Ri Malaquiy 1:6 - Quiché Bible

⁶ Ri Ajawaxel ri c'o ronojel u cuinem cubij chque ri e cojol tabal tok'ob: “Ri alc'ualaxelab nim chequila' ri qui tat qui nan, e are' c'u ri pataninelab nim chequila' wi ri e cajaw. We c'u ri in in i Tat, ¿Jas che ri ix man nim ta quiniwilo? We in Iwajaw, ¿Jasche man nim ta quiniwil wi? Ix quiwetzelaj nu wäch, c'ä quibij c'ut: ‘¿Jas ri ketzelam wi wäch la?’

Ri Malaquiy 1:6 Referans Kwoze

Ri Lucax 6:46

“¿Jasche quibij ‘Ajawaxel, Ajawaxel’ chwe, man quiban ta c'ut jas ri quinbij chiwe?

Ri Isaiy 1:2

Caj xukuje' ulew, chitampe' ri cubij ri Ajawaxel: “Xebenq'uiyisaj alc'ualxelab c'ä xenimar na, xa c'u xquiyac quib chwij.

Elem 20:12

Nim chawila' wi ri a tat xukuje' ri a nan, rech naj catc'asi' cho ri ulew ri cuya' ri Ajawaxel ri a Dios chawe.

1 Pedro 1:17

We quibij Tat che ri Dios, ri cuk'at tzij paquiwi' conojel jas ri qui chac chquijujunal, man cuya' ta u k'ij jun winak chuwäch jun chic, chixe'j ba' iwib chuwäch ri are' ronojel k'ij re ri i c'aslemal cho ri uwächulew.

Ri Osey 12:8

Ri Eprain je cubij wa': ‘¡Je, in k'inomarinak, nu rikom jun k'inomal ri c'utalic; man c'o ta c'u jachin cäbin ta tzij chwij chi e nu rikom ri e nu ch'äcoj cumal tak subunic!’

Ri Isaiy 64:8

Pune' c'u jewa' banom la chke, lal ri lal ka tat, Ajawaxel; uj ri uj t'ac, lal, ri lal banal lak; konojel uj bantajinak umal la.

Efesios 6:2

Are wa' nabe takomal ri rachilam jun chi'nic: “Nim chawila' wi ri a tat xukuje' ri a nan,

E C'ambal tak Tzij 30:17

Ri cäretzelaj u wäch ri u tat cäretz'bej c'u u wäch ri u nan ri nim winak chic, ya'tal che chi quec'otix ri e u bak'wäch cumal ri joj xukuje' chi cätij cumal ri cot.

Ri Matey 7:21

“Man ronojel taj ri cabin chwe: ‘Wajaw, Wajaw’, coc ta na pa ri rajawibal ri Dios, xane' xuwi ri quebanow ri u rayibal ri nu Tat ri c'o pa ri caj.

Ri Matey 6:9

Ri ix c'ut je ch'awem wa' chibana': ‘Ka Tat ri c'o la pa ri caj, chtastaj ri bi' la.

E C'ambal tak Tzij 30:11

E c'o jachin tak quequic'okoj ri qui tat man quequitewichi'j ta c'ut ri qui nan.

U Camulixic ri Pixab 5:16

Nim chawila' wi ri a tat xukuje' ri a nan, jacha' ri at u takom wi ri Ajawaxel ri a Dios, rech naj catc'asi' na xukuje' utz c'u catel na pa ri ulew ri cuya' na ri Ajawaxel ri a Dios chawe.

Aj Levitib 19:3

Chijujunal nim chebiwila' wi ri i tat xukuje' ri i nan. Nim chebiwila' wi tak ri e nu k'ij re uxlanem. In ri' ri Ajawaxel ri i Dios.

Marcos 10:19

E aweta'm ri takomal:” “Matcämisanic. Matkaj pa mac ruc' jun winak chic. Mateläk'anic. Maban tzijtal chquij niq'uiaj winak chic. Mawesaj can jutak bik' che ri jastak que ri winak. Nim chebawila' wi ri a tat a nan.”

