Ri Lucax 6:21 - Quiché Bible

²¹ Utz iwe ri quixnum camic, rumal rech chi quixnojisax na. Utz iwe ri quixok' camic, rumal rech chi quixtze'n na.

RI KꞌAKꞌ TESTAMENTO PA TZIJOBꞌAL KꞌICHEꞌ

²¹ Utz iwe ri kixnum kamik rumal cher kayaꞌtaj na iwa rech kakubꞌiꞌ ikꞌuꞌx. Utz iwe ri kixoqꞌ kamik, rumal cher kixtzeꞌtzet na.

K'iche'

²¹ Utz iwe ix ri quixnum cämic rumal chi sibalaj c'o ri quitij na. Utz iwe ix ri quixok' cämic rumal chi quixtze'n na ruc' quicotemal.

K'iche' (New Orthography)

²¹ Utz iwe ix ri kixnum kämik rumal chi sib'alaj k'o ri kitij na. Utz iwe ix ri kixoq' kämik rumal chi kixtze'n na ruk' kikotemal.

Ri Lucax 6:21 Referans Kwoze

Ri Xuan 6:35

Ri Jesus xubij chque: “In ri' ri wa re c'aslemal. Apachin ri cäpe wuc' in, man cänum ta chi na. Apachin ri cäcojon chwe in, mawi jumul cächaki'j ta chic u chi'.

Ri Matey 5:6

Utz que ri quenumic ri cachak'ij qui chi' che u banic ri u takanic ri Dios, cuban c'ut ri are' chi catz'akat na ri caquirayij.

Santiago 1:12

Caquirik ri quicotemal ri winak ri cucoch' ri c'ambejenic ruc' nimalaj chuk'ab, aretak c'u quilitajic chi ch'äcaninak cuc'am na ri c'aslemal che tojbal rech, are c'u corona wa' ri u chi'm ri Dios chque ri quelok'ok'en che.

Ri Lucax 1:53

Q'ui ri utzil xuban chque ri winak ri quenumic, xeresaj c'u bic ri k'inomab, man c'o ta xuya' bic chque.

Ri Matey 5:4

Utz que ri quebok'ic, cacu'bisax c'ut qui c'u'x rumal ri Dios.

Apocalipsis 7:16

Man quenum ta chic, mawi cächak'ij chic qui chi'. Man quec'at ta chic rumal ri k'ij, man c'o ta chi k'ak' cuban c'ax chque.

Ri Lucax 6:25

¡C'ax iwe, ri ix nojinak rumal rech chi quixnum na! ¡C'ax iwe ix ri quixtze'n camic, rumal rech chi quixok' na rumal bis!

1 Corintios 4:11

C'ä pa we jok'otaj ri' cujnumic, cächaki'j ka chi', man e c'o ta katz'iak, uj ch'ayo'm chk'ab, man c'o ta kas kachoch.

Ri Xuan 4:10

Ri Jesus xubij che: “We ta aweta'm ri cusipaj ri Dios, we ta aweta'm jachin ri' ri cubij chawe: ‘Chaya' nu joron’, at ta ri' cata' awe che, ri in c'ut quinya' ta awe ri' ri c'aslic joron.”

Ri Jeremiy 31:9

Quepe na ruc' tz'ononic xukuje' ok'enic. In quebenc'am na bic jawije' e c'o wi binel tak ja', pa jun lianic be jawije' ri man caquichak'ij ta wi quib. In c'ut ri u tat ri Israel, are c'u ri Eprain are nabeal nu c'ojol.

Ri Isaiy 30:19

Tinimit aj Sion ri at jekel pa Jerusalen: Matakej chi ok'ej. Ri Ajawaxel quel na u c'u'x chawe aretak cuto carak achi' che u ta'ic ri u to'banic, xuwi c'u catuto' cuya' na ri catz'onoj che.

Salmib 107:9

Ri are' cuchupisaj ri u chaki'j chi' ri cachaki'j u chi' cutz'ebej c'u u tzukic ri c'o pa numic.

Salmib 17:15

Are c'u ri in, kastzij cäcu'bi nu c'u'x ruc' ri rilic rib ka wäch uc' la, ¡ruc' ri nu c'olem chwäch la aretak chinc'astajic!

Chapletajic 21:6

Xubij ri Sara pa ranima': “Ri Dios xuya' quicotemal chwe, conojel c'u ri cäquetamaj chi c'olinak jun wal, quequicot na wuc'.

Chapletajic 17:17

Xumej rib ri Abraham c'ä xuya' na ri u palaj cho ri ulew, xtze'n c'ut. Cätajin cuchomaj: “¿La cuya' ta lo chi jun achi ri jun sient chic u junab cäcuinic cux ta tataxel? ¿La cuya' ta lo chi ri Sara quec'ol ta jun ral chujumuch' lajuj (90) u junab?”

