Ri Lucax 23:35 - Quiché Bible

³⁵ E tac'atoj c'u ri winak, cätajin queca'y che ri Jesus. Ri nimak qui banic xquetz'bej u wäch, xquibij: “Ri are' xebucol niq'uiaj winak chic. Chucolo c'u rib chbil rib, we are wa' ri Crist, ri cha'om rumal ri Dios.”

RI KꞌAKꞌ TESTAMENTO PA TZIJOBꞌAL KꞌICHEꞌ

³⁵ Are kꞌu ri winaq kakikaꞌyej apanoq ri Jesús, ri e qꞌatal taq tzij kꞌut kakiyoqꞌ apanoq ri Jesús, xkibꞌij: Xuꞌkol ya nikꞌaj winaq chik. We kꞌu qas are Cristo, ri chaꞌtalik, chukolo xuqubꞌa ribꞌ.

K'iche'

³⁵ E tac'atoj c'u ri winak, tajin queca'y che ri Jesús. Ri qui nimakil ri winak xquetz'bej u wäch, xquibij: Xuto' ri jule' winak chic. We kas tzij are ri Cristo ri cha'tal rumal ri Dios, chuto' ba' rib, —xecha'.

K'iche' (New Orthography)

³⁵ E tak'atoj k'u ri winaq, tajin keka'y che ri Jesús. Ri ki nimaqil ri winaq xketz'b'ej u wäch, xkib'ij: Xuto' ri jule' winaq chik. We qas tzij are ri Cristo ri cha'tal rumal ri Dios, chuto' b'a' rib', —xecha'.

Ri Lucax 23:35 Referans Kwoze

Salmib 22:17

¡Quincuinic quebenwajilaj ri nu bakil! ri e nu c'ulel man cäquesaj ta ri qui bak'wäch chwij.

Ri Isaiy 42:1

“Waral c'o wi ri nu pataninel, ri quinya' ri nu to'banic che ri nu cha'om, ri quinquicot ruc'. Nu yo'm ri wuxlabal pa ranima' rech cuc'am ulok ri suq'uil chque conojel ri nimak tak tinimit.

1 Pedro 2:4

Chixk'ax ba' ruc' ri Ajawaxel, are' je ta ne jun c'aslic abaj. Are' ri abaj ri xutum can cumal ri winak, cha'om c'u rumal ri Dios, pakal rajil.

Ri Lucax 16:14

Ri pariseyib, ri e lok'ok'el puak, xquitatabej conojel we jastak ri', xquetz'bej c'u u wäch ri Jesus.

Ri Matey 12:18

“Chiwilampe' ri pataninel we ri nu cha'om, ri lok' chnuwäch, sibalaj cäquicot ri wanima' ruc'. Quinya' na ri Wuxlabal che. Cuya' na u bixic ri takal chque tak ri nimak tak tinimit.

Ri Isaiy 53:3

ri winak cäquetzelaj u wäch xukuje' caquixutuj, Are jun achi q'uisnak pa ri k'oxomal, ri nak'atal che u rikic c'ax, Jacha' jun ri man takal ta u ca'yexic, xketzelaj u wäch, man xujoc ta il che.

Ri Matey 3:17

Xtataj c'u jun ch'abal chicaj ri xubij: “Are lok'alaj nu C'ojol wa' ri sibalaj quinquicot ruc'.”

Ri Zacariy 12:10

Quebennojisaj na ri e rija'lil ri David che uxlabal re banoj tok'ob xukuje' che u banic ch'awem ruc' Dios xukuje' ri e aj Jerusalen. Caquil c'u na ri xquijulupij, caquibisoj c'u na cacok'ej c'u na u wäch jacha' ri rok'exic u wäch ri xa' jun chi c'ojolaxel aretak cacämic o ri nabeal c'ojolaxel.

Juyuwem 3:14

Conojel ri e nu winakil quetz'en chwe; jok'otaj chi jok'otaj in u cach' ri etz'ben wächaj ri cäquiban chwe.

Ri Isaiy 49:7

Ri Ajawaxel, ri toronel, ri Tastalicalaj u Dios ri Israel, cubij che ri tinimit ri sibalaj etzelam u wäch, ri quetzelax u wäch cumal ri niq'uiaj tinimit chic, ri uxinak qui lok'om pataninel ri itzel tak winak: “Aretak catquil ri ajawinelab xukuje' tak ri e qui c'ojol, quewalij na cäquimej na quib chawäch, rumal rech chi in, ri Ajawaxel, ri Tastalicalaj u Dios ri Israel, xatincha'o, quebentz'akatisaj c'u na ri e nu chi'm.”

Salmib 71:11

Cäquibij: “¡Chiterenej pa rakan, chichapa', xutum c'u can rumal ri Dios, man c'o ta c'u jachin craj cuto'!”

Salmib 69:26

caquitakej c'u u banic c'ax che ri c'axc'obisam la cäquitze'j c'u u wäch ri u k'oxomal ri socom la.

Salmib 35:15

Aretak c'u xintzakic, conojel junam xquitze'j nu wäch; e jacha' ta ne ri man weta'm ta qui wäch, man c'u xinabej taj, man quebuxlan ta che nu yok'ic.

Salmib 4:2

Ix ri quina' iwib chi ix nimak tak tatayib. ¿C'ä jampa' quitanaba' u yok'ic ri nu juluwem? ¿C'ä jampa' lo ri quirayij na xukuje' qui tzucuj na ri man c'o ta u beya'l, ri xa subunic?

Ri Lucax 23:13

Ri Pilat xebumulij ri e qui nimakil ri e cojol tabal tok'ob, ri e k'atal tak tzij, xukuje' ri winak.

Ri Lucax 23:39

Jun chque ri banal tak etzelal ri e tzayebam ruc' ri Jesus, xuyok'o, xubij: “¿We at ri' ri Crist? Chacolo awib chbil awib, xukuje' chujacolo' ri uj.”