Ri Lucax 6:48 - Quiché Bible

⁴⁸ Are' junam ruc' jun winak ri xuyac jun ja, ri xuc'ot ri u c'olbal, naj xukasaj, xucoj ri u tac'alibal puwi' abaj. Aretak xpe jun nimalaj jäb, xnimar ri nima', xupujij rib chrij ri ja ri', man xcuin ta c'u che u yicopisaxic, rumal rech chi kas utz u yaquic banom.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴⁸ We winaq riꞌ kajunumataj rukꞌ ri achi ri xuyak jun rachoch. Xukꞌot ri ulew, naj xuqasaj kꞌa xuꞌriqa na ri abꞌaj, kꞌa te riꞌ xubꞌan kan ri utakꞌalibꞌal ri ja. Are xpe jun nimalaj nimaꞌ, xuꞌpuyij ribꞌ cho ri ja, xa ta ne nitzꞌ xkwin chusalabꞌaxik rumal cher sibꞌalaj utz xbꞌan che uyakik.

K'iche'

⁴⁸ Junam wa' we winak ri' ruc' jun winak ri cuyac rachoch. Cuc'ot ri ulew, naj cukasaj. Cuban ri tac'alibal re ri ja puwi' ri abaj. Aretak cäpe jun nimalaj u wo ja', ri ja' cupuq'uij rib chrij ri ja ri', man cäcowin tä c'u chuyico'misaxic rumal chi yacom wa' puwi' ri abaj, —cächa'.

K'iche' (New Orthography)

⁴⁸ Junam wa' we winaq ri' ruk' jun winaq ri kuyak rachoch. Kuk'ot ri ulew, naj kuqasaj. Kub'an ri tak'alib'al re ri ja puwi' ri ab'aj. Aretaq käpe jun nimalaj u wo ja', ri ja' kupuk'ij rib' chrij ri ja ri', man käkowin tä k'u chuyiko'misaxik rumal chi yakom wa' puwi' ri ab'aj, —kächa'.

Ri Lucax 6:48 Referans Kwoze

Salmib 62:2

Xuwi ri are' quincolowic xukuje' qui nu ch'uku'; man quintzak taj, che c'u quinchap wi wib.

Ri Isaiy 28:16

Rumal ri', ri Ajawaxel cubij: “Quincoj na jun abaj pa Sion, jun abaj ri cha'om ri sibalaj pakal rajil, are c'u abaj wa' ri nim u patan, ri cajwataj na che tac'alibal. Ri c'o u jiquiban wi c'uxaj, man quebel ta na ch'u'j.

Ri Juds 1:24

Ri Dios ri c'o ronojel u cuinem che i chajixic rech man quixtzak taj, jeri' man ix tz'ajtajinak taj aretak quixutac'aba' chuwäch ri u juluwem ruc' nimalaj quicotemal.

Ri Isaiy 26:4

Chicu'ba' i c'u'x chrij ri Ajawaxel amak'el are' c'u jun to'bal ib ri junalic.

Efesios 2:20

Ix je ta ne jun ja, ri yacom puwi' ri tac'alibal ri e cojom wi ri takomxenlab xukuje' ri k'axal tak tzij. Ri Jesucrist are' ri nabe abaj re ri u ch'u'c ja.

1 Juan 2:28

Are c'u ri camic lok'alaj tak wa'lc'ual, chixcanaj nuc'talic ruc' ri Crist rech cäcu'bi ka c'u'x aretak cuc'utunisaj rib ma ta c'u cakana' q'uixbal chuwäch ri are' aretak cäpetic.

2 Timoteo 2:19

Pune' ba jewa' tajin caquibano, are c'u ri u tac'alibal ri Dios co tac'alic, keta'm chi kastzij rumal we tzij ri': “Ri Ajawaxel cuch'ob qui wäch ri e rech”, xukuje' ri jun tzij chic: “Ronojel winak ri cubij chi cojoninak che ri Ajawaxel, chutasa' rib chrij ri etzelal.”

Salmib 32:6

Rumal ri' pa tak ri jok'otaj aretak e c'o c'axc'olil ri e jic caquitz'onoj na chi queto' la, pune' quetixtob ulok ri nimak tak ja', man quebopan ta na cuc'.

Ucab Samuel 22:32

¿Jachin ta chic ri Dios, we ta ma ta are' ri Ajawaxel? ¿Jachin ta chic jun dios c'olic ri cacuin ta che u to'ic ka wi'?

