Ri Lucax 24:44 - Quiché Bible

⁴⁴ Xubij chque: “Are tzij wa' ri xinbij chiwe aretak c'ä in c'o iwuc': chi rajawaxic chi cätz'akatisax na ronojel ri tz'ibatal chwij pa ri u pixab ri Moises, pa tak ri qui wuj ri k'axal tak tzij, xukuje' pa tak ri Salm.”

RI KꞌAKꞌ TESTAMENTO PA TZIJOBꞌAL KꞌICHEꞌ

⁴⁴ Are xinkꞌojiꞌ iwukꞌ, xinbꞌij chiꞌwe chi kakꞌulmataj ronojel ri tzꞌibꞌatal loq chwij, pa ri taqanik rech ri Moisés, xuqujeꞌ pa ri kiwuj ri e qꞌalajisal taq rech ri utzij ri Dios, xuqujeꞌ pa ri wuj rech Salmos.

K'iche'

⁴⁴ Xubij c'u chque: Aretak ri in xinc'oji iwuc', xintzijoj chiwe chi rajwaxic quebantaj conojel ri tz'ibam chwij pa ru Pixab ri ka mam Moisés, xukuje' ri tz'ibam cumal ri ojer tak k'alajisal re ru Lok' Pixab ri Dios, xukuje' pa tak ri salmos, —xcha ri Jesús chque.

K'iche' (New Orthography)

⁴⁴ Xub'ij k'u chke: Aretaq ri in xink'oji iwuk', xintzijoj chiwe chi rajwaxik keb'antaj konojel ri tz'ib'am chwij pa ru Pixab' ri qa mam Moisés, xuquje' ri tz'ib'am kumal ri ojer taq q'alajisal re ru Loq' Pixab' ri Dios, xuquje' pa taq ri salmos, —xcha ri Jesús chke.

Ri Lucax 24:44 Referans Kwoze

Ri Zacariy 12:10

Quebennojisaj na ri e rija'lil ri David che uxlabal re banoj tok'ob xukuje' che u banic ch'awem ruc' Dios xukuje' ri e aj Jerusalen. Caquil c'u na ri xquijulupij, caquibisoj c'u na cacok'ej c'u na u wäch jacha' ri rok'exic u wäch ri xa' jun chi c'ojolaxel aretak cacämic o ri nabeal c'ojolaxel.

Ri Zacariy 9:9

¡Sibalaj chatquicotok tinimit Sion! ¡Chatbixon rumal quicotemal, tinimit re Jerusalen! Ri awajawinel cäpe na awuc', suc' xukuje' ch'äcanel, mach'al c'ut, quiejeninak chrij jun bur, chrij jun alaj bur, ral jun ati't bur.

Hechos 13:33

u tz'akatisam c'u chke uj ri uj quija'lil. Xuban c'u wa' aretak xuc'astajisaj ri Jesus, jacha' ri tz'ibatal pa ri ucab Salm: At ri' ri nu c'ojol, camic xatinwalc'ualaj.

Ri Lucax 9:22

Xubij chque: “Rajawaxic chi ri Rija'l Winak curik na sibalaj c'ax, chi cäxutux na cumal ri nimak tak tatayib, cumal ri qui nimal ri cojol tak tabal tok'ob xukuje' cumal ri ajtijab re ri pixab, chi cäcämisax na, chi cäc'astaj na churox k'ij.”

Ri Isaiy 7:14

Kas c'u are' ri Ajawaxel cäyo'w na jun etal chiwäch: Ri k'apoj yawab winak chic cäc'oji' c'u na jun ral, ri cucoj na Emanuel che u bi'.

Apocalipsis 19:10

Xintzak wib chuwäch ri rakan ri tako'n aj caj che u k'ijilaxic. Xubij c'u chwe: “¡Mabano! In awach pataninel, in cach pataninel ri awachalal ri c'o u k'alajisaxic ri Jesus cuc'. Are' chak'ijilaj ri Dios.” Are c'ut ri u k'alajisaxic ri Jesus are ri u tzijoxic ri yo'm u bixic.

