Ri Malaquiy 1:11 - Quiché Bible

¹¹ Pa conojel ri nimak tak tinimit re ri uwächulew nim quinil wi; pa ronojel c'olbal caporox c'oc' tak k'ol che u ya'ic nu k'ij queya' c'u tak sipanic chwe ri e takalic.

Ri Malaquiy 1:11 Referans Kwoze

Ri Isaiy 54:5

are' c'u ri xatwinakirisanic catuc'am na che rixokil. Ri u bi' are Ajawaxel ri c'o ronojel u cuinem ri torol awech are ri Tastalicalaj u Dios ri Israel ri Dios ri' re ronojel ri uwächulew.

Ri Isaiy 45:6

rech cäquetamaj conojel, ri e c'o pa elebal k'ij xukuje' ri e c'o pa ri u kajebal k'ij, chi man c'o ta chi jun jas ri in. In ri' ri Ajawaxel, man c'o ta chi jun.

Apocalipsis 5:8

Aretak xuc'am ri wuj, ri quiejeb awaj xukuje' ri juwinak quiejeb nimak tak tatayib xexuqui' chuwäch ri Alaj Chij. Chquijujunal cuc'am jujun arp xukuje' jujun lak re k'an puak e nojinak che c'oc' k'ol. Are wa' ri qui ch'awem ri e tastalic tak winak aj Dios.

Ri Matey 28:19

Rumal c'u ri', jix, chibana' tijoxelab chque ri winak pa conojel ri tinimit cho ri uwächulew. Chibana' qui bautism pa ri u bi' ri Tataxel, pa ri u bi' ri C'ojolaxel xukuje' pa ri u bi' ri Ruxlabal ri Dios.

Ri Zacariy 8:7

In quinto'tajisaj na ri nu tinimit rech man cäkaj ta pa u k'ab ri ulew aj elebal k'ij xukuje' pa u k'ab ri ulew aj u kajebal k'ij,

Salmib 50:1

Ri Ajawaxel, ri qui Dios ri c'o quekle'n, ch'awinak; e u siq'uim conojel ri winak ri e c'o cho ri uwächulew, ri e c'o pa elebal k'ij, ri e c'o pa ri u kajebal k'ij.

Apocalipsis 11:15

Ri uwuk tako'n aj caj xrok'esaj ri u trompet. Xepe nimak tak ch'abal chicaj, ri xquibij: “Ri e ajawibal re ri uwächulew e rech chic ri Kajaw xukuje' e rech chic ri u Crist. Cajawin c'u na puwi' ronojel amak'el chbe k'ij sak.”

Salmib 141:2

Ri nu ch'awem uc' la je chuxok jacha' ri c'oc'alaj k'ol chwäch la, e yactal c'ut ri e nu k'ab, jacha' sipanic rech benak k'ij.

Salmib 67:2

rech conojel ri nimak tak tinimit cho ri uwächulew cäquetamaj ri rayibal la xukuje' ri colobenic la.

Apocalipsis 15:4

¿Jachin ta lo ri ma ta cuxe'j rib chwäch la, Ajawaxel? ¿Jachin ta lo ri ma ta cunimarisaj u k'ij ri bi' la? Xuwi c'u ri lal tastalic man queban ta la etzelal. Quepe na conojel ri nimak tak tinimit, quek'ijilan na chwäch la. K'alajininak c'ut chi suc' ri k'atoj tzij ri cäban na la.”

1 Timoteo 2:8

Quinwaj c'ut chi ri winak pa conojel c'olbal cäquiban ch'awem ruc' Dios chequiwalijisaj ri qui k'ab ruc' jun ch'ajch'ojalaj canima', man c'o ta oyowal mawi c'ulelam tak ib.

Filipenses 4:18

Ronojel c'o wuc', q'ui ri jastak we c'olic. Xinc'am ri xitak ulok rumal ri Epaprodit, c'o ronojel ri rajawaxic chwe ruc' u wi'. Ri xiya' chwe, are je ta ne jun c'oc'alaj c'oc'al sipam cho ri Dios, ri cäc'am rumal ri Dios ri cäkaj chuwäch.

