Ri Lucax 19:47 - Quiché Bible

⁴⁷ Ronojel k'ij quebutijoj ri winak pa ri rachoch Dios. Are c'u ri e qui nimakil ri e cojol tak tabal tok'ob cuc' ri ajtijab re ri pixab xukuje' ri qui nimakil ri winak cäquitzucuj u cämisaxic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴⁷ Ronojel kꞌu qꞌij ri Jesús xuya kꞌutuꞌn pa ri Templo, are kꞌu ri kꞌamal bꞌe ke ri chꞌawenelabꞌ cho ri Dios, xuqujeꞌ ri aꞌjtijabꞌ rech ri taqanik are kakaj kakikamisaj.

K'iche'

⁴⁷ Ronojel k'ij ri Jesús xuya tijonic pa ri nimalaj rachoch Dios. Are c'u ri qui nimakil sacerdotes, ri tijonelab re ri Pixab, xukuje' ri qui nimakil ri winak re ri tinimit xquitzucuj u cämisaxic.

K'iche' (New Orthography)

⁴⁷ Ronojel q'ij ri Jesús xuya tijonik pa ri nimalaj rachoch Dios. Are k'u ri ki nimaqil sacerdotes, ri tijonelab' re ri Pixab', xuquje' ri ki nimaqil ri winaq re ri tinimit xkitzukuj u kämisaxik.

Ri Lucax 19:47 Referans Kwoze

Marcos 11:18

Xquita' ri e qui nimakil ri e cojol tabal tok'ob xukuje' ri ajtijab re ri pixab. Cäquitzucuj c'ut jas ri cäquiban che u cämisaxic ri Jesus. Cäquixe'j c'u quib chuwäch, rumal rech chi q'uialaj winak cäquimay ri u tijonic.

Ri Matey 26:55

Pa ri jok'otaj ri', xubij ri Jesus chque ri winak: “¿La je ta ne chrij jun eläk'om ix elinak wi ulok, iwuc'am ch'ich', iwuc'am che', che nu chapic? Ronojel k'ij xint'uyi' iwuc', xintijon pa ri rachoch Dios, man xinichap ta c'ut.

Ri Xuan 18:20

Ri Jesus xubij che: “Ri in xebentijoj conojel ri winak chi sakil. Amak'el xebentijoj chupam ri ja ri cäquitijoj wi quib ri aj judeyib che ri pixab xukuje' pa ri rachoch Dios, jawije' cäquimulij wi quib conojel ri aj judeyib. Man c'o ta c'u jas nu tzijom chi c'uyal.

Ri Xuan 10:39

C'äte ri', jumul chic xquitzucuj u chapic ri Jesus. Xel c'u bic pa qui k'ab.

Ri Xuan 7:44

E c'o jujun chque are ta xcaj xquichap bic. Man c'o ta c'u jun xucoj u k'ab chrij.

Ri Xuan 7:19

¿La ma ta xuya' ri Moises ri pixab chiwe? Man c'o ta c'u jun chiwe cunimaj ri pixab. ¿Jas che quitzucuj nu cämisaxic?”

Marcos 14:1

Xa' quieb k'ij cäraj che ri nimak'ij re ri oc'owem, aretak catij ri caxlanwa ri man caya' ta ch'am ruc'. Ri e qui nimakil ri e cojol tabal tok'ob cuc' ri ajtijab re ri pixab cäquitzucuj jas cäquiban na che u chapic ri Jesus ruc' subunic rech cäquicämisaj.

Marcos 12:12

Are ta c'u xcaj xquiyut ta bic ri Jesus, xquich'ob c'ut chi xucoj we c'ambal no'j ri' che qui c'ulelaxic. Rumal c'u rech chi caquixe'j quib chquiwäch ri winak, xquiya' canok xebec.

Ri Matey 21:23

Xopan ri Jesus pa ri rachoch Dios. Aretak cätajin catijon chila' xenakajin c'u ri e qui nimakil ri e cojol tak tabal tok'ob ruc' xukuje' ri e nimak tak tatayib re ri tinimit. Xquic'ot u chi': “¿Ruc' jachique takanic quebaban we jastak ri'? ¿Jachin xyo'w wa' we takanic ri' pa a k'ab?”

Marcos 14:49

Ronojel k'ij xinc'oji' iwuc', xebench'abej ri winak pa ri rachoch Dios, man xinichap ta c'ut. Je c'u cäban wa' chwe rech cäbantajic jas cubij ri Tz'ibatalic.”

Ri Lucax 19:48

Man cäquirik ta c'ut jas cäquiban che, rumal rech chi conojel ri winak benak qui c'u'x che u tatabexic.

Ri Lucax 20:19

Ri ajtijab re ri pixab xukuje' ri e qui nimakil ri e cojol tabal tok'ob xquitzucuj u chapic ri Jesus pa ri jok'otaj ri'. Xquixe'j c'u quib chquiwäch ri winak. Queta'm c'ut chi ri Jesus xubij we c'ambal no'j ri' chquij ri e are'.