Ri Lucax 6:14 - Quiché Bible

¹⁴ E are tak wa': ri Simon (ri xukuje' xubinaj Lu' rumal), ri Trix rachalal ri Lu', ri Santiag, ri Xuan, ri Pelip, ri Bartolome,

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ ri Simón ri xubꞌij Pedro che, ri Andrés uchaqꞌ ri Pedro, ri Jacobo, ri Juan, ri Felipe, ri Bartolomé,

K'iche'

¹⁴ E are tak wa' ri xeucha' ri Jesús: Ri tat Simón ri xukuje' cäbix Pedro che, ri tat Andrés u chak' ri tat Pedro, ri tat Jacobo xukuje' ri tat Juan, ri tat Felipe xukuje' ri tat Bartolomé.

K'iche' (New Orthography)

¹⁴ E are taq wa' ri xeucha' ri Jesús: Ri tat Simón ri xuquje' käb'ix Pedro che, ri tat Andrés u chaq' ri tat Pedro, ri tat Jacobo xuquje' ri tat Juan, ri tat Felipe xuquje' ri tat Bartolomé.

Ri Lucax 6:14 Referans Kwoze

Hechos 1:13

Aretak xeboc bic, xepaki' pa ri cawik ja jawije' ri e c'olinak wi. E are' wa ri Lu', ri Xuan, ri Santiag, ri Trix, ri Pelip, ri Max, ri Bartolome, ri Matey, ri Santiag u c'ojol ri Alpey, ri Simon re ri Juk'at Selotib, xukuje' ri Juds rachalal ri Santiag.

Ri Matey 4:21

Xbin chi apan jubik' ri Jesus, xeril chi quieb cachalal quib: Ri Santiag ruc' ri Xuan, e u c'ojol ri Zebedey. E c'o chupam ri jucub ruc' ri Zebedey ri qui tat, cätajin quequic'ojoj tak ri qui c'at. Ri Jesus xebusiq'uij.

Ri Matey 4:18

Ri Jesus cätajin cäbin chuchi' ri cho re Galiley, xeril quieb achijab cachalal quib. Ri jun are ri Simon ri xukuje' cäbix Lu' che, ri jun chic are ri Trix. Cätajin cäquiq'uiak ri qui c'at chapbal cär pa ri cho, e cäranelab c'ut.

2 Pedro 1:1

Ri in Simon Lu', rajchac xukuje' takom re ri Jesucrist, quintz'ibaj we wuj ri' chque conojel ri qui rikom ri cojonic ri sibalaj nim rajil junam ruc' ri ke uj, rumal ri u suq'uil ri ka Dios xukuje' ka Colonel Jesucrist.

Hechos 12:2

Xtakanic chi cacämisax ri Santiag che ch'ich', ri rachalal ri Xuan.

Ri Xuan 14:8

Xubij ri Pelip che: “Kajaw, c'utu' la ri Tataxel chkawäch, cuban c'u wa' chke.”

Ri Xuan 6:8

Jun chque ri u tijoxelab, ri Trix rachalal ri Simon Lu', xubij che:

Ri Xuan 6:5

Ri Jesus xca'yic, xrilo chi sibalaj q'ui winak e petinak ruc', xubij che ri Pelip: “¿Jawije' cäkalok' wi caxlanwa chque conojel we winak ri'?”

Ri Xuan 1:45

Ri Pelip xurik ri Natanael, xubij che: “Xkarik ri jun ri xtz'ibam ri Moises chrij chquipam ri wuj re ri pixab, ri xukuje' xetz'ibam ri e k'axal tak tzij chrij. Are' ri Jesus, u c'ojol ri Jose aj Nazaret.”

Ri Lucax 5:10

Xukuje' xumay ri Santiag xukuje' ri Xuan ri e u c'ojol ri Zebedey, ri e rachil ri Simon. Ri Jesus xubij che ri Simon: “Maxe'j awib. Kas camic cachaplej qui cäraxic winak.”

Ri Lucax 5:8

Ri Simon Lu', aretak xrilo, xutzak rib cho ri ulew chuwäch ri Jesus, xubij: “Tasa' ib la chwe, Wajaw, in c'u ajmac.”

Marcos 14:33

Xebuc'am bic ri Lu', ri Santiag, ri Xuan che rachil. Ri Jesus xuchaplej nimalaj bis, xc'axc'ob ri ranima'.

Marcos 9:2

E oc'owinak chi wakib k'ij ri Jesus xebuc'am bic ri Lu', ri Santiag xukuje' ri Xuan. Xebuc'am bic pa qui tuquiel wi puwi' jun juyub naj elinak chicaj. Xq'uextaj c'u ri u wächbal ri Jesus chquiwäch.

Marcos 5:37

Man xuya' ta c'u ri Jesus chi c'o jun cäteri bic chrij, xane' xuwi ri Lu', ri Santiag, ri Xuan ri rachalal ri Santiag.

Marcos 1:29

Chanim xebel bic ri Jesus pa ri ja ri cäquitijoj wi quib ri aj judeyib che ri pixab. Xopan cho cachoch ri Simon xukuje' ri Trix, e rachilam c'u ri Santiag xukuje' ri Xuan.

Marcos 1:19

Oc'owinak chi c'u apan jubik', ri Jesus xril ri Santiag (u c'ojol ri Zebedey) rachil ri Xuan ri rachalal. E c'o pa jun jucub, quequic'ojoj ri qui c'at.

Ri Matey 10:3

ri Pelip, ri Bartolome, ri Max, ri Matey ri tok'il alcabal, ri Santiag u c'ojol ri Alpey, ri Tadey,

Ri Matey 10:2

Ri cablajuj takomxenlab e are wa' ri qui bi': ri nabe Simon, ri cäbix Lu' che, ri Trix ri rachalal, ri Santiag u c'ojol ri Zebedey, ri Xuan ri rachalal,

Marcos 3:16

Are' c'u wa' ri cablajuj ri xebucha'o. Ri Simon ri xucoj Lu' che ucab u bi';

Ri Lucax 6:13

Aretak xsakaric, xebusiq'uij ri u tijoxelab, xebucha' cablajuj chquixo'l, ri xquibinaj takom rumal.

Ri Lucax 6:15

ri Matey, ri Max, ri Santiag u c'ojol ri Alpey, ri Simon re ri juk'at aj cananib,