Ri Matey 19:19

Nim chebawila' wi ri a nan a tat. Chalok'ok'ej ri awajil a tz'akat je jas u lok'ok'exic awib chbil awib.”

Ri Osey 4:6

Ri nu tinimit man c'o ta retamanic, rumal ri' sachitajnak u wäch. Are' c'u ri at, cojol tabal tok'ob, ri xaq'uiak apan ri etamanic, in catinq'uiak apanok man at ta chic cojol tabal tok'ob chnuwäch. Xebasachisaj c'ut pa a jolom ri e u tijonic ri a Dios, ri in quebensachisaj na pa nu jolom ri e awija'lil.

Ri Ezequiel 22:26

Ri e qui cojol tabal tok'ob we ulew ri' quequijech'obisaj tak ri quelcaquibij tak ri nu tijonic, quequixk'olij c'ut ri jastak ri weta'm chi e tastalic; man jalan ta caquil wi ri tastalic mawi ri tz'il, mawi quequitijoj jule' chic chi jalan chquila' wi ri ch'ajch'oj xukuje' ri k'olok'oj. Man queboc ta il chque tak ri nu k'ij quech uxlanem, mawi nim ta quinquil wi.

Ri Jeremiy 23:11

Ri Ajawaxel cujiquiba' u bixic: “Xukuje' c'u ne tak ri e k'axal tak tzij xukuje' tak ri e cojol tabal tok'ob man e nimanelab taj; kas chupam ri wachoch e nu rikom wi caquiban ri etzelal.

Ri Matey 15:6

Man ya'tal ta chi che chi nim ta caril wi ri u tat o ri u nan. Jeri' man quiya' ta u k'ij ri u takanic ri Dios are c'u quiya' u k'ij ri i tijonic pa iwech wi.

Ri Malaquiy 2:8

Are c'u ri ix, ri ix cojol tabal tak tok'ob, i jaluch'um iwib i yo'm can ri utzalaj be; cumal tak ri e i tijonic i banom chque q'ui winak chi e tzakinak. Jeri' ri ix i q'uexom ri nu c'ulwächinic ri xinban ruc' ri Levi.

Ri Lucax 10:29

Are c'u ri ajtij xraj xuk'alajisaj rib chi suc', xubij che ri Jesus: “¿Jachin ri' ri wajil nu tz'akat?”

Ri Lucax 6:36

Chixtok'obisan ba' wächaj, je jas ri i Tat tok'obisal wächaj.”

Marcos 7:10

U bim c'u can ri Moises ojer: ‘Nim chebawila' wi ri a tat a nan.’ Xukuje' xubij: ‘Apachin ri cuyok' u tat u nan, cäcämisax na.’

Ri Jeremiy 31:9

Quepe na ruc' tz'ononic xukuje' ok'enic. In quebenc'am na bic jawije' e c'o wi binel tak ja', pa jun lianic be jawije' ri man caquichak'ij ta wi quib. In c'ut ri u tat ri Israel, are c'u ri Eprain are nabeal nu c'ojol.

Ri Lucax 18:20

Aweta'm c'ut ri e takomal: ‘Matkaj pa mac cuc' niq'uiaj chic. Matcämisanic. Mateläk'anic. Maban tzijtal chrij jun winak chic. Nim chebawila' wi ri a tat a nan.’ ”

Ri Matey 15:4

Ri Dios xtakanic, xubij: ‘Nim chawila' wi ri a nan a tat.’ Xukuje' xubij ri Dios: ‘Apachin ri cuc'ulelaj ri u tat o ri u nan, chcämok.’

