeboc'ow c'ut puwi' ri c'ulwächinic ri xuban ri Dios cuc' ri e ka mam?

Ri Malaquiy 1:10

“¡C'o ta banom wi chi c'o ta jun chiwe chi quebutz'apijtaj ri e u chi' ri wachoch, rech ma ta xak lok' caquitzij chic ri k'ak' re ri porobal ri wech! Man quinquicot ta c'ut iwuc' mawi quebentakej ta qui c'amowaxic tak ri e i sipanic.

Ri Zacariy 12:7

Are c'u ri in, ri Ajawaxel are nabe quebento'tajisaj na ri e rija'lil ri Juda, rech man quequinimarisaj ta qui k'ij ri e rija'lil ri David xukuje' ri e aj Jerusalen paquiwi' ri e niq'uiaj chic rija'lil ri Juda.

Ri Amos 5:22

Man quenwaj taj ri je'lalaj tak c'oc'al ri quebichi'j che u ya'ic nu k'ij, mawi tak ri e i sipanic quech tak c'äj; man quebenc'amowaj ta ri k'obinak alaj tak ama'ib tak wacax ri quebiya' che tabal tak tok'ob re utzirisan tak ib.

Ri Ezequiel 24:21

‘Chabij che ri tinimit Israel: Are wa' ri cubij ri Ajawaxel: Quenwawasij ri wachoch, ri sibalaj cäkaj chiwäch sibalaj c'u quinwaj xukuje' ri qui banbej nimal, ri xukuje' cayo'w i chuk'ab; ri e i c'ojol ri e i mia'l ri e i yo'm can pa Jerusalen xa' quecämisax na.

Ri Ezequiel 14:10

Are' jun ri winak ri cuban ri ch'obonic jacha' xukuje' ri k'axal nu tzij cac'äjisax qui wäch rumal rech ri qui mac,

Ri Isaiy 66:3

E c'o c'u jujun ri cäquipil jun ama' wacax, xukuje' cäquicämisaj c'u jun achi; cäquitok' u kul jun chij, xukuje' cäquik'ajisaj rij u wi' jun tz'i'; quequichi'j c'äj xukuje' ri u quiq'uel jun ak cäquiporoj c'oc' k'ol cäquik'ijilaj c'u jun dios. Chque ri xequicha' qui banic we itzel tak nak'atisabal ri', cäkaj ri qui banic ronojel wa' chquiwäch.

Ri Isaiy 61:8

Rumal c'u rech chi ri Ajawaxel culok'oj ri suq'uilal, cäretzelaj c'u u wäch ri eläk'anic xukuje' ri qui banic il patan. Kas c'u cuya' na ri tojbal quech cuban c'u na jun junalic c'ulwächinic cuc'.

Nabe Tzijobelil 25:8

Xejach c'ut ri qui chac re ri patanijic chquiwäch apachique ta ne ri caquitaklebej, we e nabealab o e chak'axelab, ajtijab o e tijoxelab.

Nabe Samuel 3:14

Rumal ri' quinban ri chi'nic ri kas cäban na, in chokinak chi ri etzelal ri qui banom ri rachalaxic ri Eli mawi jubik' cäsach u tza'm, mawi cumal tabal tak tok'ob, mawi cumal tak sipanic.”

Ajilanic 24:5

¡Jacob, sibal e je'l tak ri a cäbal ri lic'om! ¡Sibalaj je'lic, Israel, ri tak a kajebal!

Aj Levitib 20:3

Quinkasaj ri woyowal puwi' ri achi ri', quinwesaj ri u bi' chquixo'l ri u winakil u tz'ilom ri quink'ijilax wi rawasim ri tastalicalaj nu bi'. Rumal ri u ya'ic ri u c'ojol che ri Moloc.

Aj Levitib 18:29

Apachin ta c'u ne ri cuban jun chque we jastak ri' ri e ya'l yok'obal, quesax na chquixo'l ri u winakil.

Ri Osey 9:12

We c'u ne queticar che qui q'uiyisaxic tak calc'ual, in quebentokij na chque man c'o ta c'u jun quinya' ta can chque. ¡Tok'ob qui wäch we winak ri' aretak man in c'o ta chic cuc'!

Ri Malaquiy 1:13

Ri ix je quibij wa': ‘¡Uj k'itajinak chic che ronojel wa'!’ Quiwetzelaj c'u nu wäch. Kas c'u are na pa i c'u'x chi quinequicotok aretak quixpe che u chi'xic jun eläk'am awaj chwe, o jun wacax ch'oco'j o yawab.