Ri Lucax 2:11 - Quiché Bible

¹¹ Camic xil u wäch chiwe pa ri u tinimit ri David jun Colonel. Ri are wa' ri CRIST, ri Ajawaxel.

RI KꞌAKꞌ TESTAMENTO PA TZIJOBꞌAL KꞌICHEꞌ

¹¹ Kamik xalax pa ri utinimit ri David jun Kolonel, are ri Mesías ri Ajawxel.

K'iche'

¹¹ Are quinbij chiwe chi cämic ri' xil u wäch jun To'l Iwe pa ru tinimit ri mam David. Are Cristo wa' ri Kajaw, —cächa'.

K'iche' (New Orthography)

¹¹ Are kinb'ij chiwe chi kämik ri' xil u wäch jun To'l Iwe pa ru tinimit ri mam David. Are Cristo wa' ri Qajaw, —kächa'.

Ri Lucax 2:11 Referans Kwoze

Ri Isaiy 9:6

Rumal rech chi alam jun ac'al chke, ri Dios u yo'm jun c'ojolaxel chke, ri yo'm ronojel cuinem pa u k'ab che u k'atic tzij, are c'u tak u bi' wa' cäbix na: Mayibal pa tak ri cubano, Dios ri man ch'äcatajel taj, junalic tataxel, u c'ojol ajawinel ya'l jamaril.

Ri Matey 1:21

Ri Mariy cäc'oji' na jun ral ala. Jesus ri u bi' cacoj na. Jewa' ri u bi' rumal rech chi are cacolow na ri u tinimit ri c'o chupam ri qui mac.”

Hechos 2:36

Chretamaj ba' ronojel ri tinimit Israel, ruc' jicomal chi kas are we Jesus ri', ri xrip alak, ri Dios u banom Ajawaxel che xukuje' Crist.”

Ri Matey 16:16

Ri Simon Lu' xubij che: “Lal ri' ri Crist, ri u C'ojol ri c'aslic Dios.”

Ri Lucax 1:43

¿Jachin ri in, chi ri u nan ri Wajaw cäpe wuc'?

1 Juan 5:1

Ronojel jachin ri cacojonic chi ri Jesus are' ri Crist, ralc'ual ri Dios wa'. Apachin ri culok'ok'ej jun tataxel, xukuje' quebulok'ok'ej ri e ralc'ual we tataxel ri'.

Filipenses 2:11

Rech conojel cäquich'obo xukuje' cäquibij chi ri Jesucrist are Ajawaxel, jeri' cänimarisax u k'ij ri Dios Tataxel.

Ri Xuan 4:42

Xquibij che ri ixok: “Camic man xuwi ta cakacoj chic ri xabij chke. Uj c'ut pa kech wi ka tom, xketamaj chi kas are wa' ri Colol quech ri winak aj uwächulew.”

Ri Lucax 2:4

Xel c'u ulok ri Jose pa ri tinimit Nazaret re Galiley, xbe pa ri u tinimit ri David pa Judey, Belen u bi'. Ri Jose are jun chque ri e rija'l ri David.

Ri Matey 1:16

Ri u c'ojol ri Jacob are' ri Jose, ri rachajil ri Mariy, are' wa' ri u nan ri Jesus, ri cakabij Crist che.

1 Corintios 15:47

Ri nabe achi ri xesax che ri ulew, are aj uwächulew. Ri ucab achi, are aj chicaj.

Hechos 10:36

Ri Dios xutak ulok ri u tzij chque ri e rija'l ri Israel, cutzijoj c'u jamaril chque ri winak rumal ri Jesucrist. Are wa' ri Kajaw konojel.

Ri Xuan 20:31

E tz'ibam c'u wa' rech quicojo chi ri Jesus are' ri Crist, u C'ojol ri Dios, rech aretak quicojo, cäc'oji' i c'aslemal pa ri u bi'.

1 Juan 4:14

Ri uj c'ut kilom xukuje' cäkak'alajisaj chi ri Tataxel xutak ulok ri C'ojolaxel che Colol que ri winak cho ri uwächulew.

Ri Xuan 1:45

Ri Pelip xurik ri Natanael, xubij che: “Xkarik ri jun ri xtz'ibam ri Moises chrij chquipam ri wuj re ri pixab, ri xukuje' xetz'ibam ri e k'axal tak tzij chrij. Are' ri Jesus, u c'ojol ri Jose aj Nazaret.”

Hechos 17:3

Xuk'alajisaj chquiwäch chi ri Crist xurik na c'ax aretak c'u cäminak chic cac'astaj na. “Ri Jesus c'ut ri quinya' u bixic chech alak are' Crist wa',” xcha' chque.

Hechos 5:31

Xnimarisax c'ut u k'ij we Jesus ri' rumal ri Dios, xut'uyuba' pa ri u wiquiak'ab, xucoj c'u che C'amal Be xukuje' Colonel. Jeri' xuya' chque ri aj Israel chi cäquiq'uex qui c'u'x, xuya' chque chi cäsachtaj qui mac.

Ri Xuan 6:69

Ri uj ka cojom, xukuje' keta'm chi lal ri' ri Jun ri Tastalic rech ri Dios.”

Ri Xuan 1:41

Ri are' nabe xurik apan ri Simon ri rachalal, xubij che: “Xkarik ri Mesiy” (je quel wa' pa ka ch'abal: ri Crist.)

Ri Matey 16:20

Ri Jesus xebupixbej c'u ri u tijoxelab chi c'o jun mäquibij wi chi are ri Crist.

Chapletajic 49:10

Man c'o ta jun quesan ri cuinem pa u k'ab ri Juda mawi ri ch'ämiy ri c'o pa u k'ab c'ä cäpe na ri ajchak'e ri ch'ämiy, ri cänimax na cumal conojel tak ri tinimit.

Chapletajic 3:15

Quinban na chi ri at xukuje' ri ixok, quic'ulelaj na iwib, junam xukuje' ri awija'lil ruc' ri rija'lil. Ri rija'lil cuwach' na ri a jolom, are c'u ri at cacatz na ri u xe' rakan.”

Colosenses 2:6

Je c'ut jas ri u c'amic ri Ajawaxel Jesucrist i banom, je chixbin ruc' are':

Filipenses 3:8

C'o chi c'u na jubik', in nu ch'obom chi conojel we jastak ri' man c'o ta chi qui patan chwe, aretak quinchomaj chi sibalaj nim u banic ri retamaxic u wäch ri Crist Jesus ri Wajaw. Rumal rech ri Crist nu tzakom can ronojel, ronojel c'ut xa' mes chic chnuwäch che u q'uexwäch ri nu ch'äcom ri are' ri Crist.

Ri Xuan 11:27

Xubij che: “Quincojo, Wajaw. In cojoninak chi lal ri' ri Crist, ri u C'ojol ri Dios, ri xpe cho ri uwächulew.”

Ri Xuan 7:41

Jujun chic xquibij: “Are wa' ri Crist.” Ri niq'uiaj chic xquibij: “¿La pa Galiley ta lo cäpe wi ri Crist?

Ri Lucax 2:26

Bim chi can che ri Simeon rumal ri Ruxlabal ri Dios, chi man cäcäm ta na, c'ä cäril na ri u Crist ri Ajawaxel.

Ri Lucax 1:69

Xuya' jun Colol kech ri sibalaj c'o u cuinem, are' rija'l ri David, ri pataninel rech ri Dios.

Salmib 2:2

Ri ajawinelab xukuje' ri k'atal tak tzij re ri uwächulew, junam caquiwalijisaj quib chrij ri Ajawaxel xukuje' chrij ri rajawinel ri u cha'om.

Ri Xuan 4:25

Xubij ri ixok che: “Weta'm chi cäpe na ri Mesiy, ri cäbix Crist che. Aretak cäpe ri are', quebulutzijoj na conojel ri jastak chke.”

Hechos 13:23

Chquixo'l ri e rija'l ri David, ri Dios xuwalijisaj wi ulok ri Jesus che Colol rech ri Israel, jas ri u chi'm ulok.