Ri Lucax 20:24 - Quiché Bible

²⁴ Chic'utu' jun rakan puak chnuwäch. ¿Jachin ajchak'e ri ca'yebal ri c'o chuwäch xukuje' ri bi'aj ri tz'ibatalic?” Xquibij che: “Rech ri Sesar.”

RI KꞌAKꞌ TESTAMENTO PA TZIJOBꞌAL KꞌICHEꞌ

²⁴ Chikꞌutumpe jun pwaq kech ri aꞌj Roma chinuwach. ¿Jachin ajchoqꞌe we palajaj xuqujeꞌ we tzꞌibꞌ we kꞌo choch? Rech ri César, xecha ri winaq.

K'iche'

²⁴ C'utu ba' alak jun puak chnuwäch, —cächa chque. ¿Jachin c'u rech we ca'yebal ri' xukuje' ri bi'aj ri' ri c'o chuwäch ri puak? —xcha ri Jesús. Xech'aw chi na ri winak, xquibij che: Are rech ri César ri nimalaj takanel, —xecha che.

K'iche' (New Orthography)

²⁴ K'utu b'a' alaq jun puaq chnuwäch, —kächa chke. ¿Jachin k'u rech we ka'yeb'al ri' xuquje' ri b'i'aj ri' ri k'o chuwäch ri puaq? —xcha ri Jesús. Xech'aw chi na ri winaq, xkib'ij che: Are rech ri César ri nimalaj taqanel, —xecha che.

Ri Lucax 20:24 Referans Kwoze

Ri Matey 18:28

Xel c'u bic ri pataninel ri', xurika' jun rach pataninel ri c'o jubik' u c'as ruc'. Xuchap ri rach pataninel chukul che u jitz'axic, xubij c'u che: ‘Chatojo' ri a c'as.’

Filipenses 4:22

Conojel tak ri e tastalic cäquiya' rutzil i wäch. Xukuje' ri e aj uwo rachoch ri Sesar sibalaj cäquiya' rutzil i wäch.

Hechos 26:32

Ri Agrip xubij che ri Pest: “Cuya' cätzokopix we achi ri', we ta ma ta u tz'onom chi cätak bic chuwäch ri Sesar.”

Hechos 11:28

Jun chque wa' are Agab u bi', ri are' xtaq'ui'c, xuk'alajisaj rumal ri Uxlabaxel chi cäpe na jun nimalaj wi'jal cho ronojel ri uwächulew. Xpe c'u wa' pa tak ri k'ij aretak ri Clawd are k'atal tzij.

Ri Lucax 23:2

Xquichaplej u tzujuxic xquibij: “Ka rikom we achi ri' chi cätajin cujech'eba' ri ka nim tinimit, quebutijoj ri winak chi man cäquiya' ta alcabal che ri nimalaj k'atal tzij Sesar. Cubij c'ut chi ri are' are ri Crist, jun ajawinel.”

Ri Lucax 20:22

¿La utz cäkaya' alcabal che ri nimalaj ajawinel Sesar, o man utz taj?”

Ri Lucax 3:1

Pa ri ro'lajuj u junab ri u takanic ri nimalaj k'atal tzij Tiber Sesar ri nim u takanic, are c'u ri Pons Pilat are' k'atal tzij pa Judey, ri Herod are k'atal tzij pa Galiley, ri Pelip ri rachalal are k'atal tzij pa Iturey xukuje' que tak ri ulew ri e c'o pa Traconit, ri Lisaniy are k'atal tzij pa Abilin.

Ri Lucax 2:1

Xc'ulmataj pa tak ri k'ij ri' chi ri nimalaj k'atal tzij August Sesar xuya' takanic chi conojel ri winak cäquitz'ibaj ri qui bi'.

Ri Matey 20:2

Xchoman cuc' ri ajchaquib chi cutoj chque ri cuch'äc jun ajchac che ri jun k'ij chac. Xebutak c'u bic pa ri u tico'n.

Ri Matey 22:20

Xubij c'u ri Jesus chque: “¿Jachin u ca'yebal ri c'o chuwäch xukuje' ri bi'aj ri tz'ibatalic?”

Ri Lucax 20:23

Ri Jesus reta'm c'u ri qui chomanic. Xubij chque: “¿Jasche quebicoj c'amibal chnuwäch?

Ri Lucax 20:25

C'äte ri' xubij chque: “Chitojo' ba' che ri Sesar ri rech ri Sesar. Xukuje' chitojo' che ri Dios ri rech ri Dios.”

Marcos 12:16

Aretak xquic'am ulok, xubij chque: “¿Jachin u palaj wa' ri c'o chuwäch ri puak xukuje' ri bi'aj ri tz'ibatalic?” Xquibij che: “Rech ri Sesar.”