Hebreos 10:1

Are c'u ri pixab, ri xa' qui mu'jal ri utzalaj tak jastak ri quepe na, man are ta ri kas qui ca'yebal. Rumal ri', ri pixab mawi jumul cäcuin che u banic tz'akat chque ri winak ri quekeb chuwäch ri Dios cumal ri tabal tak tok'ob ri queya' chujunab.

Ri Xuan 5:46

We ta quixcojon che ri xubij ri Moises, quixcojon ta ri' chwe in; chwij c'u in xtz'ibam wi can ri Moises.

Ri Zacariy 6:12

Chabij c'u che: ‘Ri Ajawaxel ri c'o ronojel u cuinem cujiquiba' u bixic chi ri c'ojol ri cäbinax tuxaj che caq'uiy na paquiwi' ri kas e u rab cuban c'u na u banic ri rachoch ri Ajawaxel.

Ri Isaiy 9:6

Rumal rech chi alam jun ac'al chke, ri Dios u yo'm jun c'ojolaxel chke, ri yo'm ronojel cuinem pa u k'ab che u k'atic tzij, are c'u tak u bi' wa' cäbix na: Mayibal pa tak ri cubano, Dios ri man ch'äcatajel taj, junalic tataxel, u c'ojol ajawinel ya'l jamaril.

Ri Isaiy 28:16

Rumal ri', ri Ajawaxel cubij: “Quincoj na jun abaj pa Sion, jun abaj ri cha'om ri sibalaj pakal rajil, are c'u abaj wa' ri nim u patan, ri cajwataj na che tac'alibal. Ri c'o u jiquiban wi c'uxaj, man quebel ta na ch'u'j.

Salmib 118:22

Ri abaj ri xetzelax u wäch cumal ri e banal tak ja, are c'u uxinak ri abaj ri nim na u patan.

Ri Zacariy 13:7

Ri Ajawaxel ri c'o ronojel u cuinem cujiquiba' u bixic: “¡Chatwalijok, ch'ich' re ch'o'j, che u banic c'ax che ri wajyuk' xukuje' che ri wachil! ¡Chacämisaj ri ajyuk', are c'u ri jumulaj cujabuj na rib, are c'u ri in quintzelej chi na che qui c'ulelaxic ri alaj ama'ib tak chij!

Ri Osey 3:5

Aretak c'u oc'owinak chi wa' quetzelej na ri aj israelib cäquitzucuj c'u na ri Ajawaxel ri qui Dios xukuje' ri David ri cajawinel. Chquipam ri q'uisbal tak k'ijol caquitzucuj na ri Ajawaxel ruc' nim ilic xukuje' tak ri e utzil ri quebuya'o.

Ri Ezequiel 34:23

Quenbana' na chi catzelej ulok ri pataninel wech ri David, xuwi c'ut ri are' quincoj na che ajyuk', ri are' quebuchajij na. Are' cux na yuk'ul quech.

Ri Isaiy 52:13

Ri pataninel wech cäch'äcan na, cäwalijisax na, cäya' na sibalaj chicaj.

Chapletajic 22:18

conojel c'ut ri nimak tak tinimit cho ri uwächulew caquirik na tewichibal rumal quech. Rumal rech chi at nimaninak chwe.’ ”

Hebreos 9:8

Jeri' ri Ruxlabal ri Dios cuc'utu' chi, aretak c'ä cäc'oji' na ri nabe u tasbal ri k'ijilabal, ri be ri coc chupam ri Sibalaj Tastalicalaj C'olbal c'ä maja' catortajic.

Ri Xuan 5:39

Chebisiq'uij ri e Tz'ibatalic, quichomaj c'ut chi chquipam wa' quirik wi ri junalic i c'aslemal. E are c'u wa' ri queyo'w k'alajisanic chwij.

Ri Zacariy 14:4

Pa ri k'ij ri' ri Ajawaxel quebutac'aba' na ri rakan puwi' ri qui Juyubal tak ri u Che'al Aseitun, ri c'o chuwäch ri Jerusalen, ri c'o chusuq'uil ri elebal k'ij. Jun c'u nimalaj beya', ri cataken pa ri elebal k'ij quetakal pa ri u kajebal k'ij, cuban na quieb che ri qui juyubal tak ri u Che'al Aseitun. Pa niq'uiaj che ri juyub cäk'ax na pa ri iquiak'ab ri jun pa niq'uiaj chic cak'ax na pa ri mox k'ab.