Ri Osey 5:1

“E cojol tak tabal tak tok'ob, chitatabej wa'; chaya' a xiquin tinimit re Israel; chixtatabenok ix ri ix aj uwo rachoch ri ajawinel: Piwi' ix cakaj wi na ri c'äjisabal wächaj ix c'u uxinak jun c'amibal ri cojom pa Mizpa, jun c'at ri lic'om puwi' ri juyub Tabor,

U Camulixic ri Pixab 1:31

xukuje' ri xuban pa ri chaki'j uwo sak. Ri Ajawaxel ri i Dios ix u c'amom ulok pa u k'ab pa ronojel ri be ri i binibem ulok c'ä ix ulinak waral, jacha' ri cuban jun tataxel cutelej ri u c'ojol cuc' tak ri u k'ab.’

Salmib 123:2

Ruc' bochi'nic cujkeb chuwäch ri Ajawaxel, ri ka Dios, jacha' ri cuban ri ala ri pataninel cäca'y che ri u k'ab ri rajaw achi, jacha' ri cuban ri ali pataninel cäca'y che ri u k'ab ri rajaw ixok, keye'm chi quel na u c'u'x chke.

E C'ambal tak Tzij 17:6

Ri e qui corona ri nimak tak winak e are' ri e u wi' tak qui mam; ri cäquibanbej nimal ri alc'ualaxelab e are' ri qui tat qui nan.

Ri Isaiy 43:23

Man xebaya' ta chij chwe che tabal tok'ob ri quechajirisaxic mawi xaya' nu k'ij cuc' tabal tak tok'ob. In man xatincos taj xebenta' ta tak sipanic chawe.

Ri Jeremiy 3:4

Maja' naj oc'owinak xabij chwe: ‘Nu tat, rachil ri walc'alal,

Ri Jeremiy 35:16

Ri e rija'lil ri Jonadab, u c'ojol ri Recab, quitz'akatisam ri takanic ri u yo'm ri e qui mam chque; man je ta c'u u banom, ri tinimit man nimaninak ta chwe.

Ri Soponiy 3:4

Ri e k'axal tak tzij ri e c'o cuc' e nimol tak quib, e jachinelab quieb qui wäch; ri e u cojol tabal tok'ob cäcawasij ri k'ijilabal man caquiya' ta u k'ij ri u pixab ri Ajawaxel.

Ri Malaquiy 2:1

“Camic, ix cojol tabal tak tok'ob, are iwech wa':

Ri Malaquiy 2:10

¿La ma ta xa' jun ka Tat, ri are' ri Dios ri konojel uj u winakirisam? ¿Jas ta c'u che, cakasubula' tak kib, xeboc'ow c'ut puwi' ri c'ulwächinic ri xuban ri Dios cuc' ri e ka mam?

U Camulixic ri Pixab 32:6

¿La jewa' ri rajil q'uexel ri quiya' che ri Ajawaxel? Tinimit con, ri man c'o ta u no'j, ¿la ma ta are' a tat ri q'uiyisal awech? Are' xatq'uiyisanic xukuje' are' xattac'abanic.

Ri Isaiy 45:10

Mawi ya'tal che jun alc'ualaxel quebuc'ulelaj ri u nan u tat, chi xc'am ulok cho we uwächulew cumal.

Ri Isaiy 64:7

Man c'o ta jun cänatan la, mawi cucoj u chuk'ab che u to'k'exic rib che la; rumal ri' xc'u' ib la chkawäch uj wonobam c'u la canok u mac rech ri ka mac.

Ri Malaquiy 3:5

Ri Ajawaxel ri c'o ronojel u cuinem cubij. “In quinpe che u k'atic tzij piwi' ix. Xukuje' quinux c'u na k'alajisanel che qui c'ulelaxic tak ri quequiban tak itzinic, ri quekaj pa mac ruc' jun winak chic, ri xak lok' cäquiban ri chi'nic ri kas cäban na, ri quequiban c'ax chque ri ajchaquib, chque ri malca'nib xukuje' chque ri minorib, ri caquiban lawaloyil chque ri man e qui winakil taj xukuje' ri man nim ta quinquil wi.”