E C'ambal tak Tzij 10:25

Coc'ow ri quiakik' jäb cäsach c'u u wäch ri banal etzelal, are' c'u ri suc' cäjeki' amak'el.

Ucab Samuel 22:47

¡Yokok u k'ij ri Ajawaxel! ¡Tewichitalic ri to'l wech! ¡Nimarisax u k'ij ri Ajawaxel, ri quinuto'tajisaj xukuje' cuto' nu wi'!

Ri Isaiy 59:19

Conojel ri winak cho ri uwächulew pa elebal k'ij c'ä che u kajebal k'ij, nim caquil wi na ri Ajawaxel aretak cäquilo chi nim u banic, cäpe c'u na ri are' jacha' jun nimalaj nima' ri walijinak u wäch ri slabesam rumal jun nimalaj quiakik'.

2 Pedro 1:10

Rumal ri', wachalal, quinbij wa' chiwe: Ri Dios xixuch'a xukuje' ix cha'talic. Chicojo' ba i chuk'ab che u c'utic pa ri i c'aslemal chi kastzij ix siq'uim xukuje' ix cha'tal rumal ri Dios. We jewa' quibano, mawi jumul quixtzakic.

Hechos 14:22

Xya' c'u chajin anima' chque ri cojonelab rech co quec'oji' chupam ri qui cojonic. Xquibij chque chi che ri oquem chupam ri rajawibal ri Dios rajawaxic qui rikic q'ui c'axc'olil.

Ri Xuan 16:33

We jastak ri' nu tzijom chiwe, rech quirik jamaril chupam ri u junaxic iwib wuc'. Pa ri uwächulew quirik na c'axc'olil. Chijiquiba' ba' i c'u'x, ri in in ch'äcaninak puwi' ri uwächulew.”

Ri Nahum 1:8

Jacha' c'u jun jik'isanelalaj ja' ri ronojel cumuku, cusachisaj c'u qui wäch ri caquitac'aba' quib chuwäch che u c'ulelaxic; k'ekumalil querikow na tak ri qui banom qui c'ulel che.

Salmib 95:1

Chixpetok, ka bixoj ri Ajawaxel ruc' quicotemal; chujbixon che ri ch'ukul kech xukuje' ka Colonel.

Ucab Samuel 22:5

Ri cämical xinuputzcuyij pa tak ri u rekbala'; xina' xe'n ib chuwäch ri u tza'm ja' ri cämisanel.

U Camulixic ri Pixab 32:15

Xchomar c'ut ri Jesurun, xuchaplej c'u yak'anic (sibalaj xchomaric) xuxutuj c'u can ri Dios ri xq'uiyisanic; xretzelaj u wäch ri to'l rech xukuje' colol rech.

Ucab Samuel 23:3

Ri u Dios ri Israel ch'awinak; ri to'l rech ri Israel u bim chwe: ‘Ri cuk'at tzij paquiwi' ri winak ruc' suq'uilal, ri cuk'at tzij chupam ri xe'n ib chuwäch ri Dios.

Ucab Samuel 22:2

Je xubij wa': “Lal, Ajawaxel ri to'l wech, ri c'o wi ri nu panibal, ri nu toronel,

Nabe Samuel 2:2

¡Man c'o ta jun ri tastal taj ri man cuban ta etzelal jacha' ri lal, Ajawaxel! ¡Man c'o ta jun cuya' ta to'banic jacha' ri lal, ka Dios! ¡Man c'o ta chi jun we ta ma ta xuwi ri lal!

U Camulixic ri Pixab 32:31

Sibalaj queta'm ri ka c'ulel chi ri to'l quech man junam ta ruc' ri kech uj.

U Camulixic ri Pixab 32:18

Israel, a xsach ri a tat pa a jolom, ri xukuje' to'l awech; xsach ri Dios pa a jolom ri xyo'w a c'aslemal.

Ri Lucax 6:47

Apachin ta ne ri cäpe wuc', quebutatabej c'ut ri e nu tzij, quebuban c'ut, quinc'ut na chiwäch jacha' ruc' cajunamataj wi:

Ri Lucax 6:49

Are c'u ri jun ri cutatabej ri nu tzij, man cunimaj ta c'ut, junam ruc' jun winak ri xuyac rachoch puwi' ri ulew, man xucoj ta c'ut u tac'alibal. Ri nima' xupujij rib chrij, chanim xtzak ri ja, nim c'ut ri u yojyobic.”