Ri Lucax 4:23 - Quiché Bible

²³ Ri Jesus xubij chque: “Kastzij quibij na we tzij ri' chwe: ‘¡Aj cun, chacunaj awib! Conojel jastak ri e ka tom ri xeban pa Capernaum, chabana' xukuje' waral pa we awulew ri'.’ ”

RI KꞌAKꞌ TESTAMENTO PA TZIJOBꞌAL KꞌICHEꞌ

²³ Xubꞌij kꞌu ri Jesús chike: Kibꞌij wa chwe ri jun kꞌambꞌejabꞌal noꞌj: “Ajkun, chakunaj awibꞌ.” Chabꞌana ri mayijabꞌal taq jastaq waral jacha pa ri xabꞌan pa ri tinimit Capernaúm.

K'iche'

²³ Xubij chque: Wetam ri cäbij na alak chwe in: “Ajcun, cunaj ib la,” —cächa na alak chwe. “Ri ka tom chi xeban la pa ri tinimit Capernaum, chebana c'u la waral pa ri tinimit la,” —cächa na alak, —xcha chque.

K'iche' (New Orthography)

²³ Xub'ij chke: Wetam ri käb'ij na alaq chwe in: “Ajkun, kunaj ib' la,” —kächa na alaq chwe. “Ri qa tom chi xeb'an la pa ri tinimit Capernaum, cheb'ana k'u la waral pa ri tinimit la,” —kächa na alaq, —xcha chke.

Ri Lucax 4:23 Referans Kwoze

Marcos 6:1

Ri Jesus xel bic chila', xopan pa ri rulew. Ri e u tijoxelab xquiterenej.

Ri Matey 4:13

Xuya' can ri Nazaret, xbec xec'ol pa Capernaum, ri c'o chuchi' ri cho, chupam ri rulew ri Zabulon xukuje' ri Neptali.

2 Corintios 5:16

Rumal ri' man cäkachomaj ta chi uj camic, jas ri cäquichomaj ri winak aj uwächulew camic; pune' xkachomaj ri Crist jas ri qui chomanic ri winak aj uwächulew, man je ta chi c'u u chomaxic wa camic cäkabano.

Ri Xuan 4:28

C'äte ri' ri ixok xuya' can ri u k'ebal, xbe pa ri tinimit, xubij chque ri winak:

Ri Lucax 6:42

¿La cuya' lo cabij che ri awachalal: ‘Wachalal, chaya' chi quinwesaj na ri mes ri c'o pa ri a bak'wäch’, man cawil ta c'u ri cuta'm ri c'o pa ri a bak'wäch at? Xa' quieb a wäch, nabe chawesaj ri cuta'm pa ri a bak'wäch at. C'äte ri' kas catca'y che resaxic ri mes pa ri u bak'wäch ri awachalal.”

Ri Lucax 4:16

Ri Jesus xopan pa Nazaret, are ri tinimit jawije' xq'uiyisax wi. Pa ri k'ij re uxlanem, xoc bic pa ri ja ri cäquitijoj wi quib ri aj judeyib che ri pixab, jas ri u nak'atisabal. Xtaq'ui' c'ut che u siq'uixic ri wuj.

Ri Matey 13:54

Xopan pa ri kas u tinimit, quebutijoj c'u ri winak pa ri ja ri cäquitijoj wi quib ri aj judeyib che ri pixab. Ri winak e mayininak, xquibij: “¿Jawije' u c'amom wi wa' we no'j ri' xukuje' ri retamabal? ¿Jawije' u c'amom wi wa' ri u cuinem che u banic nimalaj tak mayibal?

Ri Matey 4:23

Ri Jesus xusolij ronojel ri Galiley. Quebutijoj ri winak pa tak ri ja ri cäquitijoj wi quib ri aj judeyib che ri pixab. Quebucunaj c'u conojel ri winak che ronojel ri qui yabilal xukuje' tak ri qui k'oxomal.

Ri Lucax 2:39

Aretak xebantaj conojel ri jastak jas ri cubij ri u pixab ri Ajawaxel, xetzelej pa Galiley, xebe pa Nazaret ri qui tinimit.

Ri Lucax 2:51

Ri Jesus xtzelej bic cuc', c'ä xebopan pa Nazaret, u yo'm rib pa takic chque. Ri u nan cuc'ol ronojel wa' pa ranima'.

Ri Lucax 4:31

Ri Jesus xkaj bic pa Capernaum, tinimit re Galiley. Quebutijoj ri winak pa tak ri k'ij re uxlanem.

Ri Lucax 4:35

Ri Jesus xuyajo, xubij: “Chatz'apij u pa chi', chatel che we achi ri'.” C'äte ri' ri itzel uxlabal xuq'uiak ri achi pa qui niq'uiajil ri winak, xel bic che, man c'o ta c'ax xuban can che.