Romanos 15:16

chi quinux pataninel re ri Jesucrist chquixo'l ri man aj judeyib taj. Quinpatanin che u tzijoxic ri utzalaj tak u tzij ri Dios, rech ri man aj judeyib taj cäquijach quib che ri Dios che jun sipanic ri cäkaj chuwäch ri Dios, ri cäc'am rumal, e tasom rumal ri Ruxlabal ri Dios.

Romanos 12:1

Jeri' wachalal, quixinbochi'j pa ri u tok'ob ri Dios chi quijach ri i cuerp pa u k'ab ri Dios, che jun tabal tok'ob cho ri Dios, jun tastalic sipanic, ri c'aslic, ri cäkaj chuwäch ri Dios. Are wa' ri kas k'ijilanic ri quiya' che ri Dios.

Ri Lucax 1:10

Conojel c'u ri e q'uia winak e c'o apan cho ja, cätajin quech'aw ruc' Dios pa ri jok'otaj re ri u poroxic ri c'oc' k'ol.

Ri Malaquiy 1:14

¡C'okotajinak ri cojol c'amibal ri cuchi'j jun awaj ri man c'o ta u yab ri c'o chuxo'l ri u jumulaj cupil c'ut jun chwe ri c'o u yab! In ri' ri Ajawaxel ri nim nu k'ij, in c'u xibibal chquixo'l ri nimak tak tinimit.” Are wa' ri cubij ri Ajawaxel ri c'o ronojel u cuinem.

Ri Soponiy 3:9

Aretak chopan wa', quinch'ajch'ojirisaj na ri qui tzij tak ri tinimit rech conojel quinquinataj, rech conojel xa' junam qui wäch che nu k'ijilaxic.

Ri Soponiy 2:11

Ri Ajawaxel cux na xibibal chque. Cusachisaj na qui wäch conojel ri e u diosib ri ulew, cäk'ijilax c'u na ri are pa ronojel c'olbal, xukuje' ne cumal ri winak ri e c'o chquipam ri ch'akatak tak ulew ri e c'o tak chupam ri plo.

Ri Miquey 5:4

Ri ajawinel cawalij na che u yuk'uxic ri u tinimit ruc' ri cuinem xukuje' ri nimalaj u banic ri Ajawaxel ri u Dios, ri e are' quecuinic quejeki' na pa jamaril, rumal rech chi canimarisax na u k'ij ri Ajawaxel c'ä chupam ri q'uisbal jutz' re ri uwächulew.

Ri Amos 9:12

rech ri canajinak che ri Edom xukuje' che ronojel nim tinimit ri uxinak can wech catzelej chi jumul pa u k'ab ri Israel.” Ri Ajawaxel u yo'm ri u tzij, cutz'akatisaj c'u na.

Ri Isaiy 59:19

Conojel ri winak cho ri uwächulew pa elebal k'ij c'ä che u kajebal k'ij, nim caquil wi na ri Ajawaxel aretak cäquilo chi nim u banic, cäpe c'u na ri are' jacha' jun nimalaj nima' ri walijinak u wäch ri slabesam rumal jun nimalaj quiakik'.

Salmib 113:3

¡Chyo'k u k'ij ri u bi' ri Ajawaxel pa elebal k'ij c'ä pa ri u kajebal k'ij!

Ri Matey 8:11

Quinbij chiwe chi q'ui winak quepe na pa elebal k'ij, quepe na pa u kajebal k'ij, quet'uyi' na cuc' ri Abraham, ri Isaac xukuje' ri Jacob pa ri rajawibal ri Dios.

2 Tesalonicenses 1:12

Jeri' quinimarisaj ri u bi' ri Kajaw Jesucrist, xukuje' cänimarisax i k'ij rumal ri are', jas ri u beya'l ri u tok'ob ri ka Dios xukuje' ri Ajaw Jesucrist.

Salmib 45:17

Quinban na chi cänatax ri bi' la cumal ri c'äte queq'uiy chic, chyo'k ta k'ij la cumal tak ri tinimit amak'el, chbe k'ij sak.

Salmib 48:10

Nu Dios, cäya' k'ij la cho ronojel ri uwächulew jas ri takal che ri bi' la. Ruc' ri cuinem la caban la tz'akatalaj suq'uilal.

Salmib 111:9

Xutor ri u tinimit, co xujekeba' ri u c'ulwächinic re chbe k'ij sak. Ri Dios tastalic xukuje' xibibal.