Apocalipsis 21:3

Xinta' jun cowilaj ch'abal ri xel ulok pa ri tem re ajawibal, ri xubij: “Chiwilampe', ri u kajebal ri Dios c'o chquixo'l ri winak. Cajeki' c'u na cuc'. Ri e are' quebux na u tinimit, kas are' ri Dios cac'oji' na cuc' cux c'u na qui Dios.

2 Corintios 12:10

Rumal ri' quinquicotic aretak man c'o ta nu chuk'ab, aretak quinyok'ic, aretak man c'o ta ri cajwataj chwe, aretak quinokataxic, xukuje' aretak quinrik c'ax rumal rech ri Crist. Aretak c'u in tukar, c'äte ri' sibalaj c'o nu chuk'ab.

2 Corintios 11:27

Nu banom c'axalaj tak chac, nu rikom tak c'ax. Q'ui mul man xinrik ta quintijo, nu rikom wi'jal, nu rikom chaki'j chi', q'ui mul man ximwataj, xinc'oji' pa tew, quint'unuwic.

2 Corintios 6:10

Je ta ne ri cujbisonic, cujquicot c'u ne amak'el; je ta ne ri uj ta mebayib, e q'ui c'u ne ri e ka k'inomarisam; je ta ne ri ma ta c'o jas c'o kuc', c'o c'u ne ronojel kuc'.

Ri Xuan 11:35

Xok' ri Jesus.

Ri Ezequiel 9:4

xubij c'u che: “Chabinibej ri tinimit Jerusalen, chacojo' jun etal che ri qui palaj ri winak ri caquina' bis xukuje' c'axc'obic qui mac quech ri e xojibalalaj tak jastak ri queban pa Jerusalen.”

Ri Ezequiel 7:16

Pune' e c'o jujun quecuinic caquito' quib quebe pa tak ri c'ache'laj jacha' palomax ri quixibim quib, conojel quecäm na rumal tak ri qui mac.

Ri Jeremiy 31:25

Quintilichi'j na ri qui wa xukuje' ri cuq'uia' ri e cosinak xukuje' ri man c'o ta chi qui chuk'ab.”

Ri Jeremiy 13:17

We c'u ne man quixoc ta il che u nimaxic ri cäya' u bixic chiwe, quinok' na chi c'uyal u mac ri nimal ri quixc'amowic; quebelel na ri u wa'l tak wächaj chque ri nu bak'wäch, rumal rech chi e yutuyuj quec'am na bic ri e u jumulaj ri Ajawaxel.

Ri Jeremiy 9:1

¡C'o ta banom wi chi ri e nu bak'wäch e jacha' ta jun bulbux ja', jacha' ta jun nima' u wa'l wächaj, rech quinok' chi pa k'ij chi chak'ab paquiwi' ri e u cäminakib ri nu tinimit!

Ri Isaiy 66:10

“Chixjajat ruc' ri Jerusalen, chixnoj che quicotemal ruc; iwonojel ri lok' iwumal chijunaj iwib ruc' ri u quicotemal iwonjel ri iwok'em u wäch;

Ri Isaiy 25:6

Pa ri juyub Sion, ri Ajawaxel ri c'o ronojel u cuinem, cusuc'umaj na chque conojel ri nimak tak tinimit jun wa'im ri quetijow wi na je'lalaj tak jastak xukuje' u wa'l uva ri k'obisam, rachil je'licalaj tak riquil xukuje' ri kas utzalaj u wa'l uva.

Salmib 143:6

Quebenyuk apan ri nu k'ab che la, cächaki'j nu chi' che la, jacha' ri chaki'j ulew.

Salmib 119:136

Nima' quech u wa'l wächaj queturuw tak chque ri nu bak'wäch, rumal rech chi man nim ta quil wi ri tijonic la.

Salmib 65:4

Utz re ri winak ri cächa' la ri cäc'am c'u la bic rech cäjeki' chnakaj la, pa tak ri c'olbal ri e c'o pa ri achoch la. ¡Chujnojisaj la che ri utz na ri c'o pa ri achoch la, che ri u tastaliquil ri achoch la!

Salmib 28:7

Ri Ajawaxel are' cuinelalaj to'l wech; chrij xinya' wi ronojel ri cu'lbal nu c'u'x, xinuto' c'ut. Cäquicot ri wanima'; quinbixonic, xukuje' quinya' maltioxinic che ri Ajawaxel.

Ri Lucax 6:20

Ri Jesus xca'y chque ri u tijoxelab, xubij: “Utz iwe ri ix mebayib, rumal rech chi iwech ri rajawibal ri Dios.

Ri Lucax 6:22

Utz iwe aretak quetzelax i wäch cumal ri winak, aretak quixquitas apanok, quixquiyok'o, cäquibij chi ix itzel tak winak, ronojel wa' cäquiban chiwe rumal rech ri Rija'l Winak.