Ri Daniel 7:13

Ri in nu takem quilic tak we c'utwächinic ri' pa ri chak'ab ri', xak c'u c'ätetal: Xinwilo chi petinak jun pa tak ri sutz' ri je ta ne cäpe jun rija'l winak, xbe c'ut jawije' c'o wi ri Nim Winak; xoquisax c'u chuwäch.

Ri Daniel 2:44

Pa tak c'ut ri k'ijol ri quebajawin tak we ajawinelab ri', ri Dios ri c'o pa ri caj cujekeba' na jun ajawibal ri mawi jubik' casachisax ta u wäch mawi c'o jun nim tinimit cätakan ta chi na puwi', xane' quebusachisaj na qui wäch conojel tak ri niq'uiaj ajawibal chic, cäjeki' c'u na chbe k'ij sak.

Ri Ezequiel 17:22

In, ri Ajawaxel, quinbij: Xukuje' ri in quinc'am na ri u parunum ri chacalte' ri sibalaj naj elinak chicaj; quinch'up na jun u tux ri u k'ab ri sibalaj cätojtatic, kas c'u in quinticow na puwi' jun juyub ri sibalaj naj elinak chicaj,

Ri Jeremiy 23:5

Ri Ajawaxel cujiquiba' u bixic: “Cäpe na jun k'ij aretak quinban na chi ri David cac'oji' na jun kas rija'lil, jun ajawinel ri cajawin na ruc' no'j cuban c'u na ri suq'uilal xukuje' ri colomal chupam ri ulew.

Ajilanic 35:25

Ri tinimit rajawaxic cuto' na u wi' ri xbanow ri cämic rech man catoj ta rajil c'axelal che rumal ri rachalal ri xcäm rumal, cuban c'u na chi catzelej pa ri tinimit re to'bal ib jawije' ri u tzucum wi to'bal rib. Ri xcämisanic rajawaxic cäcanaj chila' c'ä cacäm na ri quinimal ri e cojol tabal tak tok'ob ri kas tastalic.

Ajilanic 21:8

xubij c'ut ri Ajawaxel che: “Chabana' jun cumätz ri junam cuc' wa', chaya' c'u puwi' jun rakan etal. Aretak c'o jachin cäcatz rumal jun cumätz, chca'y che ri cumätz ri c'o puwi' ri rakan etal, cäto'taj c'u na.”

Chapletajic 3:15

Quinban na chi ri at xukuje' ri ixok, quic'ulelaj na iwib, junam xukuje' ri awija'lil ruc' ri rija'lil. Ri rija'lil cuwach' na ri a jolom, are c'u ri at cacatz na ri u xe' rakan.”

Ri Xuan 3:14

Je jas xuban ri Moises pa ri chaki'j uwo sak, xuwalijisaj ri cumätz, xukuje' jeri' rajawaxic chi ri Rija'l Winak cäwalijisax na.

Ri Lucax 24:46

Xubij chque: “Je xtz'ibax can wa' chi ri Crist curik na c'ax, chi cäcäm na, chi cäc'astaj na chquixo'l ri cäminakib churox k'ij.

Ri Jeremiy 33:14

Ri Ajawaxel cujiquiba' u bixic: “Copan na ri k'ij aretak quebetz'akat tak ri chi'nic re tewichinic ri xebenchi'j che ri tinimit Israel xukuje' ri re ri Juda.

Chapletajic 49:10

Man c'o ta jun quesan ri cuinem pa u k'ab ri Juda mawi ri ch'ämiy ri c'o pa u k'ab c'ä cäpe na ri ajchak'e ri ch'ämiy, ri cänimax na cumal conojel tak ri tinimit.

Chapletajic 14:18

Xukuje' ri Melquisedec ajawinel aj Salem u cojol tabal tok'ob ri Dios aj chicaj, xuc'am ulok caxlanwa xukuje' u wa'l uva.

