Ri Malaquiy 1:7 - Quiché Bible

⁷ Ri ix quebilicojo' wa puwi' ri nu porobal ri wech ri man ya'tal ta u c'amic ulok, c'ä quixc'otow c'u ne chi'aj: ‘¿Jas ri cakac'axc'obisaj wi la?’ Ri ix quinic'axc'obisaj aretak qui chomaj chi ri nu porobal ri wech cuya' man nim ta quil wi.

Ri Malaquiy 1:7 Referans Kwoze

Ri Malaquiy 1:12

Are' c'u ri ix, quinic'axc'obisaj, are c'u pa i c'u'x chi ri nu porobal, ri are nu mexa, cuya' man nim ta quil wi, xukuje' chi man nim ta quil wi ri wa ri c'o puwi'.

1 Corintios 10:21

Man cuya' taj quiwuq'uiaj ta iwe che ri ruq'uiabal ri Ajawaxel, xukuje' quiwuq'uiaj iwe che ri cuq'uiabal ri itzel tak uxlabal. Mawi cuya' quic'am ta iwe pa ri u mexa ri Ajawaxel, xukuje' quic'am iwe pa ri qui mexa ri itzel tak uxlabal.

Ri Malaquiy 1:8

Chi man awas ta c'ut we quechi'x tak awaj chnuwäch moyab ch'oco'yib o yawabib.” ¡Jix ba', chebic'ama' bic chque ri e i k'atal tak tzij! ¡Chiwila' c'ut we quequic'am ri sipanic ruc' ronojel canima'!

Ri Ezequiel 41:22

Chuwäch ri roquibal ri Sibalaj Tastalicalaj C'olbal c'o jun jasach ri je ta ne cäpe jun porobal ri banom ruc' che', ri jujun bara' ruc' jun k'abaj quetan ri u pa tak u xcut, jun bara' c'ut ruc' oxib k'abaj rak'anibem chicaj. E c'o u xquina, ri rakan xukuje' ri u pa tak u xcut e re che'. Ri achi xubij chwe: “Are' mexa wa' ri c'o chuwäch ri Ajawaxel.”

U Camulixic ri Pixab 15:21

We c'u ne c'o jun u yab, o we ne ch'äcoj o moy o c'o chi apachique jun chi u yab, man caya' ta che tabal tok'ob chuwäch ri Ajawaxel.

Aj Levitib 21:6

xane' kas chi quitasa' quib che u patanixic ri qui Dios, maquiban c'u che ri u bi' chi man nim ta cäquil wi, rumal rech chi e are' quejachow ri sipanic ri cäporox che ri Ajawaxel, xukuje' e are' quejachow ri wa chuwäch ri Dios, amak'el c'ut checanaj tastalic che patanijic.

Aj Levitib 2:11

Miya' ch'am ruc' jun chque ri sipanic re c'äj ri quiya' chuwäch ri Ajawaxel. Man c'o ta c'u jun u wäch ch'am mawi juyubal räx cab ri canicowisax taj jacha' che sipanic che ri Ajawaxel.

Aj Levitib 3:11

Ri cojol tabal tok'ob cunicowisaj ronojel wa' puwi' ri porobal, jacha' che sipanic re wa ja' che u ya'ic u k'ij ri Ajawaxel.

Aj Levitib 21:8

Chebatasa' che ronojel wa', rumal rech chi e are' ri quechi'n ri wa che ri a Dios. E tastal c'u chawe, rumal rech chi ri in, ri Ajawaxel, in tastalic, man quinban ta etzelal, in c'ut ri quinbanowic chi quetastaj chwe.

Ri Ezequiel 44:16

Xukuje' cuya' queboc pa ri wachoch quekeb c'u che ri nu porobal che nu patanixic, pa qui k'ab c'u cäcanaj wi ri patanijic ri cäban chwe.

Ri Malaquiy 1:13

Ri ix je quibij wa': ‘¡Uj k'itajinak chic che ronojel wa'!’ Quiwetzelaj c'u nu wäch. Kas c'u are na pa i c'u'x chi quinequicotok aretak quixpe che u chi'xic jun eläk'am awaj chwe, o jun wacax ch'oco'j o yawab.