Ri Isaiy 12:4

quibij c'u na: “Chiya' maltioxinic xukuje' chiya' u k'ij ri Ajawaxel, chitzijoj chque ri nimak tak tinimit ri jastak ri e u banom, chinataj chque chi are' c'o puwi' ronojel.

Ri Isaiy 12:5

Chibixoj ri Ajawaxel, rumal chi e u banom mayibal tak jastak ri rajawaxic quetamax pa ronojel ri uwächulew.

Ri Jeremiy 10:6

Ajawaxel, man c'o ta jachin jun jacha' ta ri lal: ri lal nim banic la, ri bi' la nim u banic xukuje' cuinel.

Ri Jeremiy 10:7

¿Jachin ta ri ma ta cuxe'j rib chwäch la, cajawinel ri nimak tak tinimit? Lal ya'tal che la chi chxex ib chwäch la. Chquixo'l conojel ri ajno'jab xukuje' tak ri ajawinelab re ri uwächulew, man c'o ta jachin jun jacha' ta ri lal.

Ri Daniel 2:45

Are wa' ri quel cubij ri abaj ri xil la, ri xc'otoc'ob ulok che ri juyub, ri man c'o ta jachin xch'icnim ulok; abaj ri xuban puc'uc' ulew che ri ch'ich', ri k'an ch'ich', ri t'ac, ri sak puak xukuje' ri k'an puak. Ri nimalaj Dios u k'alajisam chwäch la, ri maja' quec'ulmataj pa tak ri k'ij ri quepe na. Ri ichic' kas jic, xukuje' ri quel cubij, kas cac'ulmataj na.”

Nabe Tzijobelil 16:25

rumal rech chi ri Ajawaxel nim u k'ij xukuje' ya'tal u k'ijilaxic, xukuje' xibibal na chquiwäch conojel tak ri diosib.

Salmib 48:11

¡Chquicot ri juyub Sion! ¡Chech'opintaj che quicotemal tak ri tinimit aj Juda cumal ri suc'alaj tak chomanic la!

Salmib 65:9

Ri lal coc la il che u chajixic ri ulew; cätak la ulok ri jäb che u ja'xic xukuje' cäban c'u la chi cäwächinic; lal cumal nimak tak jäb cäban la chi queq'uiy tak ri trico. ¡Jewa' cäban la che u suc'umaxic ri ulew!

Salmib 86:9

Oh Ajawaxel, lal lal wocowinak conojel ri nimak tak tinimit, quepe c'u na uc' la che k'ijilaxic la xukuje' che u ya'ic u k'ij ri bi' la.

Salmib 96:8

chiya' ri nim ilic che ri Ajawaxel ri ya'tal che; chixoc chuwäch ri rachoch cuc' tak sipanic,

Salmib 138:5

Cäquiya' na u k'ij ri Ajawaxel rumal ri u chomam u banic, nim c'u ri u juluwem ri Ajawaxel.

Ri Isaiy 19:21

Ri Ajawaxel cuc'ut na rib chquiwäch ri aj ejiptib, ri e are' c'ut cäquetamaj na u wäch ri Ajawaxel, cäquik'ijilaj na, quequiya' na tabal tok'ob chuwäch xukuje' sipanic. Kas cäquiban c'u na ri cäquichi'j che ri Ajawaxel.

Ri Isaiy 30:27

Chiwilampe', ri Ajawaxel chwinakil petinak chi naj ri u c'anal cätajin canicowic ruc' tzatzalaj sibal, ri u chi' nojinak che oyowal, ri rak' junam ruc' ri k'ak' ri cuporoj ronojel,

Ri Jeremiy 4:2

c'äte c'u ri' catcuinic caban ri chi'nic ri kas cäban na pa ri nu bi' ruc' kastzij, suq'uilal xukuje' colomal. Ri nu bi' cux na chque ri nimak tak tinimit che tewichibal xukuje' che k'ijilanic.

Ri Malaquiy 3:3

Ri Ajawaxel cut'uyuba' na rib che qui josk'ixic tak ri e cojol tabal tak tok'ob, ri e rija'lil ri Levi, jacha' ta ne ri cuban ri ch'ajal sak puak xukuje' k'an puak chupam ri k'ak'. Aretak c'u cabantaj wa' ri e are cuya' caquicoj ri qui sipanic chuwäch ri Ajawaxel, jacha' ri takal u banic cumal.