Ri Lucax 5:17 - Quiché Bible

¹⁷ Pa jun k'ij, aretak ri Jesus cätajin quebutijoj ri winak, e t'uyut'oj c'u ri pariseyib chila' xukuje' ajtijab re ri pixab, ri e petinak pa conojel alaj tak tinimit re Galiley, re Judey xukuje' pa Jerusalen. Are c'u ri u cuinem ri Ajawaxel c'o ruc' ri Jesus che cunanic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁷ Jun qꞌijal are tajin kuya kꞌutuꞌn ri Jesús, e tꞌuyutꞌuj ri fariseos xuqujeꞌ ri aꞌjtijabꞌ rech ri taqanik chunaqaj ri Jesús. Are waꞌ ri e petinaq pa taq ri leꞌaj rech Galilea, rech Judea, xuqujeꞌ e kꞌo jujun ri kepe pa ri tinimit Jerusalén. Ri ukwinem ri Ajawxel kꞌo rukꞌ ri Jesús chikiꞌkunaxik ri winaq.

K'iche'

¹⁷ Pa jun k'ij ri Jesús tajin cuya tijonic. E t'uyut'oj c'u ri tata'ib fariseos xukuje' ri tijonelab re ri Pixab chunakaj ri Jesús. E elinak c'u lok ri e are' pa ronojel tinimit re Galilea, re Judea, xukuje' e c'o jujun ri xepe pa Jerusalén. Are c'u ri Jesús, sibalaj c'o ru chuk'ab ri Dios ruc' che cunanic.

K'iche' (New Orthography)

¹⁷ Pa jun q'ij ri Jesús tajin kuya tijonik. E t'uyut'oj k'u ri tata'ib' fariseos xuquje' ri tijonelab' re ri Pixab' chunaqaj ri Jesús. E elinaq k'u loq ri e are' pa ronojel tinimit re Galilea, re Judea, xuquje' e k'o jujun ri xepe pa Jerusalén. Are k'u ri Jesús, sib'alaj k'o ru chuq'ab' ri Dios ruk' che kunanik.

Ri Lucax 5:17 Referans Kwoze

Ri Lucax 6:19

Conojel ri winak cäquitzucuj u nakic ri Jesus, rumal rech ri cuinem ri c'o ruc' che qui cunaxic conojel.

Ri Lucax 8:46

Ri Jesus xubij: “C'o jun ri xinunako. Xinna' c'ut chi xel chuk'ab chwe.”

Hechos 19:11

Ri Dios xebuban nimak tak mayibal rumal ri Pawl.

Ri Matey 11:5

Ri moyab, queca'yic chic. Ri ch'ocojib quebin chic. Ri c'o ch'a'c chquij quecunatajic. Ri man queta'm taj, queta'm chic. Ri cäminakib quec'astajic. Chque ri mebayib cätzijox wi ri utzalaj tzijol.

Hechos 4:30

Ruc' ri chuk'ab la, bana' la cunanic, bana' la etal, bana' la mayibal pa ri u bi' ri tastalicalaj pataninel la ri Jesus.”

Marcos 7:1

Ri pariseyib xukuje' jujun chque ri ajtijab re ri pixab, e petinak c'ä pa Jerusalen, xquimulij quib ruc' ri Jesus.

Marcos 5:30

Ri Jesus xuna' chi c'o chuk'ab xel che. Xutzolk'omij rib chquixo'l ri q'uialaj winak, xubij: “¿Jachin xchapow ri watz'iak?”

Ri Matey 15:1

Xepe c'u ri ajtijab re ri pixab xukuje' ri pariseyib ri e petinak pa Jerusalen. Xebopan ruc' ri Jesus, xquibij che:

Ri Xuan 3:21

Apachin c'u ri cuban ri kastzij, cäpe cho ri chäj, rech quek'alajisaxic ri cubano cäjunamataj ruc' ri u rayibal ri Dios.”

Ri Lucax 2:46

Oc'owinak chi oxib k'ij, xequirika' ri Jesus pa ri rachoch Dios, t'uyul pa qui niq'uiajil ri ajtijab. Quebutatabej, cuc'ot qui chi'.

Ri Lucax 15:2

Xewixwit c'u ri pariseyib xukuje' ri ajtijab re ri pixab, xquibij: “We achi ri' quebuc'ulaj ri ajmaquib, cäwa' cuc'.”

Ri Lucax 7:30

Ri pariseyib c'ut xukuje' ri ajtijab re ri pixab, man nim ta xquil wi ri u rayibal ri Dios, man xban ta c'u qui bautism rumal.

Ri Lucax 5:30

Ri pariseyib cuc' ri ajtijab re ri pixab xech'ach'at chquij ri u tijoxelab ri Jesus, xequichaplej qui c'ulelaxic, xquibij chque: “¿Jasche quixwa'ic, quixuq'uian cuc' tok'il tak alcabal xukuje' cuc' ajmaquib?”

Ri Lucax 5:21

C'äte c'u ri' ri ajtijab re ri pixab xukuje' ri pariseyib xquichaplej chomanic pa canima', xquibij: “¿Jachin wa', ri cuc'ulelaj ri Dios? ¿Jachin ta ri cäcuin che u sachic mac, xane' xuwi ri Dios?”

Marcos 16:18

quequich'elej tak na cumätz. We ne quequikumuj jastak ri quecämisanic man cuban ta na c'ax chque. Quequiya' na ri qui k'ab paquiwi' ri yawabib, quecunataj c'u wa'.

Marcos 3:22

Ri ajtijab re ri pixab ri e kajinak ulok pa Jerusalen, cäquibij chi c'o ri Beelzebu ruc'. Cäquibij chi queresaj itzel tak uxlabal rumal ri qui nimal ri itzel tak uxlabal.

Marcos 1:45

Aretak elinak chi bic ri achi, sibalaj xutzijoj ri xbanic. Je c'u ri' ri Jesus man cäcuin ta chic coc bic chi sakil pa tak ri tinimit, xane' cacanaj can chquij tak ri tinimit pa tak c'olbal ri man e c'o ta wi winak. Xebel c'u ulok ri winak pa conojel tak tinimit, che rilic.

Ri Xuan 3:10

Ri Jesus xubij che: “At ajtij re Israel, ¿la ma ta c'u aweta'm wa'?

Hechos 5:34

Xwalij c'u jun chque ri pariseyib chquiwäch ri k'atal tak tzij, Gamaliel u bi'. Are jun ajtij re ri pixab, nim quil wi cumal conojel ri winak. Xtakanic chi quebesax apan ri takomxenlab.