Ri Lucax 6:41 - Quiché Bible

⁴¹ ¿Jasche caca'yej ri mes ri c'o pa ri u bak'wäch ri awachalal, are c'u ri cuta'm ri c'o pa ri a bak'wäch at, man cawil taj?

RI KꞌAKꞌ TESTAMENTO PA TZIJOBꞌAL KꞌICHEꞌ

⁴¹ ¿Jas kꞌu che kꞌax kanaꞌ che ri awachalal are kꞌo jun nitzꞌ mes pa ubꞌoqꞌoch are kꞌu ri at kꞌo jun kutaꞌm pa ri awe?

K'iche'

⁴¹ ¿Jas che c'o cabij chquij niq'uiaj winak chic? Je' ta ne chi caca'yej jun alaj mes ri c'o pa ru wak'äch ri awachalal, man cawil tä c'u ri a mac at ri je' ta ne jun tem ri c'o pa ri a wak'äch.

K'iche' (New Orthography)

⁴¹ ¿Jas che k'o kab'ij chkij nik'iaj winaq chik? Je' ta ne chi kaka'yej jun alaj mes ri k'o pa ru waq'äch ri awachalal, man kawil tä k'u ri a mak at ri je' ta ne jun tem ri k'o pa ri a waq'äch.

Ri Lucax 6:41 Referans Kwoze

Ri Xuan 8:7

Quitakem c'ut u c'otic u chi', xtaq'ui' c'u ri Jesus, xubij chque: “Apachin chiwe ri man c'o ta u mac, chuq'uiaka' ri nabe abaj che.”

Santiago 1:24

Kas cuca'yej bi rib, cäbe c'ut, chanim cäsach pa u jolom jas ri u banic.

Romanos 2:1

Rumal c'u ri', man c'o ta cawesaj wi awib, xa' ta ne at apachinok ri catk'atow tzij. Aretak c'u cak'at tzij puwi' jun chic, cätajin cac'am ulok c'ax pawi' chbil awib. Ri at c'ut ri catk'atan tzij, xa' junam caban ruc' ri jun ri cak'at tzij puwi'.

Ri Jeremiy 17:9

Man c'o ta jun jasach c'olic ri sibalaj ta subunel na xukuje' sibalaj ta etzeletajinak na jacha' ri anima'aj aj winak. ¿Jachin ta ri ticarel che retamaxic?

Ri Ezequiel 18:28

We quebujak ri u bak'wäch cuk'il c'u rib man quebuban ta chic conojel ri etzelal ri e u banom can nabe, kastzij cutakej na c'aslemal man c'u cäcäm ta na.

Salmib 36:2

Cuna' rib chi takal che chi cäya' u k'ij, are' c'u pa u c'u'x chi man etzelal ta ri cubano.

Nabe Tzijobelil 21:6

Man xebajilax ta c'ut ri amak' re Levi xukuje' ri e aj Benjamin, u banom c'u royowal ri Joab che ri takanic ri xuya' ri ajawinel.

Nabe Ajawinelab 2:32

Ri Ajawaxel cuban na chi are' cäkajben ri macaj rech ri kas u cämical, man c'u xretamaj ta ri nu tat, ri Joab xebutok' quieb achijab che ch'ich' ri sibalaj e jic xukuje' e utz na chuwäch ri are': ri Abner ri u c'ojol ri Ner, quinimal ri cajch'ojab ri aj israelib, xukuje' ri Amas, ri u c'ojol ri Jeter, quinimal ri cajch'ojab aj Juda.

Ri Matey 7:1

“Mik'at tzij paquiwi' jule' chic, rech man cäk'at ta tzij piwi' ix.

Ri Lucax 6:40

Ri tijoxel man coc'ow ta na ri retamanic chuwäch ri rajtij. Ri tijoxel, aretak cutz'akatisaj ri retamanic, cux na junam ruc' ri rajtij.

Ri Lucax 6:42

¿La cuya' lo cabij che ri awachalal: ‘Wachalal, chaya' chi quinwesaj na ri mes ri c'o pa ri a bak'wäch’, man cawil ta c'u ri cuta'm ri c'o pa ri a bak'wäch at? Xa' quieb a wäch, nabe chawesaj ri cuta'm pa ri a bak'wäch at. C'äte ri' kas catca'y che resaxic ri mes pa ri u bak'wäch ri awachalal.”

Marcos 8:7

Xukuje' c'o cuc' quieb oxib alaj tak cär. Ri Jesus xmaltioxin c'u che ri Dios, xukuje xubij chi chejachok.