Hebreos 7:1

Are c'u we Melquisedec ri', rajawinel ri Salem xukuje' cojol tabal tok'ob rech ri Dios ri c'o pa ri caj. Xel ulok che u c'ulaxic ri Abraham, aretak tzelejinak chi ulok che qui ch'äquic ri ajawinelab. Xutewichi'j c'u ri Abraham.

Hebreos 3:5

Ri Moises kastzij jic pa ronojel ri rachoch Dios, je jas jun pataninel, che u k'alajisaxic jas ri cätzijox na.

Hechos 7:37

Are Moises wa' ri xbin chque ri aj israelib: ‘Ri Ajawaxel, ri i Dios cuya' na jun k'axal u tzij chquixo'l ri iwachalal je jas ri in.’

Ri Lucax 22:37

Quinbij c'u chiwe chi rajawaxic cäbantaj na chwe we tz'ibatalic ri': ‘Xajilax c'u chquixo'l ri e banal tak etzelal.’ Are c'u ri tz'ibatal chwij, cäbantaj na.”

Ri Lucax 21:22

E k'ij c'u wa re c'äjisabal wäch, ri quetz'akat na conojel ri cubij ri Tz'ibatalic.

Ri Lucax 9:44

“Kas chitatabej wa' we tzij ri' ri quinbij chiwe: Are c'u ri Rija'l Winak cäjach na pa qui k'ab tak ri winak.”

Ri Matey 26:56

Ronojel c'u wa' cäbanic, rech cäbantajic jas ri tz'ibam can cumal ri e k'axal tak tzij.” C'äte ri', conojel ri u tijoxelab xquiya' canok, xebanimajic.

Ri Matey 26:54

We ta c'u jewa', ¿jas ta cäban che u banic ri cubij ri Tz'ibatalic chi rajawaxic cäbantaj na?”

Ri Matey 16:21

Kas chi' c'ut ri Jesucrist xuchaplej bic ri u k'alajisaxic chquiwäch ri u tijoxelab chi rajawaxic chi cäbe na pa Jerusalen, caban c'u na nimak tak c'ax che cumal ri nimak tak tatayib xukuje' ri qui nimakil ri e cojol tak tabal tok'ob xukuje' ri ajtijab re ri pixab. Rajawaxic c'ut chi cäcäm na, pa oxib k'ij c'ut cäc'astajisax na.

Ri Amos 9:11

“Cäpe ri k'ij aretak quinwalijisaj na ri tzakinakalaj u cäbal ri David. Quebenc'ojoj tak na ri e u c'ob, quebenyac na ri e etzeletajinak wi, quinban na u yaquic je jacha' ri u banom canok pa ri ojer tak k'ijol,

1 Pedro 1:11

Are ta xcaj xquetamaj jachinok xukuje' jachique k'ij cäc'ulmataj na ri xc'ut ulok chquiwäch rumal ri Ruxlabal ri Crist ri c'o pa canima', aretak xuk'alajisaj ulok chi ri Crist curik na c'ax, xukuje' chi cänimarisax na u k'ij aretak coc'ow ri c'ax.

Hechos 3:18

Je c'u xbantaj wa' jas ri u bim ulok ri Dios pa qui chi' conojel ri e k'axal tak tzij: chi ri u Crist curik na c'ax.

Marcos 9:31

Xebutijoj c'u ri u tijoxelab, xubij chque: “Ri Rija'l Winak cäjach na pa qui k'ab winak, cäquicämisaj na. C'äte c'u ri', cäc'astaj na churox k'ij.”

Ri Matey 1:22

Ronojel wa' xc'ulmaxic rech cäbantajic jas ri u tzijom can ri Ajawaxel rumal ri k'axal tzij, ri xubij:

Hechos 2:27

Man quinya' ta c'u can chupam ri mukbal, man cäya' ta la c'olbal chi cäk'ay ri u cuerp ri suc'alaj pataninel ech la.

Hechos 13:40

Chichajij iwib, rech man cäpe ta piwi' jas ri cubij chupam ri tz'ibatal cumal ri k'axal tak tzij: