Ri Lucax 2:10 - Quiché Bible

¹⁰ Ri tako'n aj caj xubij chque: “Mixe'j iwib. Chiwilampe', quintzijoj ri utzalaj tak tzij re nimalaj quicotemal chiwe, ri cäyataj na chque conojel ri winak.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Ri ángel xubꞌij chike: Man kixiꞌj ta iwibꞌ, nukꞌamom loq utz laj tzij chiꞌwe, ri kuya na kiꞌkotemal chike konojel ri winaq.

K'iche'

¹⁰ Xubij c'u ri ángel chque: Mixej iwib, —cächa'. Kas tzij quinbij na jun utzalaj tzij chiwe. Ri u patän wa' we utzalaj tzij ri' are chi cuya nimalaj quicotemal chque conojel winak.

K'iche' (New Orthography)

¹⁰ Xub'ij k'u ri ángel chke: Mixej iwib', —kächa'. Qas tzij kinb'ij na jun utzalaj tzij chiwe. Ri u patän wa' we utzalaj tzij ri' are chi kuya nimalaj kikotemal chke konojel winaq.

Ri Lucax 2:10 Referans Kwoze

Ri Isaiy 40:9

Sion, chatpakal puwi' jun juyub, co chatch'awok, chaya' u bixic ri utzalaj tzij. Charaka' a chi' maxe'j awib Jerusalen, chaya' u bixic chque ri tinimit tak aj Juda: “¡Waral c'o wi ri i Dios!”

Ri Isaiy 61:1

Ri Ruxlabal ri Ajawaxel c'o panuwi', in u tasom c'ut ri Ajawaxel in u takom che u ya'ic utzalaj tak tzijol chque ri mebayib, che qui to'ic ri qui rikom c'ax, che u ya'ic tzijol che u bixic chque ri e ximaxoj cuc' tikom ch'ich' chi e torotajinak chic, che quitoric ri e c'o pa che';

Ri Isaiy 52:7

¡Sibalaj je'l rilic ri ropanem tza'm tak ri juyub ri e ruc'am ulok utzalaj tak tzijol, ri e ruc'am ulok utzalaj tak tzijol aj jamaril, ri cuya' u bixic ri u torotajic ri Sion, cubij c'u che ri Sion: “Ri a Dios are' Ajawinel!”

Ri Matey 28:18

Xkeb ri Jesus cuc', xebuch'abej, xubij chque: “Ronojel takanic pa ri caj, ronojel takanic cho ri uwächulew yo'm pa nu k'ab.

Chapletajic 12:3

Quebentewichi'j na ri catquitewichi'j, quebenc'okoj na ri catquic'okoj; conojel ri winak cho ri uwächulew cäquirik na tewichibal rumal awech.”

Ri Matey 14:27

Ri Jesus c'ut chanim xebuch'abej, xubij: “Chijiquiba i c'u'x. In wa'; mixe'j iwib.”

Ri Lucax 1:30

C'äte c'u ri' ri tako'n aj caj xubij che: “Mariy, maxe'j awib. Ri at a rikom ri u tok'ob ri Dios.

Ri Isaiy 41:27

In ri xinyo'w ulok u bixic che ri Sion kas pa ri tictajic, xukuje' in xintakow bic jun tako'n pa Jerusalen che u bixic che chi man cäbeytaj ta ri qui tzelejic ulok ri e u winakil.

Colosenses 1:23

we kas co ix tac'al pa ri i cojonic, man quiya' ta canok, we kas cu'l i c'u'x chrij ri tzij re colobal ib ri i tom, man cuban ta quieb i c'u'x. Are utzalaj tak tzij wa' cätzijox pa tak ronojel c'olbal cho ri uwächulew. Ri in, in Pawl in cojom che patanijic.

Hechos 13:32

Je c'u ri' ri uj cätajin cäkatzijoj ri utzalaj tak tzij chiwe: Ri chi'nic ri xuban ri Dios chque ri e ka mam,

Ri Lucax 24:47

Xukuje' xtz'ibax canok chi cätzijox na chque conojel ri winak, pa conojel nimak tak tinimit chi cäquiq'uex qui c'u'x pa ri u bi' ri Crist rech cäsachtaj ri qui mac, chi cächapletaj bic u tzijoxic wa' pa Jerusalen.

Ri Lucax 8:1

Aretak bantajinak chi wa', ri Jesus quebusolij conojel ri tinimit xukuje' ri alaj tak tinimit. Cutzijoj xukuje' cuk'alajisaj ri utzalaj tzij re ri rajawibal ri Dios, e rachilam c'u ri cablajuj.

Efesios 3:8

In ri man nim ta nu banic chuwäch ri man nim ta u banic chquixo'l ri e aj u tinimit ri Dios, are' c'ut ri are' yowinak we nimarisabal ib ri' chwe chi quinya' u tzijoxic chque ri man aj judeyib taj ri utzalaj tzijol che qui k'alajisaxic tak ri e u k'inomal ri Crist ri man e ch'obel taj.

Ri Lucax 1:19

Ri tako'n aj caj xubij che: “In Gabriel, in tac'al chuwäch ri Dios. In takom ulok che a ch'abexic, che u tzijoxic we utzalaj tak tzij ri' chawe.

Ri Zacariy 9:9

¡Sibalaj chatquicotok tinimit Sion! ¡Chatbixon rumal quicotemal, tinimit re Jerusalen! Ri awajawinel cäpe na awuc', suc' xukuje' ch'äcanel, mach'al c'ut, quiejeninak chrij jun bur, chrij jun alaj bur, ral jun ati't bur.

Ri Lucax 1:13

Ri tako'n aj caj xubij che: “Zacariy, maxe'j awib. Ri a bochi'nic xtatajic. Ri awixokil Elisabet cäralaj na jun a c'ojol. Xuan ri u bi' cacoj na.

Marcos 1:15

Xubij: “Xtz'akat ronojel, xopan ri k'ij. Nakaj chic c'o wi ri rajawibal ri Dios. Chiq'uexa' i c'u'x, chixcojon che ri utzalaj tak u tzij.”

Ri Isaiy 49:6

jewa' cubij: “Man cuban ta wa' chi catux at pataninel wech xuwi rech quebawalijisaj ri e ramak' ri Jacob, xukuje' rech quebatzelej ulok ri aj israelib ri e to'tajinak canok; in quinban na chi catux chäj chque tak ri nimak tak tinimit, rech cac'am bic ri colobenic ri quinya'o c'ä pa tak ri c'olbal naj cho ri uwächulew.”

Romanos 10:15

¿La cuya' lo quebe che u tzijoxic ri colobal ib we man quetak bic? Jas ri tz'ibatalic: “¡Sibalaj je'lic ri copanem ri queyo'w u bixic ri utzalaj tak tzij!”

Marcos 16:15

Xubij chque: Jix cho ronojel ri uwächulew. Chebitzijoj ri utzalaj tak tzij chque conojel ri winak.

Ri Matey 28:5

Xch'aw ri tako'n aj chicaj, xubij chque ri ixokib: “Mixe'j iwib. Weta'm chi are quitzucuj ri Jesus, ri xripic.

Ri Daniel 10:19

xubij c'u chwe: ‘Maxe'j awib mawi matoc il. Ri Dios catulok'ok'ej; ¡chachajij anima' chc'ol c'u a chuk'ab! Aretak cätajin cätzijon wuc', xinna' chi xpe chajin anima' chwe, xinbij c'ut: Ajawaxel tzijom la wuc', e tzelem c'u la ri nu chuk'ab.’

Ri Isaiy 52:10

Ri Ajawaxel u c'utum ri u cuinem chquiwäch conojel ri nimak tak tinimit. Pa ronojel ri uwächulew quetamax na chi ri ka Dios uj u colom.

Ri Lucax 2:11

Camic xil u wäch chiwe pa ri u tinimit ri David jun Colonel. Ri are wa' ri CRIST, ri Ajawaxel.