Ri Lucax 20:22 - Quiché Bible

²² ¿La utz cäkaya' alcabal che ri nimalaj ajawinel Sesar, o man utz taj?”

RI KꞌAKꞌ TESTAMENTO PA TZIJOBꞌAL KꞌICHEꞌ

²² ¿La yaꞌtal chaqe kaqatoj alkabal che ri César o man yaꞌtal taj?

K'iche'

²² ¿A rajwaxic cäkatoj alcabal che ri nimalaj takanel aj Roma? We ne man rajwaxic taj, —xecha che.

K'iche' (New Orthography)

²² ¿A rajwaxik käqatoj alkab'al che ri nimalaj taqanel aj Roma? We ne man rajwaxik taj, —xecha che.

Ri Lucax 20:22 Referans Kwoze

Ri Nehemiy 9:37

Ri sibalaj cäwächin ruc' tz'ebenic ri quetakal pa qui k'ab tak ri ajawinelab, rumal quech tak ri ka mac, e cojom la pakawi'. Ri uj xukuje' tak ri e ka waj uj c'o pa qui k'ab, rech caquiban chke jachique tak ri cacaj. Rumal ri' sibalaj c'ax ka rikom.”

Hechos 5:37

Oc'owinak chi c'u wa', xpe jun achi chic Juds u bi', aj Galiley wa', xpe ri are' pa tak ri k'ij aretak conojel ri winak xquitz'ibaj qui bi'. Xebuc'am bic q'ui winak chrij, xukuje' wa' xsach u wäch. Conojel c'ut ri e teren chrij xejabunic.

Ri Matey 17:25

“Cutojo'”, xcha' ri Lu'. Aretak xoc ri Lu' pa ri ja, nabe xch'aw ri Jesus, xubij che: “¿Jas cachomaj at, Simon? Ri ajawinelab quech ri nimak tak tinimit ri e c'o cho ri uwächulew, ¿jachin chque cäquitok'ij wi ri alcabal o tojbal? ¿La chque ri e qui winakil o chque ri man e qui winakil taj?”

Ri Nehemiy 5:4

jule' chic jera' caquibij chi qui jolom puak che u tojic ri alcabal pa u k'ab ri ajawinel, are c'u xquiya' can tak ri culew che u tojic xukuje' tak ri uva ri e qui ticom. Caquibij c'ut xukuje':

Ri Esdras 9:7

Kas ojer ulok xukuje' c'u c'ä camic, uj jekelinak pa ri nimalaj macaj. Qui mac c'u quech tak ri ketzelal, ri uj, jacha' xukuje' tak ri e kajawinelab xukuje' tak ri e cojol tabal tok'ob uj jachom pa qui k'ab tak ri ajawinelab que jule' tak tinimit chic. Uj socom, uj jabum, uj tolobam etzelam c'u ka wäch, je c'u ka c'ulmam wa' camic.

Ri Esdras 4:13

Cakaya' c'u retamaxic che la, oh ajawinel, chi we cäban u banic u yaquic we tinimit ri' cäyac ri nim tapia chrij, we winak ri' man cacaj ta chi wa' caquitoj ri takal u tojic cumal, mawi caquitoj chic ri tojbal ri alcabal, cäbe c'u ri u k'inomal ri ajawinel pa c'ax.

U Camulixic ri Pixab 17:15

Rajawaxic ri' quicoj jun i winakil che ajawinel, che ri nim tinimit, ri cächa' rumal ri Ajawaxel ri i Dios. Micoj jun winak che ajawinel, ri man i winakil taj.

Ri Lucax 20:21

Xquic'ot c'u u chi' ri Jesus, xquibij che: “Kajtij, keta'm chi suc' ri a tzij, suc' ri a tijonic. Keta'm chi man nim ta cawil wi jun winak chuwäch jun chic. Xane' quebatijoj ri winak ruc' kastzij che ri u be ri Dios.

Ri Lucax 20:23

Ri Jesus reta'm c'u ri qui chomanic. Xubij chque: “¿Jasche quebicoj c'amibal chnuwäch?

Ri Lucax 23:2

Xquichaplej u tzujuxic xquibij: “Ka rikom we achi ri' chi cätajin cujech'eba' ri ka nim tinimit, quebutijoj ri winak chi man cäquiya' ta alcabal che ri nimalaj k'atal tzij Sesar. Cubij c'ut chi ri are' are ri Crist, jun ajawinel.”

Romanos 13:7

Chitojo' ri i c'as cuc' conojel. Chitojo' ronojel u wäch ri cuchuj che ri tok'il cuchuj. Nim chiwila' wi ri winak ri rajawaxic nim quil wi. Chiya' u k'ij ri winak ri rajawaxic cäya' u k'ij.