Ri Lucax 19:21 - Quiché Bible

²¹ Je xinbano rumal rech chi xinxe'j wib chwäch la, chi lal c'analaj achi. Cäc'am la ri man yo'm ta la, cäk'at la ri man xtic ta la.’

RI KꞌAKꞌ TESTAMENTO PA TZIJOBꞌAL KꞌICHEꞌ

²¹ Xinxiꞌj wibꞌ cho la, rumal cher katoqꞌij la ri man xya ta la, xuqujeꞌ kayak la ri man xtik ta la.

K'iche'

²¹ “Je' nu banom wa' rumal chi quinxej wib chuwäch la. Ri lal c'ut sibalaj c'a'n la. Cäc'am la ri man ech tä la, cäk'at c'u la ri man ticom tä la,” —xcha che.

K'iche' (New Orthography)

²¹ “Je' nu b'anom wa' rumal chi kinxej wib' chuwäch la. Ri lal k'ut sib'alaj k'a'n la. Käk'am la ri man ech tä la, käq'at k'u la ri man tikom tä la,” —xcha che.

Ri Lucax 19:21 Referans Kwoze

Ri Juds 1:15

cuk'at na tzij paquiwi' conojel, cuk'alajisaj na ronojel ri itzelalaj tak qui chac ri man cäquiya' ta u k'ij ri Dios, ri xquibano rumal rech chi man xeniman ta che ri Dios, xukuje' cuk'alajisaj na ri c'axalaj tak tzij ri xquibij ri ajmaquib chrij ri Dios rumal rech chi man cäquiya' ta u k'ij.”

1 Juan 4:18

Jawije' chi c'o wi ri lok'ok'ebal c'uxaj, man c'o ta xe'n ib, xane' ri kas tz'akatalaj lok'ok'ebal c'uxaj cäresaj apan ri xibriquil, ri xe'n ib c'ut ruc'am ulok c'äjisabal wächaj. Apachin c'u ri cuxe'j rib, maja' kas cätz'akat pa ri lok'ok'ebal c'uxaj.

Santiago 2:10

Apachin ta' ne ri cunimaj ronojel ri pixab, cämacun c'u ne chrij xa' jun u tz'akatil, c'o u mac chquij conojel ri pixab.

2 Timoteo 1:7

Man u yo'm ta c'ut ri Dios chke jun uxlabal re xibriquil, xane' jun uxlabal re cuinem, re lok'ok'ebal c'uxaj, xukuje' u jiq'uic kib.

Romanos 8:15

Man i c'amom ta jun uxlabal ri cuban lok'om pataninelab chiwe, ri cuban ta chiwe chi quixe'j iwib jas ri nabe canok. Xane' i c'amom ri Uxlabaxel ri xuban chiwe chi xixux ralc'ual ri Dios. Rumal c'u ri are' cäkabij ka Tat che ri Dios.

Romanos 8:7

Ri caquichomaj ri jastak aj winak re mac, cuban u c'ulel che ri Dios. Rumal ri' man cuya' ta rib chuxe' ri u pixab ri Dios, mawi cäcuinic.

Nabe Samuel 12:20

Ri Samuel xutzelej u bixic chque: “Mixe'j iwib. Kastzij chi ri ix sibalaj itzel ri i banom; are c'u ri camic mitas iwib chrij ri Ajawaxel, xane' chik'ijilaj ruc' ronojel iwanima'.

Ri Lucax 19:20

Xpe chi ri jun pataninel, je xubij wa': ‘Wajaw, chilampe' la, c'o ri puak ri xya' la pa nu k'ab, nu c'olom pa jun su't.

Ri Lucax 19:22

Ri ajawinel xubij c'u che: ‘At itzelalaj pataninel, quink'at na tzij pawi' rumal rech ri tzij ri xabij chwe. Aweta'm chi in c'analaj achi, chi quinc'am ri man nu yo'm taj, chi quink'at ri man xintic taj.